蛇

黃毓民撐青年衝擊「不公制度」 遊行衝突被評過激
(明報)2010年1月3日 星期日 05:05

【明報專訊】前日元旦遊行當中，有不少年輕人積極參與，有學者分析，現時有很多上街的年輕人也是單人匹馬，不用組織、動員也會自行上街，更會質疑為何要與立場保守的政黨為伍。有市民認為與警方衝突的年輕人過於激進；社民連主席黃毓民    則認為，年輕人衝擊他們認為不公義的制度，總較吸毒好。

學者﹕無組織互信低易失控

多名嘉賓昨日在港台    《星期六問責》討論元旦遊行，城大公共及社會行政學系副教授葉健民表示，今時今日的年輕人上街遊行已不像七八十年代，「現在年輕人很多都是無組織……如有人抬棺材，你一動，其他人（年輕人）也跟住，你可能未必控制到個後果……很弔詭的，你（政黨）愈做愈保守，班細路會問，為何要和你（政黨）在一起呢？我自己來也可。你（政黨）不想失去這班力量，又要想顧（遊行）安全和政治效果。」

他又指出，遊行人士與警方的互信很低，年輕人少參與遊行，當前日有上千名警察不斷拍攝他們，「一見到火滾，年輕人會感到好大反感」；他指出，一方面警方要思考是否需動用如此多的警力，另一方面遊行人士也要克制。

聽眾張先生表示，留意到這班年輕人上街有其理念，質疑現時的政黨不能掌握年輕人的思路；聽眾陳先生稱，雖然他也不滿政府，但認為這班年輕人的行動太激進，認為主辦單位應請警察拉走他們，否則破壞香港和平示威的「招牌    」。

專門開拓年輕人票源的社民連黃毓民接受查詢時稱，遊行期間年輕人衝擊中聯辦    並沒有問題：「你想班年輕人去索K還是去衝擊中聯辦呢？年輕人關心社會公義，有何不妥？」對於他無法駕馭如港大生陳巧文等人，黃毓民說﹕「他們一向也是癲的！後生仔，這些無問題。」
簡直係不知所謂.索K有問題,搞動亂無問題

何俊仁    ﹕民主黨    仍有吸引力

公民黨    陳淑莊表示，爭取民主不屬於任何政黨的專利，政黨也不可包攬所有人，理解年輕人寧願單獨行事。民主黨何俊仁昨在電台節目被問到該黨在吸引年輕人方面是否落後於社民連，「他們（社民連）對青年人比較浪漫的性格，吸引力是多一點，但我相信我們（民主黨）也吸引很多年輕人」。
------------------------------------------------------------------------------------------------------------------------------------

被指或違《公安條例》 元旦遊行收6警告
(明報)2010年1月3日 星期日 05:05

【明報專訊】七一訴求多元化 終點未定

主辦元旦遊行的民主動力召集人蔡耀昌預告，政府於6、7月間把政改方案提交立法會    時，他們會再組織更大規模遊行；至於七一遊行    的終點會否定為中聯辦    ，民主黨    主席何俊仁    表示有保留，因為七一遊行的訴求較多元化，蔡耀昌亦說，若「民生議題都找它中聯辦」，擔心最終會令「一國兩制    」名存實亡。

蔡耀昌昨日在港台    節目《星期六問責》中表示，元旦遊行期間，警方先後向他發出6次警告，最後一次是當大會宣布遊行結束後，參與者推倒鐵馬，警方指遊行可能觸犯《公安條例》。他強調，示威者於遊行結束後與警衝突，他事前並不知情。他指出，縱使他明白示威人士的訴求，但怎樣去爭取也應取得社會廣泛支持。

民主黨何俊仁表示，當日遊行尚未開始時，原計劃是由民主黨在隊尾，但社民連和一班年輕人起行前，突要求行壓陣。何俊仁認為他們是「事先有準備，蓄意行在最後」，好讓大隊遊行完後，才展開行動。

何俊仁﹕社民連臨陣要求壓陣

港區全國人大代表    何鍾泰    說，若日後遊行不斷衝擊中聯辦，只會拖累香港的民主進程，因為中央會思考香港是否適合有普選    。
-------------------------------------------------------------------------------------------------------------
扯貓尾, 推卸負責.

蛇

引用:

原帖由 MF 於 2010-1-3 18:30 發表

俾人洗腦就真
電視報紙上網政客話乜就信乜, 都唔識分析

係鬼...
根本就係借機生事.
以為有D所謂議員起度就可以故作非為. 俾人拉就話咩公民抗命. 實際就係衝擊法治.
呢D 咁既滋事分子根本就係檢控!

