話說早前小弟枝我們 1911 彈匣入氣嘴漏氣, 結果用 Loctite 密封膠代替原來個 O ring 搞掂咗, 但尋日拎出嚟係好靜既地方再聽下, 仍然聽到有極極極微弱既漏氣聲, 係槍舖既環境係絕對唔會聽到, 其實可以不理. 但既然整得, 緊係要整到徹底搞掂啦, 用洗潔精水測試發現係彈匣底既一個角落漏氣. 由條片可以睇到漏氣既速度係超慢.
https://youtu.be/FB0nIgM9Q7s
跟著標準動作拆個彈匣底同條膠圈出嚟抹乾淨再落 silicone 膏再裝返, 但都係漏. 細心檢查個長方型既膠圈又唔見有問題, 咁唯一可能既原因就係同個膠圈接觸既金屬面唔平滑,今次個金屬面係一個角位而唔係一個平面, 其實要密封係有難度. 只要個角既金屬面有少少唔平滑譬如有一粒仔金屬突出嚟呀咁,個膠圈就會封唔死嗰個位, 由於唔係一個平面,肉眼係好難睇到是否平滑, 但既然呢個係唯一可能既原因, 就試下整整佢, 方法係用塊舊布包住雪條棍落省銅膏磨滑個角.
結果....... 搞掂
!
[
本帖最後由 walther 於 28-5-2019 01:58 編輯 ]
