引用:
原帖由 gainax 於 3-8-2012 09:27 發表 
之P新版槍都應該冇以前槍身鬆動既問題, 可能係質數冇咁好既批次
不過都買左睇睇有冇得換?
換就費事喇，我係同人交換槍，佢跟俾我果三隻匣現場試果陣有一隻漏氣，我自己整得返所以冇所謂，點知返到屋企發現另一隻有暗漏我整都整返，但原來其中有一隻原來係跌過既，匣底拆開個蓋發現有一邊角位凹得好嚴重，
佢話我知冇乜點玩過支野，但內部組件損耗都幾嚴重，我同返佢講有呢D問題，佢話俾我知係磨合完成係咁樣，係咁同我講叫我換鋼件就冇事，BOLT LOCK果粒野都蝕到甩到出黎，飛機有一邊磨損嚴重，佢都一樣叫我自己換野
雖然我未玩過唔識但一見到果D損耗程度，幾唔識都睇得出啦，二手槍損耗我預左，我只叫佢換過隻新匣或補返一個匣錢俾我就算數，佢已經唔再覆我，點知第二日我響QXX見到佢，同佢講返呢單野，佢不停帶我游花園，前言不對後語話自己好少拆開唔知道
又話冇印象跌過，又叫我換鋼件，又話其實支槍唔係佢既，係人地用黎當還錢俾佢，講講下又話我支槍係唔係第一水心照，又話佢支野價錢唔會比我支平幾多，總之有關要解決問題既都隻字不提，男人老狗成個港女咁，我都廢事理佢，廢事響老友舖頭嘈，當自己唔好彩或者豪俾乞丐就算.....
依家支野我只求自己整得返好就算，我唔敢俾果位咁唔誠實既賣家再呃多次...
