M4

唔少兄弟都中意落手落腳砌下野，但若果話自己砌個Game場出來，相信就無咁多人試過。呢個post 將會逐一同大家見證一個Game場係點誕生。

先旨聲明，本文旨在分享製作過程，討論下當中遇到既有趣事，一同見證Game場成長。

首先講下個場先，先貼一張長同闊既圖先



如果要揀 就梗係揀個乾淨企理乜都唔洗執既場 最好個場夠深、D柱位越少越幼就無得頂
個場四四正正就算係畫圖起稿都易D啦



睇單位除左考慮就唔就腳、企唔企理理，仲要睇埋佢D電箱
如果係個殘舊電錶，你都幾頭痕，淨係搵人拉電都夠交半個月租



花絮之一
中間簽乜簽物果D交件野唔講啦，野都未做之前，清潔係好重要，不過要一個人掃萬幾尺單位都幾惡做，掃完半個場，灰塵係數以袋計，對手臂麻痹兩日，大力唔得，細力又掃不到!


(下次會UPDATE一下大概要用咩架餐)

[ 本帖最後由 M4 於 20-7-2014 22:53 編輯 ]

M4

繼續

正式開工前，介紹一下D搵食架餐先


呢部風扇絕對係救命繩，而家日日28-29度，係未裝好冷氣前絕對唔可以無左佢



有左呢部木工用多角度拉閘鋸，就可以好準咁鋸斷D木



釘槍同空氣壓縮機，呢樣絕對係不可缺少工具，無左佢地我都唔知個場砌到幾時
貼住咁多先，有D工具好似電鑽、電批咁就唔貼住啦，仲有d工具等用到先再介紹

介紹一下D木材先
成個場既設計主要涉及木材，買木料也差不多用了九萬港元，所以有啲師兄話木板場係低成本制作，就這點我絕對唔同意。
總比街上執拾上樓的輪胎，油桶，卡板陣，來得認真。


有兩米高既二分板



亦都有3/4吋咁厚既3/4分板
甚至連三、四、六分板都有，應有盡有



仲有一堆兩米高既木條



一大堆裁好左既木條，莫非當柴燒

萬事俱備，係時候開工啦

[ 本帖最後由 M_Four 於 20-6-2014 00:27 編輯 ]

M4

心水清既朋友都知道呢個game場定位多元化，場入面每一part都有功能，希望可以滿足到唔同朋友。

開工第一件事自然係間番好唔同場區，早前既木條就係為左咁既準備。


將九條木條打橫同九條木條打直，並用釘槍釘實，就會做到一個有64個格仔既木框。



好彩有釘槍，如果去番用錘仔年代，都唔知會做到幾時。



由日頭釘到夜晚，終於釘到十個框。
釘野真係一項好沉悶又刻板既工作，雖然用釘槍已經慳左唔少時間，不過有時心急，口釘就好易釘左出界，到時又要花唔少時間蚊番口釘出黎啦。



幾經辛苦，終於砌好左一堆啦！不過要完成好多個先可以間哂成個場出來，離目標仲差好遠。


既然都釘左咁多，都可以開工間場啦


見唔見到個雷射墨斗，全靠佢先可以輕鬆將位對到正，對好哂之後就可以鑽地固定位置。



鑽完地之後，就可以鎖實個框。



釘好框第一件事做乜好？當然係拎來掛下d烏糟衫啦！


難題來啦！
本身以為釘好一個框之後，就可以輕鬆拍埋下一個框繼續釘落去，點知.....


埋門一腳先發現原來兩個框係拍唔埋架！



好彩我一早準備左個手提線鋸，邊度有稜角都比我磨平哂



幾經辛苦，終於完成一對框！

[ 本帖最後由 M_Four 於 20-6-2014 10:19 編輯 ]

M4

呢幾日要趕工，唔夠時間繼續出Post，先同大家莎個冧先

又繼續講下工作既進展先

係繼續間場既同時，我決定先做兩張十分緊要既枱出來。

呢張就係我既第一張枱


自己一手一腳鬥出黎既鋸床，有左佢日後做野都方便好多，多得佢先有之後要介紹既第二張枱



先裁好D木條做枱腳先



雖然好容易裁到D木長短一致，但係要度番岩個角度，足足花左我幾粒鐘既時間



先砌好左個底之後，之後就砌埋個頂，咁就完成左個骨架出黎
睇唔睇得出係咩黎？呢個就係Game場既接待處啦


本來以為好易做起，點知問題又出左黎.....