蛇

引用:

原帖由 MF 於 2010-1-3 18:55 發表


都喺既, 依家香港興玩蠻民政治, 乜都要大聲

同大陸要野, 喺要關埋門傾架

齋大聲無所謂. 而家玩到似咩樣...?
根本同幾年前D 爭取居港權果D 一叉樣.
遲早又係要搞出人命, 到時先會一拍兩散.
到時又睇下有咩尊貴的議員會勇敢咁走出黎孭鑊?
而家都己經扯貓尾個個都話唔關自己事. 到出事果時又係話警方濫用武力.

蛇

引用:

原帖由 Boniface 於 2010-1-4 02:52 發表
其實長毛個班，咁多年黎都點到即止，停左機就收工
但近呢一，兩多左黃毓民之後就開始過哂火位

而家做左尊貴的議員, 你估佢唔怕無左份可觀的薪水嗎? 五區請辭. 越請越遲. 掟蕉佢地就快手.

蛇

引用:

原帖由 HongKoch 於 2010-1-4 02:46 發表
雖然咁遊行法真係冇乜幫助... 又係辛苦班prolee時文,班xx就又係屋企訓..

但係呢個跟政府同議會有問題,就唔洗班政客講大家都有目共睹, 呢個政制/政府跟本就已經去到人神共憤既地步, ok 你話d議員成日借d椅駁出位,都 ...

遊行就遊行, 唔好起度搞野. 又要抬垃圾, 又要唔跟指定路線行, 又要同人推撞, 之後又要燒垃圾. 一係就衝入私人地方.
難度人地唔岩你就要跟住犯法架咩?
咩叫議員搏出位因為政府有位俾人入呢? 人地請返黎俾你做靶掟蕉乎? 我又攞條蕉掟下佢睇下佢咩樣? 自己議員辦事處俾人搞就要報警捉人. 自己去搞人地私人地方就叫公民抗命.
我睇到而家d 所謂既請願同示威就真係人神共憤... 無錢上網, 要政府俾? 無錢玩課外活動, 又要上政府俾? 有錢淨, 又話要派錢? 赤字, 又話環境唔好要派錢? 要民主? 衝擊人地就有架咩? 有本事就去衝擊中南海.
咩叫賴泛民呢? 難度人地去搗亂係關其他人事? 定係關政府事呢? 我更唔加唔明你講咩唔係有佢地立法會入面講普通話??? 就算係講普通話又點呢?
成日話人地點樣點樣浪費公帑, 黎個五區總辭都要洗成億幾. 呢d 唔係公帑咩? 你辭左職就有公投咩? 投票選你出黎辭職架? 如果又選到出黎, 轉頭你又有野唔滿意又辭多次? 有幾多錢可以俾你咁玩呢?

想出位, 唔一定自焚既, 燒完記者無得你採訪嘛. 佢地實唔會做. 夠薑學下韓仔切下手指尾都俾你羸. 咁我就真係話你係100% 獻身民主啦. 但係泛民又會有咁夠薑既人咩?
(而且俾你做完一樣無公投, 無普選 )

蛇

引用:

原帖由 HongKoch 於 2010-1-4 22:35 發表
全世界既示威遊行都會有啲咁既野,有料你為令佢地唔好遊行lo.  搞清楚個遊行係為左乜先唔該,你個政府其身不正有咩資格話人,做得唔好自然有人反你, 禁區黎於個手法做咩即?  搞清楚個遊行係為左乜先
回番1# 咩叫現代年青人容易上腦? 搞事既唔止年青人wor,仲重要係政府垃圾唔係淨佢地知,只係佢地特别激進同對未來比別人進取.. 呢個世界唔係人人都鍾意坐以待斃ga.. 所謂年輕人心態你明幾多? 唔好成日係度標讖哂,排斥异己以達至自我團結? so sad..
人地請返黎俾你做靶? 冇人想請你們番黎wor  唔想做靶又棟係度收咁高人工(仲高過隔黎uk首相添呀陰公.. )
,冇人逼你嫁wor?
普通話? 真係唔明?
浪費公帑? 要洗成億幾? 我當真係要,夠唔夠果個大陸喱專用型高鐵6百幾7百億幾誇張呀? 遲d肯陸續有黎tim呀,香港人啲錢永遠就係送哂比人洗,自己就冇份, 四川單野如是7百億高鐵如是... 諗吓自己收雞咁多人工比N咁多稅為乜la
比起上面果的如果洗億幾就有民主, 我覺得抵到欄喎! 總辭: 每人洗廿幾蚊, 高鐵: 每人座底皮幾.. 仲有就憑你呢句野我可以話你跟本完全唔了解五區總辭既目的/意義
不如你話土共一日都一樣無公投, 無普選
既然你都知自焚冇用,點會有人做?
一句講哂,上左岸既上一代永唔知d未上岸既食左幾多政府搞出黎既屎

