E何B新舖雖然細過地牢，但算靚咗、光猛咗，行得舒服咗；交通算OK，對住九龍東、新界東嘅顧客嚟講，新地址算方便。店員服務態度不錯，之前試過買槍配件，返到屋企發現有問題，憑收據換貨店員都好樂意幫忙。至於槍街，如果只係買BB彈、Gas、零配件，或者平嘢，總之搵最平果間就可以幫襯。如果買較貴嘅槍或產品，想揀到啱，又或者有疑問想請教專家，去QXF、明窗店、統公房都係好選擇，店員都好有耐性。至於其他槍舖，「軍軍軍」以前有個四眼叔叔好好人，但其他幾個後生仔就好唔掂，試過想同佢買嘢，個大隻佬同我講「食緊飯你搵第二個幫你」，班店員個個好似三山五嶽咁；WXC都係要買VFC零件時，先至會迫不得已幫襯，個女sales好似幾十年前啲鐵飯碗公務員style，另外個大隻仔對一般客人又係好唔耐煩；至於靚姐，槍款又唔係多，啲嘢唔算特別唔算平(VFC枝SR25佢賣得最貴)，態度又差，我唔明有咩需要幫襯佢。
