48191

義工先生，以你嘅水平，係睇「忽然一週」㗎咋！再深奧啲，驚你又「閲讀困難」呀！
BTW，只有你唔信啫，反正我就信了.jpg。

引用:

原帖由 MG-42 於 11-6-2018 23:14 發表
咁似 "忽然一週" D八掛新聞風格 ?

[ 本帖最後由 48191 於 12-6-2018 06:55 編輯 ]

48191

你都十吓十吓，以沙中線事件咪蘋果知，馬時亨唔知囉。大陸有幾奇呀？資訊流通㗎？黨報「腥講零壹」有報喎！識字就仲唔去睇吓？
有「閲讀障礙」就唔好扮嘢喇！
成十幾個Post俾我揼完唔回應，仲有排揼喎！

引用:

原帖由 MG-42 於 13-6-2018 03:54 發表


算啦... 佢地冇下限, 我開始發覺連登uwants都容納唔到佢地了    

說比國家追逃稅,但可以轉帳幾十億出國   八掛週刊會知,但中國政府唔知 ?   所以我話果兩條智將自打嘴巴,是真的

？

[ 本帖最後由 48191 於 13-6-2018 08:09 編輯 ]

48191

哈，的確好笑。
走資又有何難度，我本身有朋友轉做「人民幣資金轉移」，佢每日走嗰條數夠買幾層樓。你以為政府唔知？知但吹唔脹。剩係一個客都要請20幾個人，分一個禮拜招呼。你未免太睇小走人民幣的車仔黨。
我可以話俾你聽，做艇仔背後有大碼頭，碼頭唔只一隻艇；個X客就算皮費大老虎蟹都要走，連風險都唔理，可想而知關口有幾無能。

引用:

原帖由 LCH925 於 14-6-2018 03:24 發表
60億人仔我諗都差唔多等值10億美金，即使未到亦大概相差不遠
可能有人仍然未明白10億美金係一個什麼概念
基本上除非好似蘋果咁身價千億同流動資金充足，否則10億美金流動資金對於一家千億美金的跨國企業而言是極大 ...

[ 本帖最後由 48191 於 14-6-2018 08:17 編輯 ]

48191

你果然真係乜都唔識，地下世界有地下世界嘅玩法，你真係識條鐵。
喂，仲唔快啲報公安？

引用:

原帖由 MG-42 於 14-6-2018 04:46 發表


八掛報知走資60億, 但中國政府會唔知?    所以話你係CGF首席智將當之無愧 !!   你口中高度控制既中國政府幾時又容許網上銀行可以襟個制走資60億出國唔洗批,重要走左政府都唔知但八掛報知? 笑左... 你又自 ...

[ 本帖最後由 48191 於 14-6-2018 08:10 編輯 ]

48191

吓，乜原來大陸冇外匯管制㗎咩而家？
上次我老虎想依正手續匯十幾皮嘢去加拿大都俾大陸銀行Reject，又唔係要我哋兩公婆帶落香港滙！
想行正途呀！窄啲囉！

引用:

原帖由 loveless 於 14-6-2018 13:24 發表


所以你話中國幾好, 原來億億聲生意同資產可以3幾日即刻變現金, 再打個電話叫人推車仔搬走, 聽日就可以響美國買漢堡包...
我就少少野用晒成個部門D人去搞cert搞文件都要搞幾個月, 下次CFO問起知要點答了: Yo我識 ...

[ 本帖最後由 48191 於 14-6-2018 18:04 編輯 ]

48191

蛇有蛇路，鼠有鼠路，你堅係識？
之前外匯管制冇咁嚴，逐啲逐啲走，出外買樓、保險唔俾㗎咩？人哋有錢俾人賺，人面廣，你又係咪有錢有門路？
早響2008年中開始，保險公司已經賣純基金產品（Investment Linked)，當時已經可以偷雞簽大陸單。啲大陸廠佬見可以利用香港嘅保險公司走資（當時亦是一個賣點，只係唔會講得太白），晨咁早係咁買純基金單，而保險公司只要求最少Hold五年，所以當時就算啲大陸人狂碌銀聯咭，老虎蟹都係咁買，Agent做唔切，啲大陸客直接踩上保險公司，排哂長龍打蛇餅都要買。如果剩做Broker，得1、3、5牌都發過豬頭。你又見識過未？
你估今時今日大陸政府驚走資，收緊外匯流通怕冧檔咩？
果真夏蟲不可語冰，抵你窮嘅。

引用:

原帖由 MG-42 於 15-6-2018 04:39 發表


唔好嘗試 張60億人仔價值 同幾層樓價值 難度同風險講成一樣Ok?  個銀碼同風險係相差好多倍的, 60億人仔成70億港幣... 你估落旺角走埋去找換店搵地下錢莊匯70億就有人敢接?   當你1000萬一層樓都有成700層 ...

