reniless

【on.cc東網專訊】一生人一次的婚禮，當然要盡善盡美，為新人留下難忘回憶，但完美背後總要金錢堆砌。有機構調查發現，今年新人的結婚平均開支約31.4萬元；而酒店的人情價更是5年來首度加碼，衝破千元大關，高級酒店及一般酒店的人情分別上升至1200元及1000元。
http://hk.on.cc/hk/bkn/cnt/news/ ... 1201_00822_001.html
---
幾鐘意去飲喜酒，老虎啲朋友已經怕咗我倆公婆走去踩場。
阿家弟買咗樓但又未肯結婚，又話就算結婚都唔會擺酒，嘥氣。

reniless

引用:

原帖由 rho837 於 1-12-2015 20:14 發表
星期日去淺水灣一對西人婚禮！ 人情二千五百！

西人都收人情？
都好入鄉隨俗。

reniless

我大陸擺酒，價錢唔平得過香港，酒水香港帶過去。一圍坐十人，預廿圍實際就食十八圍，坐得好鬆動，有啲枱坐得六七個人。
大陸無得計人情賺蝕，你請人飲就係你請。不過人情係會在其他地方幫手。擺酒間酒樓幾大樓低夠高無十米都有八米高，大廳可以擺六十圍，當日無想過酒樓無間房全場畀晒我用。結帳時，酒樓老闆話有貴賓唔敢怠慢，部份食材都免費升級。
香港啲朋友都好奇酒樓咁好無間房，我就講笑話間酒樓平時都無人食，間唔間房都無分別。事實上我都唔知邊個幫手，亦無人出嚟認頭。
擇日擺酒都幾搞笑，老虎未過門前，老虎屋企一直玩嘢改咗幾次時間，要求新舊曆要全雙數。好在有御用風水佬幫手擇日，既要吉日又要全雙數，又要星期六方便香港親朋戚友。最後擇得日嚟老虎嗰肚已有五個月大。
酒樓都算係咁無詐形。

reniless

我結婚條數用咗幾多已忘記了都唔識得去計。好多額外數，香港請大妗姐連助手，兩個星級化妝師，兩個攝影師。化妝同攝影都認識，化妝好似無收錢，攝影就優惠價。老虎親戚團嘅食住玩樂一切旅行開支。大妗姐好煩全程要擺造型畀佢助手影相做生招牌，到回門嗰時我都有啲火唔再畀佢哋影相。
---
總結，結婚就係要駛錢，唔好諗住有得賺。
婚後洗錢未停過，阿囡出世後就即後安排手術時間各種事情。

reniless

個女老竇唔出席酒宴，又唔會同個女找數話。