stevechau

引用:

原帖由 里安 於 5-10-2022 23:09 發表

純粹氣氛計，身邊好多人有消費券都唔會亂洗，或者咁講，一般日常消費下都好快用晒

Apple方面，會唔會炒iPhone呀？

之前同身邊D FD食飯傾開計話想用消費券買件玩具都比人話我大使啦
講真, 三兩千蚊淨係用黎食&買日常用品, 基本上兩個月去晒唔會好難, 除非平時都唔使花銳係屋企果D~

stevechau

引用:

原帖由 48191 於 6-10-2022 07:06 發表
我一直用IPhone ，反而對部摺機有興趣。
有冇人玩過？

一直諗唔通Fold果種放大MON有咩必用既用途~
睇youtube介紹見方便既function基本上我會寧願拎部tablet / surface pro咁既野做左佢
用個MON大黎睇片, 就算唔介意個摺痕但又唔係full screen, 反而似以前電腦4:3mon多D, 但作為手機拎出街又重又厚
可能打機多會覺得呢部好用掛(小弟係不打機人士)
正路用電話, 其實z flip果種輕便摺機好使好多, 但呢種機又炒唔熱~
真係要fold果種大MON, 我寧願再等多一兩年睇下有無廠量產捲軸屏手機好過~

stevechau

引用:

原帖由 bennytsang16 於 6-10-2022 15:21 發表
今年仲慘過2003年沙士，當年經濟唔好、多人失業，但物價租金都好平，「雲吞成麵食」有「10元碗大大碗」；又有十蚊燒味飯。
今年乜都貴，返工食餐 lunch 閒閒地 五、六十蚊一碟飯，仲要一年加兩三次價。
多人移民不 ...

當年沙士都只係搞左幾個月呢, 幾個月後就已經復常......今次搞左3年都未斷到尾~
果幾年比價錢, 當年荔枝角返工仲可以$8-9買到個盅頭飯連罐可樂, 而家落7仔淨買罐可樂都咁上下價錢啦~
當年小弟返工落麵包鋪買早餐, 好食兼大舊又實淨既豬仔包$1.5-2/個, 菠蘿包$2.5, 腸仔包先好似$3, 豪D想食兜燒賣腸份甚至銀針粉先$5~
以前想慳都仲可以食得OK飽, 而家想慳你就要識練仙吸氣飽+輕功水上飄~

家人成日都叫我慳錢, 我只會回一句, 唔好話要拍拖/結婚, 單單係

stevechau

引用:

原帖由 RCOOH 於 7-10-2022 19:46 發表


Army代工，大致馬記數，出廠就裝好T8加A+件，好準，煲back唔差，氣化又好，只售6！*

我等緊佢果支R612......又想要佢D內件, 又想要佢隻唔辣grip

stevechau

引用:

原帖由 RCOOH 於 10-10-2022 09:40 發表


叫1/10小辣

實小辣都唔得, 我要走辣!!!
走辣grip我係老虎果邊等左好耐都返唔到貨呢

stevechau

引用:

原帖由 48191 於 16-10-2022 18:49 發表
我記得我第一個女朋友…. 未畢業已經叫開聯名戶口儲錢買樓…..
結婚第二年，我老婆瞞住我偷偷哋同佢家姐買樓….
我真係完全唔明白，點解女人咁鍾意買樓。
我剩係知做業主好煩，撇開公家燈油火蠟，又差餉又地 ...

可能是安全感問題吧, 同埋當佢地見到周邊有買既人紙面升到BABA聲果陣, 佢地無同一種野係手心態上好難唔跟著走~
我女朋友都係咁既人, 拍咁多年拖, 都有聽過佢哦我人地邊個邊個又買樓喇, 幾時輪到佢......
買樓都還好, 起碼可能係自己有得住返, 後來樓升到買唔到班人就去左股, 果度就真係泥牛入海呢~

至於公/居屋定私樓, 你睇佢好、佢睇你好啦~
我自己公屋出身, 好幾年前都有諗過住緊間屋會唔昃變左祖屋咁係度一世, 但呢兩年出去租過大屋苑有個二人世界生活後, 最近"祖屋"翻新完搬返去都有D唔慣~

stevechau

引用:

原帖由 48191 於 17-10-2022 11:17 發表
其實「自住大0西」/ 「唔使理佢升跌」呢啲真係自己呃自己….
而家日日返工經過地產鋪，睇到啲價位有少少觸目驚心。

應該咁講, 一路份工都穩定供得起, 又唔諗住搬/賣既, 唔加息之下點跌都唔太大實際影響, 心理上負擔就另一回事啦~
但有D位真係會比人吹過龍, 身邊有人舊年買樓, 另一邊D女人朋友用買完樓個心態同女伴分享, 話自住樓升跌30%都唔使理佢
我心諗講果個唔係痴孖筋就唔用腦, 一係就立心不良......

樓市遲早都係會回, 為平穩只係望慢慢跌落去, 無咁多人燒炭跳樓變凶宅而矣
講觸目驚心, 打從前前任CE上台之後果浸升浪已經升到事不關己咁了
但真心覺得而家既跌價仲未去到一種跌到人驚果種住......

stevechau

引用:

原帖由 48191 於 17-10-2022 14:48 發表
而家啲報紙日日報乜乜屋苑物物單位蝕讓兩球都死啦。

果D唔少都係幾年新盤果陣買, 更甚者唔少都唔係蝕左兩球, 而係比最高位賺少左兩球......
真正一開三四去炒果D, 我諗大部份辣招之前都報好晒局, 分分鐘都供過左一半甚至斷埋
如果6成以上私樓斷供係堅既話, 咁會死既多數都係近5年先入手既樓市高成數按揭新鮮人~