有兄弟問：「喂！你張枱岩唔岩人體工學架？好似高左好多喎！坐低隻手都去到下爬，係咪做比巨人用先？」

一句說話我就當場呆左，結果.....


所謂「人體工學」，我又花左幾粒鐘去改番短成張枱既高度，真係做好難做得好.....
今次我特登拎埋張櫈來度位，岩比例啦掛？

問題又點會得咁少丫...
當我想加番個頂既時候....



塊板係唔對位架!!對得到個右面又對唔到個斜面，真係做到人都顛



最終唯有用番鋸床慢慢磨番好Ｄ邊啦

(張枱就做住咁多先，下次再同大家跟進下其他工序既進度啦)

M4

相信大家都睇到右上角既M4廣告啦！
而家砌緊既CQB場我希望七月就可以見到大家！

如果想了解M4多一D，不妨去facebook.com/MFourHK睇下，可能有唔同收穫，最緊要去讚下好！


好啦！繼續同大家分享間場既工作進展



只要不停重複早前所講既工序，圍個場出來其實唔係咁難



呢個係其中一個 corner位



有個兄弟建議我用拉爆螺絲落地。的確，爆炸螺絲絕對係平、靚、正、快既選擇！


熄哂燈先睇到D位係唔係對齊


不過就算用左拉爆絲都好，都有一D難題要解決




唔知業主搞過乜，個地台係唔平架！結果只好又出動鋸床刨條木來涉番平塊地，先可以繼續固定個地下

[ 本帖最後由 M4 於 25-6-2014 19:43 編輯 ]

M4

唔好意思，因為M4就黎可以正式同大家見面啦！所以除左砌個場之外，仲有一大堆工作要著手準備，以致最近出post既速度慢左，請大家見諒！


除左砌左一大堆格仔框之外，用兩條長木條加四條短木條砌呢種框出來，究竟有咩用呢？


再用個電批係個框上面加多一塊厚板


加完塊板就會變成一個高2米既木板


話咁快就做左一堆咁既板


呢幾塊板釘埋一齊就會成為將來CQB場入面既Barrier！


相信有留意過M4最近既廣告同M4 Facebook既朋友都會睇過呢張圖
但真相絕對唔止咁簡單！
當中有乜野乾坤，整好話你知！

M4

最近忙於處理M4開業工程，D野真係多到做唔完，出Post慢就真係唔好意思！
繼續講下點樣DIY


本來打算一邊間場，一邊圍木板。
不過考慮到氣溫同空氣流通，都係等到冷氣工程完成之後先開始圍牆。


由於一早度好晒尺寸，只好將塊板同木框對齊，就可以將整個CQB場圍起來。


本身都以為用釘槍釘實塊板唔難！
哈！點知竟然釘哂去隔離，最終要一口一口抆番哂D釘出黎再釘過！


呢度將會係其中一個CQB場既入口




裝左板之後既CQB場入口

將木板裝左上D框到之後，又可以去到下一個工序
「油油」

不過係油油之前緊係要執左幅牆先



有D地方連灰都跌哂落黎，要先批蕩，才可以上到油。


以下油油方式經高人指點，自己家居裝修油油都希望岩用



批完蕩之後，第一件事竟然唔係開油，而係去剪燒烤網？？



將個網摺好，並掛係個油桶入面



然後就可以倒油



倒完油千祈記得加水



加完水記得要用同一個方向搞混



頭先整既燒烤網就係為左隔番油碌d油出來，咁樣又慳油而d油又唔會滴到一地都係



咁樣就可以好輕鬆咁油牆啦



天花要執漏就只好擔梯用個油掃慢慢黎啦


油天花時咁岩比我捉到


呢位師傅無做足安全措施，真係藝高人膽大！

M4

引用:

原帖由 faihk 於 4-7-2014 11:29 發表
拑耐無野更新既? 明午就要去... 唔係未攪掂呀...  

