蛇

市民年底起可用八達通買旗
商業電台 – 28分前

市民年底起可用八達通買旗。八達通公司免費向社聯，提供一百一十部八達通機，市民買旗，拍卡一次會定額捐款五元。非牟利機構可向社聯申請使用八達通機賣旗。首個使用的團體，是浸信會愛群服務處，將於十二月十七日賣旗籌款。
---------------------------------------
好老實講... 我好憎星期六朝早出街.

蛇

根本就係搶錢.

蛇

引用:

原帖由 餅 於 2011-9-28 16:35 發表
每間機構對賣旗義工都有一條共同指引 : 隨緣樂助

唔捐係絕對唔會死纏爛打(有D...就除外啦...)

我都參與過旗站工作 , 你笑下擰下個頭 , 賣旗義工既感受絕對好過你同佢講無散紙

問題在於... 你俾一個叫捐都算啦... 你唔買, 到下一個街口又俾人問... 總之你唔買, 就要預左有人黎煩. 果張咁既貼紙根本就係保護費收據咁...

蛇

引用:

原帖由 餅 於 2011-9-28 17:05 發表


每間機構一年只有一次街頭賣旗抽籤機會 , 故此一定想盡量覆蓋最大範圍 , 收得一蚊得一蚊

某類公司個D 受薪既籌款助理唔講 , 星期六賣既除左旗站工作人員 , 可以話大多數都係義工

試問有邊個義工會咁犯賤晨 ...

我唔係話動唔動氣. 亦唔係話叫人買旗果d 係唔係受薪. 有時無散紙起身, 又豪唔起俾十蚊唔買, 行幾條街都會俾人係咁叫買而覺得煩. 鬧我又真係無鬧過佢地. 根本無必要鬧... 而有d 義工, 都係被迫自願做既.. 算啦...

蛇

引用:

原帖由 tf141 於 2011-9-28 17:45 發表


哇....行過俾人問一句買唔買都話煩, ching你都幾唔好脾氣架喎
其實只要你掂行掂過, 又或者擰下頭揮下手人地已經唔會再煩你

定係你自己唔捨得買, 又覺得好冇面咁, 過唔到自己果關咋?

事實我就係果種覺得買旗唔值得俾十蚊既人. 每個人既價值觀唔同. 有散紙起身, 佢主動埋到黎我都會買. 無散紙, 你要我拎十蚊出黎買旗. 我就係唔捨得. 或者師兄係比較手鬆啦. 我只係覺得你無買, 就會不停咁有人sell 你買. 情況就等於人地係咁sell 你買其他野一樣. 只係分開左唔同既人黎轟炸你.

唔買就好無面? 我又唔覺, 覺得唔值就唔會買. 係講要面既話, 係咪應該講果d 銀包入面得百蚊紙. 俾人叫買旗就塞一舊俾人果d 呢?

[ 本帖最後由 蛇 於 28-9-2011 18:48 編輯 ]

蛇

引用:

原帖由 餅 於 2011-9-28 17:32 發表


你咪話...香港真係有呢類燥底人鬧到個義工喊架...

至於你話被迫自願做 , 其他機構/學校要求既我唔敢講 , 至少我遇過既 , 佢唔做真係逼唔到...

反而遇過有D 講到明只做賣旗 , 其他野唔做 !!

咁呢d 就一樣米養百樣人啦. 佢都係問一句買支旗. 除非係有心挑機既啫. 唔係有乜好鬧...
講到被自願... 相信都係學校最多架啦... 唔去又要家長信乜乜物物解釋...

蛇

引用:

原帖由 tf141 於 2011-9-28 18:41 發表


"先生幫手買枝旗"
咁叫sell?

咁唔叫sell, 唔通淨係企起度拎住個籌款袋戇兜兜乜都唔做果d 叫sell?

蛇

引用:

原帖由 adlar 於 2011-9-28 18:50 發表

唔係有限公司嗎?

從來都係果句. 非牟利組織係指個組織唔牟利. 而唔係話d 職員唔牟利...

