又咁講，幾仟蚊買支玩具槍對好多人嚟講並不是一個細數目，包括本人。儲夠錢買嘅話一定對貨品會有期望，每個人玩槍亦有唔同要求及玩法，有啲人注重性能，有啲人注重外觀，當然比咗錢梗係想兩者都有最好。我認同V社嘅產品係注重外觀多個內涵，但總好過兩頭唔到岸。話MP5多鑊氣，咪大把人買，賣到斷市，咩原因？唔知多鑊氣？我相信外觀像真度都係一個緊要嘅賣點，好多人唔係成日打wargame,有時自己喺屋企，攞出嚟J下也很開心，所以外觀尤其重要，多年來亦未有其他牌子可超越取代，其實回想返啲人將支槍點改點改，全因一改就出事，唔係壞呢度就壞嗰度，我手頭上兩支M仔，只改外觀，不改內涵，只是換吓飛機，一啲事都冇，健康正常，對好多人嚟講你不過可能是好彩，或許可能是。另一方面有人話啲槍講咗好耐又未出，我相信你做老闆都唔會一次過出，都要睇吓市場消化能力架，加上唔係得你一家出槍，又要睇款色受唔受歡迎，做支嘢出嚟得你買就死得啦，種種因素。另外你有錢買啫，唔係個個有架嘛，剩係賣比你咩？我唔係打手，唔係幫V社講說話，不過有時要公平啲去睇，GBB 每一年都有進步，V社暫時亦是像真派的保衞者，而且現在是自由市場，不喜可選別的買，最緊要買得開心玩得開心。以上只是想反映外觀的重要性！
