manix

其實可能佢本身並非如G4等特勤人員, 因為好多時有特別大型行動都會抽調好多其他部門協助, 所以當中有好多本身係軍裝，抽調過嚟畀套老西佢著協助較外圍崗位。

manix

引用:

原帖由 dogjumpjump 於 19-5-2016 17:47 發表
其實搞咁多年都仲係用左輪。。　真係好無效率...  

有冇熟慈母的朋友解釋點解仲咁OUT

其實用左輪並非一定out, 用自動手槍亦唔一定先進, 事實上當中好多自動手槍生產日期,比起某些型號左輪要早幾十年甚至成百年！
須知警用武器並非細路打game 咁要多彈要型，當中要考慮例如操作訓練簡單，保養容易，穩定可靠及安全性等好多因素，加上庫存使用中的數量龐大，如果全數一次過更換亦會涉及數目不少的撥款預算，談何容易？ 某一撮人連救命嘅消防經費都想削減唔通過啦！

manix

不能話換就換，唔同槍種要開唔同course, 正如保安公司，要換另一牌子槍就要全部人再開班上堂再出過槍牌至得。

manix

香港八九十年代亦曾經有兩單案件有賊好罕有咁用.357左輪，同歐洲製造自動手槍，佢地成班大圈仔, 但就好睇唔起黑星，冇－個人用佢，其實賊槍嘅嘢，好少好似佢地咁串要揀乜揀物。主要睇來源最緊要易到手，正如興起用黑星之前的年代，賊槍主要都係東南亞海路返的.45 1911系列。