[ 本帖最後由 48191 於 15-6-2018 07:38 編輯 ]

48191

老實講，我理得你信唔信。大家各自有立場。再唔信呀？問吓啲做咗廿零卅年㗎Agent，睇吓未有外匯管制嗰陣時大陸仔單好唔好做？個個Team Leader做到攞MDRT你咪知囉！
大額就唔到Agent仔做嘞，佢哋自己上保險公司傾。如果穿到有咁油嘅客，公司見大額都係上公司慢慢傾穩陣。

[ 本帖最後由 48191 於 15-6-2018 13:29 編輯 ]

48191

唔係難度，係你承唔承受得風險。
未過大陸關口，筆錢仲係響國內，政府無權過問；但一經關口出俾海關捉到，輕則充公，重則會被控「擾亂金融」、走私罪名，而而家落路關口係嚴查（貨運），客運就唔知嘞！
至於政府管控，上年年尾中國政府強迫上市公司高層增持自己公司股份，亦開監始控企業走資，「海航集團」就係一個好例子。「海航集團」唔大咩，背景夠硬喇啩，響啟德投到幅地王，中央一聲令下，成塊地嘔番出嚟，仲要叫救命。
而家大陸企業啲CFO仲腳震緊。

引用:

原帖由 loveless 於 15-6-2018 10:44 發表


4兄, 你上個帖話走資幾十億毫無難度, 政府知都吹唔脹.
下個帖去番外匯管制, 十幾萬都出唔到.
我雖然明你意思係想表達正路乜都難有門路乜都得,
但若然走資真係無難度, 甘按此邏輯中國早應該打回石器時代.
點解 ...

[ 本帖最後由 48191 於 15-6-2018 13:31 編輯 ]

48191

我並沒有渲染喎！的而且確係有人咁做！你可以否認？還是你覺得呢個行業冇人做大陸單時暗示過呢啲說話？定係保監從來未收過相關投訴？

引用:

原帖由 m11.man 於 15-6-2018 14:08 發表

你既言論會唔會有點兒那個，講到做保險既人好似做走資咁？你有無了解過咩係MDRT？百幾萬數就係走資？而家買架好d既車都成球啦，我亦相信呢度好多大大都有保險，一年交好幾萬保費唔出奇，我當你一個客唔多啦， ...

[ 本帖最後由 48191 於 15-6-2018 15:41 編輯 ]

48191

L兄果然是老江湖，面面俱圓，又不失大體。厲害！

引用:

原帖由 loveless 於 15-6-2018 16:14 發表
春田花花小學期期有同學考第一操行又高分,
所以不能否認春田花花小學同學品學兼優.

春田花花小學期期有同學考第尾又打交又見家長,
所以不能否認春田花花小學同學德薄能鮮.

48191

咦，見你答到咁招積，似乎你覺得自己有能力開間找換店又或者保險公司喎！你唔係話唔得，自己窮吓嘩？
不如由搞檔好似「星輝保險」咁嘅睇睇先喇，如果你有償付能力嘅話
啊，係喎，以你嘅見識同智商，你考到個1仔牌嘅話都劏雞還神喇！

引用:

原帖由 MG-42 於 16-6-2018 03:23 發表


你最後咪又係要講... " 你唔信唔緊要 , 反正我信了..." 哈哈 , 唔洗唔好意思喎


如果要搵人每日走幾十億,自己開找換店同保險公司啦... 洗鬼益你保險公司同找換店咩... 智將

[ 本帖最後由 48191 於 16-6-2018 08:04 編輯 ]

48191

首先，你係咪現在或曾經係行內人？如果唔係，你真係可以收皮。因為你唔識扮識，仲要衰響我手上。
我有兩年響某大保險公司做Underwriting，日日對住一大棟「投保申請表」，乜嘢古靈精怪嘅Exceptional 都見過啲。
大概08-09年，當時大陸都未話俾大陸人響境外買Investment Link保險，但就可以咁短時間內Sorting到一大叠大陸Link單，咁又點解䆁？
唔識，冇料到唔出聲係唔會話你啞。一出聲又唔識，咪出醜囉！

引用:

原帖由 MG-42 於 16-6-2018 03:16 發表



你個表達手法就好似...依家有個人袋粒炮杖過關得左...你就無限放大到,有門路關係可以帶核彈過關... 呢個形容Ok?

[ 本帖最後由 48191 於 16-6-2018 07:10 編輯 ]

48191

係？咁睇你乜單囉！
我所瞄述嘅唔係一般、老強同一般Life單，係瞄述緊基金（Hold五年/ 一炮過）嗰隻取巧保險單喎，COI好低，但變相係全投資單嗰隻喎！
一般/ 團體/ 個人意外保之類，密密開就話啫！個Commission Rate高，但本金本身低，COI又高....攞嚟幫補吓水腳囉！

引用:

原帖由 m11.man 於 15-6-2018 14:08 發表

你既言論會唔會有點兒那個，講到做保險既人好似做走資咁？你有無了解過咩係MDRT？百幾萬數就係走資？而家買架好d既車都成球啦，我亦相信呢度好多大大都有保險，一年交好幾萬保費唔出奇，我當你一個客唔多啦， ...

