引用:
原帖由 Smartone 於 8-11-2010 23:41 發表 
唉…..
其實掉返轉我都可以同你講呢句喎” 唔好意思...始終你太新,真係好難信你”
第一相信與否唔係 = account用得耐信用度就會高, 小弟見過有位CGF大俠 ”雞巴男”裝錯件parts都要企到硬一硬, 人地提佢, 佢 ...
smartone師兄，未知你係唔係講緊新開左六日左右，位於"戰四"對面果間舖頭呢?如果係的話，小弟忍唔住要係呢度提醒你一句，如果你認為人地睇到post會改口風，你就唔對喇
是咁的：
皆因小弟今晚同一位朋友落去行下散下心，見到呢間野新開又咁整潔，所以就貢入去睇下d oakley超，見到一副幾好樣，都未話試戴，只係問下幾錢遮，個哥哥仔(拿，人家就真係好有禮貌既，不錯不錯)就一面抱歉咁話"唔好意思呀先生，其實我地當初代理oakley貨物時，已經簽左約只能賣比有軍人證/警察證人仕，其他人仕我地唔賣得架，真係唔好意思呀"
咁我朋友就問"下???咁呢副(指住另一副幼框似行街款)擺明係行街用既賣唔賣得呀?"
哥哥仔就話"都係唔得呀，真係唔好意思，我地oakley聯絡人就企左係後面呀，你自己睇下(指向店內一位講英語既女性)"
我就問"咁係唔係你地所有貨都要證件先賣得呢"
哥哥仔就話"咁又唔係，只係oakley野遮，其他包括刀，衫褲，槍盒呀所有野都可以賣架"
我想搞清楚所以我就追問"咁即係所有oakley野都要有證先買得，其他野都唔使??"
哥哥仔就話"係呀，請隨便睇丫，睇岩衫褲可以試添喎"
成件事就係咁了，真是非常有禮貌的哥哥仔，值得大讚!
不過呢間店舖有d野要有證先買得，係完完全全係真人真事黎既!
[
本帖最後由 FNP90xvhk 於 9-11-2010 00:07 編輯 ]