咩叫全世界既示威都會動亂呢? 如果係咁的話點解香港之前果d示威遊行又唔會咁既呢?我都係果句, 我唔係叫人唔好去示威遊行, 你行還行, 唔好起度搞事. 總之生事就係唔岩. 我唔係區禮於手法, 我係區禮於守法!
人工高你唔抵得你都可以去做架. 你有本事的話我都支持你去做添. 而家有寫明做官要企起度俾人掟架? 人地無老母生架咩? 我唔順社民聯既理念我又可以去掟佢地架咩?  
我讀得書少, 我真係唔明...
咁只係證明你無睇新聞, 之前新聞都己經話左搞五個位既選舉根本就係同全港重選既花費差無幾. 因為都係涉及全港咁多區. 無飯開又話無工做. 起基建又話誇張... 你估起鐵路係同你砌積木呀? 咩叫大陸喱專用呢? 香港人唔用得架? 香港物流唔用得架? 咩叫香港人d錢就永遠送俾人呢? 中央無放水俾香港用咩? 呢幾年無自由行的話, 香港旅遊業會有增長咩? 睇返d 數據先啦. 減返大陸遊客的話, 外國遊客數量跌到p晒起度呀.  無大陸d 公司落黎上巿香港個股巿有咁旺咩?
問題係你洗完億幾就有民主咩? 咪一樣無, 咁唔係浪費公帑係咩呢? 意義咪就係想做俾人睇話俾人知有幾多人想普選咯. 你估中央唔知咩, 人地睬你都傻啦. 學你之前話齋, 人地外國示威遊行都咁做自焚切手指, 人地就唔知自焚同切手指對大局無幫助咩? 做咩唔跟人地呢? 做左有結果先得架. 你去衝擊人地就對大局有幫助乎?  
我都係80後黎咋. 我都未上岸架. 食屎還食屎, 咪自己都攞屎黎玩埋一份

蛇

引用:

原帖由 HongKoch 於 2010-1-5 00:29 發表

比你捉到個機會就等如有人會冇左個機會,而且啲機會唔會越黎越多,而係越黎越少

我在意唔係自已或邊個捉唔捉到個機會,係機會係越黎越少,唔係你識珍惜就會多左... 终會有1日係唔會再機會比你捉,如果你 ...

有腦既人係會諗新既方法去搵錢. 所有人都只會行舊路的話社會係唔會有進步既.

蛇

引用:

原帖由 莊家-犯罪無間 於 2010-1-5 00:42 發表

你真係覺得高鐵起o黎係為左d普羅大眾用??

鐵路運輸唔只係載客既. 載貨都得既. 仲有一個中國高速鐵路好重要既一點: 軍方既"物流"

蛇

引用:

原帖由 HongKoch 於 2010-1-5 00:54 發表

首先我非常尊重上一代人對社番會既貢獻/建設, 但這並不代表可以用作批判下一代既籍口.. 咁樣完全唔係出於好意
打暑期工不嬲都係打呢類工la..唔通今時今日d暑期工會有CEO做咩...

無上一代人就無今日既繁榮,恕小 ...

虧你連咁既說話都講得出...
無上幾代人既努力, 你而家出世都仲起度捉緊魚咋....

蛇

引用:

原帖由 莊家-犯罪無間 於 2010-1-5 01:10 發表

即係都唔係計畫比一般市民用

我只係話鐵路運輸既用途啫. 所有建設唔可以話自己用唔著就唔起架... 唔通我住起西北區, 就唔支持起港島南線架...
鐵路運輸對物流業係有幫助既. 但係以後大陸仲有無咁依靠香港對外出口就要靠香港既努力啦...

[ 本帖最後由 蛇 於 5-1-2010 01:17 編輯 ]

蛇

引用:

原帖由 HongKoch 於 2010-1-5 01:18 發表

you know not thing about what i mean...

成班都鐘意以偏概全.. 咁人多勢眾,嬴哂la你地

你有point 我係唔介意你插我. 我都係跟你d point 黎以事論事啫...

蛇

引用:

原帖由 Paul 於 2010-1-5 01:23 發表


但係咪西九站總站,阿爺未必有意見

之前有人陰謀論過話起錦上路係要近軍營嘛...
不過講真, 我係唔介意佢總站起西九... 只係唔多滿意香港只得一個站...
深圳都有兩個站啦...

蛇

引用:

原帖由 kimkileo 於 2010-1-5 01:27 發表


又整味王單柴魚開希...

除非佢地又夠膽去羅湖橋玩影相架啫...
不過大陸都寧願收佢地回鄉證趕佢地返香港算...

蛇

引用:

原帖由 Boniface 於 2010-1-5 01:28 發表
算啦，大家就放長雙眼睇下佢整左舊咩野蘇州屎出黎

我都懶得睇...

蛇

引用:

原帖由 Paul 於 2010-1-5 01:31 發表


其他城市也是一個站,　但深圳有內線及外線兩個區,　而也有可能福田站是起比新界人用

你咁講都岩既... 福田站的話都可以坐地鐵去福田口岸返黎既... 之但係龍華都就黎有地鐵啦....