出生于唔同嘅地方，受到唔同程度嘅教育，有不同嘅價值觀，兩個地方嘅人相碰，肯定會有矛盾。
樓上一位師兄話：內地人都有影細路系公眾場所大小便啦，點解冇人x影相者叻。依個point令我唔在局限系依個事件嘅框架裡面去睇依件事。。。
自由行之後，港人與大陸人之間有矛盾已經唔係一兩日嘅事，彼此之間亦都產生咗唔同程度嘅排斥。香港人覺得內地人冇公德心，“掠奪”資源猶如蝗蟲入侵；內地人覺得香港人巴x閉，高高在上，戴有色眼鏡。
講到尾，兩邊嘅人對彼此都有排斥情緒，具體到某件事上，亦自不然對號入座，以“港人與內地人xxxxx”作為新聞，兩邊媒體各有各講，主導觀眾情緒及思維，其實邊度講得清楚，只係不停嘅口水戰罷。我讚成蘇師兄嘅思維方式，但係具體到冠上“港人”“大陸人”話題嘅某件事上，又有幾多人可以咁思考。
最簡單，我對依件事只有兩個睇法：1.大陸人嘅素質真係好有待提高（至少唔好係咁顯眼嘅地方大小便啦）
2.就算幾唔啱，俾人影自己兒女擺上網，邊個都有火啦。依家d憤青，中意攞鏡頭對住人，以為自己好正義？抑或係擺上網攞威？有咁嘅時間不如上前制止好過？何況只係一個細路。
