?老虎仔?

如果懷疑朋友偷左你銀包入面D錢, 你會點?
會當面同佢講定點?

[ 本帖最後由 ?老虎仔? 於 30-5-2009 00:22 編輯 ]

?老虎仔?

其實我唔係個事主....
不過幾事都幾長,
而且已經備左案
我依家O向Office,
等我返到屋企再講俾大家知....

?老虎仔?

引用:

原帖由 ACYY 於 29-5-2009 20:08 發表


嚇得我... 以為前幾日上完你家之後你唔見錢...

係呀! 我C:/ 同 D:/ d野唔見曬

?老虎仔?

件事都幾長, 咁我長話短說

受害人係我女朋友,
佢同三個同學仔o向一間保險公司做實習私人助理,
上午返學, 下午實習

話說前日, 星期三...
女朋友話放工想買野, 咁我放左工去接佢收工,
當我在路途中打俾佢, 佢話o向公司唔見左個銀包!?....
咁我就叫佢快d打999啦
但係佢都猶疑

之後我去到佢公司樓下一直等,
又廢時上去人地公司啦
但等左好耐都唔見有警察,
之後要我到電話鬧佢先肯報警....

鬧完佢之後, 我都上埋去,
當時已經七點幾,
公司已經無人,
得我女朋友, 同學A, 同學B, 同埋一個另一部明的經理C ,
A, B都係女仔, C係完全唔熟識的男人, 係會計部經理;
同學A 同 我女朋友雖然識左幾個月, 都幾好感情,
有幾次接女朋友放工就同A一齊放工;
同學B就有對話, 但係一般朋友;
當時我見到同學A 帶口罩, 好似病左咁...

待續............

?老虎仔?

引用:

原帖由 小雲雲 於 29-5-2009 22:10 發表

咩野唔見左 有冇去報警呀

俾佢Format左個 HD, d精神食糧無曬

?老虎仔?

引用:

原帖由 118048 於 29-5-2009 23:02 發表
TIGER兄...你個長話短說都要待續啊?........

已經短左

當我上到去,
佢地都估緊係 同事D 偷,
因為同佢唔係好熟,
而且 同事D 睇錢睇得好緊張,
所以個個都覺得係佢
原來公司一向都有好多失竊案,
上個月, 同學A 就成份人工(二千蚊)俾人偷左,
聽經理話, 有人試過成個LV手袋俾人偷左....
都覺得同事D 就係個小偷

等左半左鐘, 警察都未到,
女朋友話想去洗手間, 但係又驚,
所以我就陪佢去,
佢入左洗手間無耐,
就叫住跑出來,好驚訝咁講「我搵返個銀包!」
佢手上拎住佢個銀包,
原來個銀包俾人用好多層紙巾包住,
放垃圾桶最底, 上面放左好多廁紙,
怕俾人發現

女朋友打開個銀包,
所有証件都幸好無事,
只係9百幾蚊俾人偷曬...

待續....

?老虎仔?

我打算分五集

?老虎仔?

引用:

原帖由 ACYY 於 30-5-2009 11:48 發表


係你自己話唔緊要，果日我問過你好多次：仲有冇野要keep？

講笑o者

?老虎仔?

之後我地拎住個銀包入返office,
呀同學A就好緊張咁,
由我女朋友手上拎左個銀包打開睇,
之後佢聽左個電話就喊,
話佢本來其實約左朋友,
但係因為佢遲遲未到而嬲左佢
我女朋友安慰佢

之後兩個軍裝上左來,
初步錄左口工,
個同學A 就話自己唔舒服, 肚痛頭暈,
要返屋企先,
咁我就送左佢去坐車,
但係好奇怪, 落到街佢又無事, 行得走得

無耐, CID就上來,
到目前為止, 我到未覺得係同學A偷,
直至我坐上女朋友個位,
我就覺唔係外人做,

第一, 我女朋友銀包放書包, 基本上係得朋友先知;

第二, office每四個位就有萍風包住, 「田」字形,  
萍風有一個人咁高,
換言之, 除左「田」字形內, 四張桌的人外,
外人都睇唔到入面情況;
而同學A就係坐女朋友後面, 另外兩個位都無人

第三, 只有同學A知道我女朋友當日帶左9百幾蚊返公司買野

第四, 我地睇返CCTV, 發現佢去左好多次洗手間, 而且好左好耐,

第五, 當日有好多奇怪o既舉動,

第六, 因為佢上個月唔見左成個月糧, 而且第二日佢又約左佢朋友遊船河, 要交幾百蚊,
所以亦有動機,

基於以上疑點,
所以我地就懷疑係佢...




　　

?老虎仔?

引用:

原帖由 CrazyBoy 於 30-5-2009 19:59 發表
咁cctv影唔影到有人摷個銀包先..

影唔到, 只係影到同學A 去左廁所好多次, 而且好耐....

個CID都話, 無人會咁蠢, 舉高個銀包走去廁所掛?.....

?老虎仔?

大結局---------

如果係你, 你又會點做?
會直接問同學A?
定係從此無FD做, 遠離佢?

事件發生後兩日, 星期五,
我女朋友都無咩點Show佢,
只係say hi & bye,
到放工之前, 同學A寫左張紙仔俾我女朋友, 之後佢就走左,
紙仔內容大約係話:
「.....如果你係因為我當日中午, 同你去廁所, 而導致你俾人偷左銀包,
所以你就嬲左我的話, 我真係好對唔住.....我唔想無左你lee位好朋友....」

當我女朋友睇完之後,
佢正打算打電話俾佢另一個朋友, 問佢有咩睇法時,
個同學A就返返來喇, 話唔記得左拎水杯(因為係佢last day)
之後佢地就傾, 我女朋友都一唔一十講佢知自己睇法,
同學A就喊住話: 「雖然自己係窮, 屋企環境唔好,
但係都唔會偷人野....」.


亦因為以上句話,
所以我女朋友覺得唔係同學A偷
咁你又認為點呢?
到底同學A真係清白, 定係與敵同行呢?......

[ 本帖最後由 ?老虎仔? 於 30-5-2009 22:29 編輯 ]

?老虎仔?

引用:

原帖由 CrazyBoy 於 30-5-2009 22:41 發表

頂...真係好難簡喎..
又唔知佢係扮野定係點..

係囉.....
之後佢地都重要返學....
我女朋友都唔知點點面對佢?....

?老虎仔?

引用:

原帖由 loki 於 30-5-2009 23:05 發表
部cctv影唔到你女朋友個位有冇人行過入去?

影唔到, 個cctv只係影住公司門口, 記錄有咩人出入,
而個廁所係公司出面, 所以數得出咩人出左去廁所同埋幾耐

?老虎仔?

引用:

原帖由 sell_shell 於 30-5-2009 23:09 發表


當然影唔到啦...

又話驚?....都叫左你唔好睇個post嫁啦...愈睇愈驚呀.

?老虎仔?

引用:

原帖由 Hkpolice-Psu 於 30-5-2009 10:34 發表
講真要裝佢有幾難丫....

我地試過第二日同佢講,
話CID拎左個銀包去化指紋 (事實係無, 因為CID話太多人點過, 根本無用, 除非搵到個銀包之後, 原風不動啦)
睇下佢有咩反應,
但係佢就好冷靜話「咁咪好囉, 化驗之後就可以出落石出啦」
佢咁冷靜又唔係無原因,
因為我女朋友搵到銀包之後,
佢係第一個拎左佢銀包的人,  
上面都有曬佢指紋,
所以根本佢有充份理由話唔係佢做