最近見到身邊好多人唔開心，好多負能量。小弟亦曾有少許身同感受
或者換個角度睇個人會開心d
大人成日話“人生不如意事十常八九”咁究竟不如意事係咪真係有咁多？
定係“你”淨係記住d唔開心既事，所以呢d事佔左你既記憶“八九”？
試下換個角度諗，你朝早起身食既嗰份腿牛通，餐蛋治，飲既嗰杯香滑奶茶係咪好好食先！好食點解又唔記住你有一份好好食既早餐！要走去記d傷心事，你好多記憶容量咩？
行過樓下士多隻旺財，你摸下佢，佢又嗲下你，哄下你開心，係咪開心先！咁點解唔記住隻可愛既旺財，得閑掛住下佢，要去諗d傷心事呢？
番到公司，mary個心口依然拉到咁低，係到碧波蕩漾，點解你又唔記住佢着到咁，得閑諗起拎泥笑到呢？做乜有笑料唔諗，要去諗苦事，要自己苦笑？
到放假，有個校服妹妹行埋泥同你講叫你買旗，你比得一毫子佢都甜笑住同你講多謝，咁有童真咁可愛又幫到人，做乜又唔記係個腦到，搞到自己淨係記住d衰野，諗到自己鑽牛角尖
或者大家未必同我一樣有腿牛通，奶茶，或者士多既旺財，又或者碧波蕩漾既mary，校服妹妹
但你身邊總有d細微事令你開心，諗多d記多d笑多d，佢地就係你既精神支柱
衰野，唔開心野，諗泥托啊！
希望大家開心樂觀d，人生長路漫漫，共勉之！
