引用:
原帖由 一等兵 於 31-5-2009 22:03 發表 
噤果時佢係咩表情反應
或者我lee一部份講得Detail一d,
但我想補充一點, 以下發生時間, 我地依然無懷疑同學A,
我地一直都覺得係同事D偷, 所以對留下的三人都無戒心
當時已經報左警,
警察未到,
我女朋友就在女廁垃圾桶搵到個銀包,
佢好驚訝地衝入office, 我跟後,佢一入去就話「我搵返個銀包呀!」
其他人聽到, 都行過來門口位置,
我就叫我女朋友放低個銀包,
第一次佢聽唔到, 因為大家都各有各講野:
經理C, 就同我話「咁就好彩啦, 起碼搵返d証件, 而且可以肯定係女同事偷, 已經大大減少左一半可疑人士範圍...」
而女朋友就同同學A及同學B講述係點搵到個銀包,
而我就再一次同我女朋友講「你放低個銀包先啦, 可能掃到指紋呢!」
女朋友就答「放去邊呀?都無位放」
當時我已經見到同學A 拎住左個銀包,
之後同學A拎手機出來聽電話(佢可能教左震機),
佢聽左個電話之後就喊, 話佢其實約左朋友,
但係因為遲遲未到, 所以佢朋友嬲左佢, 叫佢唔洗去
我女朋友走上去安慰佢, 同佢話「不如我幫你打俾個朋友, 同佢解釋」
,但係同學A就「令頭」示意唔洗;
經理C就話「如果係真正朋友, 佢應該會理解你o既...」
事後, 女朋友同我地講, 佢見到同學A其實無喊, 一點眼淚都無留過...
當然, 可能係欲哭無淚都未定...
其實...軍裝來到之後, 佢表現就更異常.......
其實重有前傳, 聽唔聽?