蛇

引用:

原帖由 boni 於 2011-9-28 20:55 發表

唔係個個學生都係為咩利益而做ga Lor...

被利用.

蛇

引用:

原帖由 Hkpolice-Psu 於 2011-9-28 23:11 發表
忘記左

有時只係覺得捐比d比我更有錢既人, 我寧願捐比街邊乞丐...

乞兒都有分外地同本地架喎...

蛇

引用:

原帖由 hkncnc 於 2011-9-29 00:41 發表
八達通未增值

嘟... 先生, 多謝晒...

蛇

引用:

原帖由 kimkileo 於 2011-9-28 23:37 發表


洗乜專登帶一蚊....唔買咪唔買羅.....

專登帶一蚊去捐都係一件好事黎既...






不過我唔會咁做囉...

蛇

引用:

原帖由 hkncnc 於 2011-9-29 04:00 發表

負數喎...咁都嘟到

你唔會為左果5蚊去整張無錢既八達通掛...

蛇

賣旗可「嘟」卡 每次捐五元
星島日報星島日報 – 4小時前

    寄給朋友
    列印

相關內容

    賣旗可「嘟」卡 每次捐五元放大圖片

    賣旗可「嘟」卡 每次捐五元

(綜合報道)(星島日報報道)市民以八達通乘車及購物早成趨勢，由十二月起，連賣旗亦可電子化。社聯宣布推出八達通賣旗籌款試行計畫，市民每次拍卡，便可定額捐款五元。八達通將豁免收取手續費及交易費用，但社福機構須向社聯繳交行政費，每部八達通機收費三十五元。

　　記者：梁思穎

　　首個使用八達通賣旗的是浸信會愛群社會服務處，將於十二月十七日舉行賣旗日，屆時籌款人員將「行孖咇」，一個用傳統旗袋募捐，另一位就攜有八達通捐款機，市民可自由選擇捐款方法。八達通捐款機將設定為每次捐款五元，想捐多過五元的市民，就要等一分鐘再拍卡，或用另一張八達通拍卡。

　　八達通機屏幕會顯示八達通卡餘額，同時會發出交易成功響號，市民亦可透過其他地方，如港鐵車站內的八達通查閱機查閱最近的捐款記錄。

　　每部八達通機35元

　　社聯行政總裁方敏生表示，八達通普及應用後，市民減少帶備零錢輔幣，影響賣旗籌款效益，故社福機構一直希望將八達通推廣至賣旗中。今次社聯與八達通推行兩年期試行階段，可為社福機構提供一百一十部八達通機作募捐用，社聯會向有關機構收取行政費，每部八達通機三十五元，換言之借用一百部八達通機，機構就要繳交三千五百元，方敏生解釋：「將款項上載、回收及運送等，要有專人負責，但我們斗零都不會給八達通，費用只是用作營運開支。」預計九個工作天可將款項結算予有關機構。

　　有關計畫試行兩年，方敏生指，試行前曾諮詢社福機構，而將捐款定額為五元，「現在每人平均捐款是三至四元，將八達通定額為五元屬試驗，會密切留意市民反應，日後檢討將金額調高或調低。」八達通行政總裁張耀堂補充，劃一設定捐款額亦有助避免引起誤會，「如果市民可自行調校，擔心有人按錯，想捐五元，按錯了五十元，就難以退款。」

　　張耀堂承諾八達通公司將永久豁免社福機構的手續、行政及交易費用等，但拒絕透露所涉及款項金額。

　　方敏生預計每年有最少三至四十家機構可受惠，所有義工事前要接受使用八達通卡賣旗訓練，以及必須以「行孖咇」形式募捐，有關機構亦要在賣旗日宣傳品上指明可使用八達通。
--------------------------------------------------------------------------
錢又唔係現兜兜經佢地. 有咩要回收同運送? 嘟嘟機壞左會佢地出錢整咩... 嘟嘟機你估佢地會分落街續個義工派咩. 又咪係叫人地上佢度拎... 社聯咪又咪係起度cap水.