請放心，一切已經準備就緒
明天你玩完之後不如分享下意見丫

M4

上回提要：
不停重複間場、釘板、油油之後，整個CQB既外圍就係咁搭出來。

今次就主要講下個場既周邊設計
有時打Game輸左，但都會想知道個場入面發生緊乜事，以下既做法就係想增加場內同場外既互動


CQB場入面會裝夠15部CCTV


場外有部42吋電視機，場內發生緊乜事都一清二楚

嫌睇電視唔夠第一身？
以下方法都係一個好選擇


係封板之前，先係D格仔框留定一大片空位



再用部「鑼機」就可以好輕易咁沿住條邊，界番個長方形出來


你睇！開左咁大隻窗，CQB入面既撕殺情況自然一清二楚啦！


重複上述步驟，CQB場周圍就有好多隻窗比大家睇戰場既實況啦！


開左咁多隻窗，又點少得強化玻璃，裝左之後大家就可以第一身直擊戰況啦！

[ 本帖最後由 M4 於 10-7-2014 23:23 編輯 ]

M4

先多謝咁多位師兄留意M4 CQB，你地既意見對完善M4既服務都好重要。
為左保持新鮮感同增加變化，場地係可以按客人既要求作出適量既調動。
有云「小大之獄，雖不能察，必以情」
雖然M4唔能夠滿足哂每一位客人，不過為求盡力滿足各人既要求，所有客人既意見M4都會細心聆聽。

M4

CQB開始接團之後，既然忙於跟進CQB事情，又要處理30米靶道、Shooting Stage、DIY工房等裝修進度
UPDATE番CQB DIY進度真係慢左好多，真係唔好意思

經過不停重複間場、上板、油油呢幾個工序之後，個場已經完成左好多啦！

今次就講下M4醒目既紅色

先係牆度痴左D膠紙先，就算油出界都唔洗驚


我呢D業餘油漆工，油到出哂界


搣番走D膠紙，等D油乾左之後，兩條紅邊係咪好醒目呢？


CBQ對戰區外牆亦都油好左


上次講到辛辛苦苦自己砌好左個接待處出來



為左襯番隻色，仲特登買左紅灰兩隻色既貼紙，終於將個接待處整到靚靚仔仔

除左接待處，休息區都需要做D檯出來放下野

於是搵左呢D檯腳出來DIY D檯出來


買多咁多唔同尺寸既木板，其中一D可以用來做檯面
係CQB外牆將檯面釘好


將D膠紙貼埋係檯面，又可以襯番隻色


又將工序copy and paste，就可以做到D檯出來啦

M4

兩位唔洗咁大反應既，正如燦神都話「百貨應百客」，咸魚青菜都各有喜好

M4砌個場出來都係想大家多個選擇、開開心心又有得玩，無必要咬住唔放

Swat師兄只不過認為M4場地細、變化少
對於所有意見，M4都係虛心聆聽

場地大小呢個問題比較主觀，有客話12打12都無問題；亦有客中意18人來，分三隊玩6打6。接受客人意見、玩法隨意，正正係M4既態度，故此，M4只會建議對戰區內理想人數為12-24人。

試業都有大半個月，意見都收集左唔少，M4絕對明白客人會要求一個變化多既場地

個Floor plan係死既，要點玩先有變化，有賴兩隊點樣根據個場既setting作唔同既部署。

打Indoor最怕就係上次行既路線，今次又可以行番，呢d先係所謂既「無變化」。

所以，M4自己砌出來既障礙物可以隨意調動，而每季都會根據意見進行「大執位」，之前行既路線下一次來已經行唔通，又要重新部署過，咁樣先會係一場要講求策略、團隊合作既CQB