暈又暈

在IPHONE 6S預訂時，小弟有個同事被老闆指示，要幫客人係開始預訂之日訂2部機，換言之即係要係不需要返工既星期6，下午3點LOG-IN訂機。

吸取上次官網臭虫事件教訓，同事就搵埋公司2個同事幫手。我條氣唔多順(仆你個X公司又拿屎上身攪咁既野，自己上網買好難咩，定係隻手跛架)，不過見同事一場，呢檔鬼野又鐘意玩連坐，算啦!  就應承佢係當天3點上去睇下，買到就好彩，買唔到就天命。

結果3個人各自買到一部，i.e.多一部出來。就打算當多出來的視為自己既(不通知公司，反正都係自己碌卡先)，等收到機就變賣賺餐飯。

隔一排又收到風話又有客想要多一部，即時決定寧願蝕錢都唔會原價出讓

小弟當時打算對公司開價一萬，盡量以平靜語氣，對另外兩位同事表達意見，曰︰(X你XX，)3個人用自己私人時間暗啞底幫手，冇OT冇補水冇補假連唔該都冇聲，而家又黎講一句就想要機，(忽上腦定係冇食藥呀，)講唔通

小弟仲未型到將括號內既字講出口。

當時已經預左為呢次懶型而付出代價，有時人真係為淡氣
幸好趕得切退貨冇蝕錢