反高鐵寫錯贊助人 累樂施會被譴責
(明報)2010年1月19日 星期二 05:10
【明報專訊】反高鐵停撥款大聯盟月初印製場刊，呼籲市民參加1月8日包圍立法會，但編輯過程就懷疑擺烏龍，將贊助者錯印為「樂施會」（圖），畀人發現後喺facebook開群組「強烈譴責樂施會以市民捐款支持反高鐵示威者」。樂施會香港部總監何渭枝尋日笑住咁話：「其實係一場誤會，唯有硬食。」
facebook群組質疑捐款用途
網民反應好激烈，質問話：「市民給你的捐款是這樣用的嗎？難道樂施會又和泛民勾結了？我們是否應該查查樂施會和泛民的關係？」但何總監解釋，1月8 日已經有人喺立法會見到大聯盟派場刊，發現「贊助人」寫住「樂施會」，「我口地知道後，即刻聯絡大聯盟，即日就接到朱凱迪電郵解釋，話可能排版個時出錯。仲向我口地道歉。」
何總監唔打算追究，又話由頭到尾無參與大聯盟反高鐵活動，又話大聯盟人手少，本場刊應該係義工做，體諒佢口地忙中出錯。尋日Emily打畀朱凱迪無人聽，陳景輝話佢太忙，可能無帶電話。
http://hk.news.yahoo.com/article/100118/4/g6hx.html
