之前aps散彈大幅減價加上sai款毒性太強忍唔住開左呢個深坑，但在下是想拿來打game的...開頭拎來把玩的確樂趣無窮，成功毒到身邊好友一人整支齊齊開全shotgun局，到真係開game就開始問題多多了...
"斷頭台"設計真係煩到震...槍又易jam...原裝包那個"集彈袋"又係神設計，成功令jam槍情況更嚴重...最後亦留意到最重要的問題...d彈有漏氣情況，槍jam唔jam彈好睇手神(?)見有師兄話原裝爽順絕冇jam彈乜乜乜，可能我手臭又會傳染，同朋友仔的槍全部都係咁，睇人打3gun d片唔少都jam到hihi咁，自己打game有幾次駁火時大家同一時間一齊jam兩個倒瀉籮蟹咁真係笑中有淚...
但市面上的散彈槍能夠有呢個咁過癮o既效果就只有aps，冇計焗住用有限o既能力去慢慢改善，改善jam槍情況網上有大把教學參考，照攪了亦的確有明顯改善(但同d牌依然兩個世界)集彈袋亦能解決(買個實野稍為diy就攪掂)
好喇，以為攪一大輪可以開心落場冇煩惱，最後就係d彈漏氣問題...漏氣呢樣野會直接令用來打game o既我攪到好冇癮，d力完全估佢唔倒，有d正常...有d打唔倒兩米遠...有d直接啞埋...
為解決一開始至簡單當然第一時間去換oring啦(當時有牌子出了d話有90度硬度o既oring)自己上網訂70/90度o既唔同物料甚至走去配X型o既oring返來試，全部都係比較短命密氣效果不見得可以用呢個方法去根治問題，好...走去車鐵氟龍/尼龍甚至其他物料，各有各問題(如真密得了氣但又扑佢唔開)最後還是乖乖每次打完game都同50幾粒彈抹o下油反而keep得耐少少...(請教過朋友仔研究得出其中一個原因就係佢由高壓瞬間跌至零壓令oring短命)我雖唔多明，但一路以來都好恨aps會正視一o下，早幾日睇佢有新彈出還期望佢會改改設計，但睇片似乎還是愛標榜"力"...即是有機會只增加儲氣空間...其他照舊...對各位曾經講過 "係咁架喇，d彈叉完氣好快d打左佢唔好等咁耐呀" 而又認為好正常的師兄們影響不大...對我來說只是襟漏d咁解...真心認為好可惜，如果設計上肯作出改善真係一樣好很好玩的東西...在下現完全放棄aps shotgun使用著Dm + aps彈來打game，係爽o既，但漏氣問題一日未能完全解決都係始終掙咁d...
講開講，我重以為aps改左佢隻蓮花杯的神設計...原來係其他牌子出...托朋友仔買左筒返來玩，重未有過咁方便o既感覺，隻杯用料感覺上比aps硬少少，本身d爪係打開晒的，打出來明顯見佢彈開晒，好早已跌落地，而且d bb彈係比較集中地散開去唔似aps有個死人蓋阻住d彈咁彈到9唔搭8，新杯個彈道明顯地好，亦見佢卡住膠殼個位有分高底級，在下試了唔塞到底"浪"高少少等佢條芯扑出來時冇個杯底頂住出得順d，最後反而留意倒佢本身個半圓形氹位係有造深左，估唔到有呢個改動，亦保持倒個bb彈彈量，設計者亦真有心思，aps隻杯入好彈再冚埋隻死人膠蓋(個人十分不喜歡用佢，又難冚又貴又易爛，又一神設計)打條芯出來時經常俾佢頂實無法瞬間將內部o既氣體釋放，有時仲好似放屁咁d氣係以o即出來咁攪到無晒力真係把鬼，自己整圓咭紙無謂俾錢買難受好過...宜家仲有埋呢隻新杯，價錢又差不多，如用落見證埋佢耐用度真係掂的話強烈建議各位轉用佢唔洗煩
[ 本帖最後由 xo8816 於 5-12-2018 00:50 編輯 ]
