話說尋日到一樓上舖觀摩.
一入舖就見到一店員起一櫥櫃上邊開箱俾一女潛在顧客check 支mk12.
check 完一輪. 應該係拎左去試槍.
電光火石之間又返去櫥櫃到.
店員曰: 唔好意思. 支槍壞左. 唔賣得俾你.
客曰: 下? 壞左? 咁仲有無新架?
店員曰: 等我幫你check下. 又電光火石間, 唔好意思, 呢款得返呢支dispaly咋. 但係壞左唔賣得俾你. 不如你睇下有無第款鐘意既啦...
客曰: 下... 咁你有咩介紹呀?
店員即曰: 呢支係最新出既m27. gbb. 最新設計既外觀. 最先進既內餡設計. 就連個盒都靚d... (下省n字)
客曰: 兩支都差唔多樣. 但係呢支貴咁多既. 咁兩支有咩唔同呀?
店員曰: 呢支新d 囉.
客曰: 你等我打個電話先.
電話後.
客曰: 我朋友淨係話要支mk12 咋. 唔要m27. 支槍壞左d 乜呀?
店員曰: .... 佢真係壞左呀... 唔係點會俾你check 完唔賣俾你丫...
客曰: 咁我照俾錢, 你整返好佢, 你照賣俾我咪得囉.
店員: ....
客再曰: 定係你將支槍留左俾第個客呀?!
店員曰: ... 唔係唔係... 佢真係壞左...
客再曰: 咁佢壞左d 乜丫...
店員曰: 佢真係壞左. 而家無貨可以賣俾你... 我地係佢代理. 你留個電話我地一返貨就俾電話你好無.
之後就唔知佢地做乜了.
無可否認. 有d 公開既秘密, 你越唔想俾人知. 人地唔知頭唔知路既就更加想知...
[
本帖最後由 蛇 於 25-7-2013 13:21 編輯 ]