[ 本帖最後由 48191 於 16-6-2018 08:03 編輯 ]

48191

M11兄，指教指教一下先喇！
我唔知你係邊間，但我以前舊東家，Life係食三年，逐年遞減； 「純基金」單係一炮過，但個Commission rate 係低。
冇錯，意外保係年年續年年食，但係一張當千零蚊一年計數，Commission都係得、四舊一年，要好勤去跑先搞得掂。
首先，我以前唔係Agent，更唔係Broker，只係受薪職員。咁一炮過點解算係保險？原因係佢加入咗「身故賠償」，即係「本金」加約干百分比的賠償，不過當時的比率好低，而保監、金管局亦拍板通過可以賣，但撇除咗少少身故賠償，其實和純投資單冇乜分別，而年期相對Investment Linked Life Insurance係極短。和「投資相連人壽保險」的Life單區別極大。唔該唔好話信口雌黃，如果你覺得我描述有問題，可以指正。
但不要忘記一件事，當時一個大陸人響香港買Life，不論身故與否，保額銀碼按照法律定義，一樣屬於「資產」，亦即時說就算佢係買Term，而唔係Policy，個保額依然是資產，更何況Investment Link產品？咁再極端啲，買一張「投資單」，一炮過五年，五年後到期攞番錢，咁筆錢咪一樣留咗響香港，而唔係留響大陸，咁資金唔算由大陸轉移咗出香港咩？
至於小小超閒公司，我未幫襯過。不過港紙有3喱、人仔4喱咁理想，聽落幾吸引。咁有冇響Proposal度寫一定有先？冇寫「保證現金」、「保證利率」，一切都只是空談。
至於呢句「港紙有3.幾，人民幣有4.幾既利息，好過放銀行」響Sales technique 堂有教」，所以我估你係Salesman。

引用:

原帖由 m11.man 於 16-6-2018 12:56 發表

你咪回咗我一次囉，做咩又回多我一次，掛著我咪pm我囉，唔洗係度互動嫁，睇咩單就知係咪走資，何為取巧保險單？香港既保險係受監督，請不要再次信口雌黃，仲話做過，返去問下你班老細啦，小小超個間做 ...

[ 本帖最後由 48191 於 16-6-2018 19:27 編輯 ]

48191

真係唔好意思，我真係見過有人係咁Sell，而且仲家住某南區富貴屋苑。
而小小超間公司嘅前身，曾經向一個買咗意外保嘅客拒賠，拒賠理由非常荒謬：一個扭傷關節嘅客，保險公司要求要有表面傷痕先至賠，事發時是2008年。
Investment Link五年Plan嘅玩法係：五年完單係可以自由攞錢走，又或者繼續Keep響保險公司收息，當然可以再轆多次。至於邪不邪惡，我只可以話Link單係一種工具，睇人點用啫！
響2015年前，香港政府有一個名為「資本投資者入境計劃」，計劃目的係要將有能力投資一定數目的金額者申請香港居留權，保險公司嘅基金Plan係其中一項：
https://www.immd.gov.hk/hkt/serv ... t_scheme.html#head1
適用於計劃的保險公司的基金名册：
https://www.immd.gov.hk/hkt/serv ... ive-investment.html
當中提到中國籍人士需要第三國籍。早於2008年前後，香港突然有好多「移民顧問公司」賣廣告，「阿魯亞圖」就係中國公民申請第三國籍的熱門地點，原因在於該國的投資移民申請非常寬鬆。當中國公民拿到第三國籍就申請「資本投資者入境計劃」，去攞香港人身份。當時，這些基金Plan為何會突然熱賣，就是這個原因，和賺、蝕未必劃上等號。再者，基金Plan有一種特性，就是一籃子類別股票以不同比例去分配，相比起單一股票更安全，亦比買賣物業更易脫手。只要一到期仍放在保險公司亦可收息。萬一需要資金轉移，一簽紙，等一、兩個星期已經可以攞由「保險公司發出的支票」鬆人，連Bid都唔駛蝕(個Plan已經完咗，Bid乜春啫？），你唔會唔識呢個玩法啩？如果呢個計劃未玩完，你又識玩呢個遊戲又有客路，你今日應該揸緊Maserati。
再者，呢班富貴嘅「新香港人」，正是利用香港人嘅身份，去外國亦比較中國籍易，因為已經不再受中國政府管束，不論出國或調出資金亦比較方便。甚至經香港再做投資移民去外國（除非你真係好鍾意阿魯亞圖）。

引用:

原帖由 m11.man 於 16-6-2018 23:07 發表
先講講小小超間公司個保險計劃，你坐車路過上環會見到佢門市好大張廣告，你覺得吸引可以入去了解下，有職員會好細心解答你既問題，師兄做過保險業，身邊大把保險朋友，為何一定要覺得買保險一次過比就係走資 ...

[ 本帖最後由 48191 於 17-6-2018 01:32 編輯 ]