久石讓, 對我尼講係 Anime 界o既 John Williams.
小弟細個死慳死抵都要用10算價o係賊船訂隻 Laputa 黑膠.
証明左呢位大師o既魅力.
音樂會中, 林正子o既唱功真係聽出耳油.
藤岡藤卷及大橋望美o既《崖上的波兒》就預左係高潮位.
平原綾香同麻衣o既表現我就認為麻麻地.
令我 surprise o既係久石讓先生透過銀樂隊演繹 Laputa 的輕快 BGM. 真係視覺同聽覺o既享受.
"乘著妳" 選擇用 Choir 唱, 唔知係特登安排定係請唔到身為人母o既井上杏美喇.
畢竟呢個係演奏會, 純音樂做主打.
但係有松任谷由實小姐演唱就更加好啦.
Jazz 版o既《紅豬》係我o既飛佛, 因為《紅豬》被譽為"究極的男人浪漫", 亦係宮崎駿大導自我o既投射.
$4xx 換尼係兩小時o既享受, 我覺得係值o既. 而且附送o既製作特輯同波兒手巾仔又係一絕 !
請支持正版.
