各位師兄大家好! 小弟白日發夢,唔認同既師兄大可一笑置之,每日笑唔知幾多分鐘有助減肥
小弟冇錢冇經驗,但又好高騖遠,成日諗住點樣改靚支槍,講到改槍(外裝)少不免睇金身..
但係金身件既價錢又真係金價! 當然G猩呀P豬屎呢d系小弟所知比較平價既件... 不過就算買得起件都仲要裝...
再講就係小弟之前曾經提過既 "Maria 奇想"(重現返某PC Game入面既一支槍)
當中又涉及到雕槍,刻印等等...
相信好多師兄,師弟(斷估都係同期,唔會有幾多人新手得過小弟架喇哈哈)都好想改槍,改外裝,玩金身...
但世事豈能盡如人意..好多時金身只會出比熱門槍款(好似Marketing好叻咁),但d金身又未必時時有,好可能出幾水就銷聲匿跡(真係on焦耳,我斷估d廠都係要先打個模再批量生產d件,無理由唔用盡d模架)
咁唔通玩冷門槍既師兄 就註定做死一世獨家村? 要靠自己? 買車床買鋼條買鑚 自己造自己改自己裝?
好多師兄都可能有諗過自家工場,但係香港地地方細,地價貴, 有錢買工具材料都唔見得有地方擺...
到你有錢有地方 又唔見得有時間...
咁點? 唔通一切遺憾帶落棺材等下世? 人生苦短唔通真係就咁過?(好似太誇張哈哈)
適逢宜家香港工業式微(雖說式微左好耐
),咁多廠廈有放租,係咪可以諗諗香港氣槍同好結社,合辦一個Made.In.H.K, Made.For.Player既工場?
小弟以門外漢角度黎睇,一個四正既二千尺單位,應該都夠用..
到時師兄自己生產金身/改件,用合適價格賣,又可以不定期接d改槍job(外裝啦,改內裝好容易惹麻煩...)
工場可以系論壇開post集資(crowd-funding
),開設後又可以利用論壇/FB,etc.收夠足夠數量訂單先生產,
其實以小弟所見 宜家唔少金身定價都比較...over d,,
如果話成本高,其實鋼材成本有幾高,師兄們上網查下就知...(小弟1個月前上過某美國金屬網睇過,靚d既鋼大概都係幾百美金唔駛,但其粗長已經足以生產起碼50條outer...)
相信都係初期投入貴,造模貴,人工貴... 當然小弟只系門外漢,但作為一個玩家,邊個唔想買到平靚正既貨..?
所以如果有本地師兄團結成一股力量
開返個Airsoft工場,造下金身改件,又不定期做d外裝改造(好似蘇師傅咁
)
玩冷門槍既師兄又可以集合怨念 向工場落訂,第日拎到金身後再系工場搵師父刻字,想點刻就點刻
100條同款slide, 100款marking, 實行真正DIY,係咪都幾理想呢
發夢發到呢到,又要返現實世界...
多謝閱讀此低B貼
