開心大伏場大發現
早排我公司有搞手,搵到個團購元朗打WARGAME outdoor百零蚊,
諗住成班同事開心下,就買左,
點知呢個就係一個大伏ge開始,
去到,已經有一班我唔識ge人係度,
(事後先知原來佢地係場主朋友,搞手都係之後先知....[亂入!?])
個個full gear,私家槍,(我地都有同事私家槍,full gear,不過得一兩個)
女ge就成個鐵甲威龍咁,(唔好以為我誇張,真係戴防暴個d頭盔......)
都算(我地一眼就知我地係新手,vest又無,glove都無對,租槍...)照落場打啦,
點知落到場幾個都不死人,
拿,我唔係排斥外人,
你搵fd落場打我地無所謂,當識多個朋友姐,
但係落場做不死人就真係好唔要得,
仲要個個以為自己rambo咁跳黎跳去....(全部都阿叔黎)
ok,返正題,
打左一兩場都開始覺得唔對路,
大家都開始發覺有人不死人,
咁就問個阿sir場主啦,點知個阿sir場主原來同個幾個不死人係fd,
仲開咪笑笑口咁叫佢死肥仔快d死......
你地可以想像到個一刻我地係幾咁驚奇,我地個嘴係幾咁O.....
fine我忍~
好啦,如是者打左幾場啦,中間有幾個同事都頂唔順d不死人走左或者返休息區等走,
去到最尾個鋪,
個場主居然提議我地打power...
係,你地無睇錯,係場主提議我地打power,,
我地個個vest又無,glove又無,pad又無,租槍,
全身得一套軍服加個面罩,
對面就full gear,私家槍,鐵甲威龍,rambo......
唔係ge,場主都算對我地不薄,派左個戴鎮暴頭盔ge人黎我地team幫拖......
主要原因係因為私家槍個幾個頂唔順走晒返休息區...
finally我地呢面個個都傷晒,有個同事仲俾人打到個面罩鐵網眼位大凹,
仲打爆埋入面個副眼鏡...
可想而知對面D私家槍係幾大力...
題外話,wargame途中對面有幾個鐵甲威龍女人仲係度講,
對面成日輸,不如我地企係度俾佢地射啦,
大姐牙,你俾你套鐵甲威龍我著,我企上看台做靶又有咩所謂丫,
你個頭盔打落去 pan pan聲架!!!
fine~算數,我地成三十人,
今次百幾蚊位當跌左,
但係你唔洗旨意我地是但一個人仲會幫親番你,
百幾蚊,過去食荔枝都無咁嬲!!!
我唔知呢度俾唔俾用同音開名,
算~費事啦,想知場名pm我啦~
利申:我有手套眼罩面罩有帶VEST不過無著,全日無受傷,因為set gear protect得好
有私家槍不過無帶,因為諗住自己同事開開心心玩下就算
以上言論絕不含任何私人恩怨及任何嫉妒
