lululam

引用:

原帖由 tango10 於 24-7-2012 04:34 發表

你都法國大餐! 美國的民間槍械又怎可與香港的相提並論! 人家連機槍, 坦克, 大炮, 戰機都可合法擁有!

Full auto 牌好難攞的，而且登記費好貴。大炮嘛? 用 powder charge 的都冇問題，granade launcher、bazooker 都好容易攞有，但每個能夠爆破的彈頭，都當係 destructive device，要續個登記，一般人好難有合理解釋去攞有，所以買到支炮都冇用，gun shop 成日都見，咪就係得個「擺」字，冇人買的。

不過，買 charcoal, sulfur, potassium nitrate 邊設都有得賣，自己整炸彈、煙霧彈好容易啫。

lululam

引用:

原帖由 wan1996 於 24-7-2012 11:56 發表
美國既槍械管制真係太鬆....
雖然近年黎一直有改善，
不過都係未夠呀....
RIP

完全錯誤，好多人唔理解美國，包括本土右派。就係槍械太嚴，普通市民申請 carry permit 太麻煩，public gathering 地方連有 permit 都唔俾帶槍，罪案先多。Washington DC 管槍最嚴，根本唔俾人帶槍出街。Crime rate 全國數一數二，謀殺率超高，如果去到夜晚一個人行街，我 lululam 保證!!! 半個鐘頭內，一定俾人打刧。如果你係賊，你寧願去 Texas 打刧，定係去 Washington DC?

如果今次有 CCW (Concealed Carry Weapons) permit 嘅市民喺戲院入面，一定會救返好多人。就上星期先有個兩個賊，一個有槍，一個拎棍，入咗間 Internet cafe，有個 71 歲 CCW 拔槍連開多槍，打傷兩個賊，成功阻止罪案發生 (網上有 video)。禁槍，只會令守法市民冇槍，賊人永遠都可以買到槍，到時就大亂。

唔好用香港呢套超奇怪嘅想法去諗其他地方，香港呢個地方，同香港人嘅思想係超超超奇怪的。

你估去藥房排隊買 perscription drug 難，定係去 downtown 買 cacaine / 大麻難啲? 同理，禁合法槍，只會令守法市民冇權保護自己，癲佬賊佬一樣可以買黑槍。

放寬槍械管制，先係良策。

[ 本帖最後由 lululam 於 24-7-2012 12:54 編輯 ]

lululam

引用:

原帖由 sam524 於 24-7-2012 13:07 發表
以為收緊法例可以阻到癲佬
但佢地唔記得癲佬係癲o既
佢發癲o既時候就係因為以為阻到佢o既法例而傷到更多人
或者最根本o既方法係搞掂d癲佬先

冇辦法，呢個 James Holms 冇犯罪記錄，冇精神病記錄，博士生，完全係意外，冇得避免。但如果 gun law 唔係咁嚴，戲院入面總有一、兩個人有槍的話，就唔會死咁多人。

順帶一提，美國帶槍出街嘅人，九成九都係非常自律，有責任感，對槍械非常熟悉，唔好以為好似睇戲啲西部牛仔咁亂咁嚟，玩槍的都好知規矩的，特別係有 carry permit 的，就更守規矩。鬧事、打人、超速好多事都係罰錢，但有 carry permit 的，可能會被吊牌，所以 CCW 比平常人更守法。

有幾個州就直情唔使 permit，係人都帶得槍。呢啲州，就非常安全了。如果你係賊佬，夠膽去呢啲州隨街打刧、強姦嗎? 反過來，NY City, Washington DC，好市民多數都唔會有槍，除非有好強理由先批俾你。你係賊佬的話，去呢啲地方嘅後巷打刧就安全得多了。

lululam

引用:

原帖由 T-800 於 24-7-2012 13:27 發表

聞說美國有一小鎮規定全民必須配槍出街，該鎮治安出奇地好，C HING知否是什麼小鎮...??

呢個就冇聽過，應該就唔會規定必須配槍的。

唉，啲政客... 總有一堆對槍充滿莫明恐懼的人，呢批人嘅選票好值錢呢，一有咩 shooting 案就狗衝出嚟要禁槍。最搞笑要禁 assault rifle，大佬!!! Assault rifle 禁咗好多年了，想攞牌難到不得了，成班政棍都未做功課。

lululam

引用:

原帖由 gtoray 於 24-7-2012 13:24 發表
大家文化背景都唔同
你覺得香港人嘅思想係超超超奇怪
我地又何尚唔係覺得美國人超奇怪

我只知道, 香港槍械管制超嚴
所以從來無發生過無啦啦死人既槍擊案, 所以完全唔需要用槍自保
美國就密密有
...

就係槍械管制太強，所以政府就為所欲為。香港完全冇 check & balance，有錢人同政府全部話晒事，極多荒唐事情發生，但好多人又會覺得理所當然。我呢個土生土長的香港仔，就係覺得香港人愈來愈古怪 (No offense，我都係香港人，但實在睇唔過眼)。美國憲法 2nd Admendment 讓平民擁有槍，就是為咗對付 government tyranny。有自由，就有代價。香港人要安全，就沒自由了，自由只是少撮有錢人的專利。"Those who would give up essential liberty to purchase a little temparary safety, deserve neither liberty nor safety." Benjamin Franklin

槍，就如醉酒駕駛一樣，有車有酒，就會有醉酒駕駛，美國每日有 30 人死於醉酒駕駛，highway accident 每年有五萬人死，但又冇人要禁車禁酒，這就是自由的代價。車如是，酒如是，槍如是。我同十個香港人講，九個半都唔會明白。

lululam

引用:

原帖由 gtoray 於 24-7-2012 15:01 發表
不要強加你的價值觀於別人
在你看來是理所當然不代表其他人也有相同想法

我何嘗不覺得你的想法古怪？

我沒有強加我嘅價值觀於別人，只係講出我想法而已，因好多人唔明點解美國平民可以使用槍械，我作出解釋。

然而，美國罪犯用嘅黑槍，我多都唔係由合法途徑流入市面，好大部份係由東歐、墨西哥等地走私入口，所以禁合法槍械，只會令普通 citizen 受害，賊佬見到禁槍會更開心。

香港的確係世界好 exceptional 嘅地方，大家太受保護了，沒有想過怎樣保護自己，由始至終都係殖民地，或者冇需要吧。跟香港文化較接近的新台幣同台灣，都有平民當兵或兵役制，歐洲、中東、南亞好多國家平民擁有槍械都係好容易嘅事。我想跟香港較接近的，是日本吧。

lululam

引用:

原帖由 T-800 於 24-7-2012 13:27 發表

聞說美國有一小鎮規定全民必須配槍出街，該鎮治安出奇地好，C HING知否是什麼小鎮...??

知道了，係 Kennesaw, Georgia，人口三萬，廿五年強制擁有槍械期間，只發生一單謀殺案。直到 2010 年，有一個人喺學校 1000 呎禁槍範圍殺咗三個人。

Family Circle Magazine 曾選佢為美國十大最適宜居住城市之一。