monopolyshiu

引用:

原帖由 loki 於 30-5-2009 22:15 發表
我會聽完佢講點解發生呢D事之後.安慰佢.但問題係出於佢地身上.
我只會做一個聆聽者
唔會比任何意見.
最後我會直接同佢講.
"我只係一個外人.
我唔知你講o既係唔係只係你自己o既睇法.
我覺得問題唔會只係單方面出 ...

講得o岩..

如果你想幫人既..
你應該做既係幫佢手分析,而唔係幫佢做決定
自己做決定,無論結果係點,自己都上左一堂
你幫佢做決定,如果結果係衰既佢只會怨你

個女仔講既野俾你聽,一定同實際有偏差
更何況你唔知個男仔點諗?

有陣時係旁觀者清,當局者迷
意見係可以俾,但一定要中肯,絕對唔可以有偏頗

我覺得如果佢兩個係真心鍾意對方
溝通絕對可以幫到

monopolyshiu

引用:

原帖由 Anonymous 於 30-5-2009 23:25 發表

無人叫你咁直同佢講喎
耍唔耍佢佢, 敷唔敷衍佢完全係個人態度問題
唔好話其他人，我自己有感情問題唔會叫人教我點做
我當時反而最需要係emotional support
對於一個女仔，更加係需要情感支援多過同佢理性分析
...

哈.. 無錯.. 我同人講其實都係想呻下 .____."
等自己個心舒服o的之後.. 再慢慢去睇件事

一個人既情緒唔平穩
喜怒哀樂,不同情緒對同一件事既睇法都唔同
個人平靜落黎.. 可能會睇到一o的自己錯失左,睇漏左既野

monopolyshiu

我唔係女主角
我意思係,如果我自己講出黎..都只係想呻下"
只不過我係cgf習慣淨睇唔出post
所以積分咁少 - -"

引用:

原帖由 Anonymous 於 31-5-2009 00:10 發表
提出方法等如同人解決問題??就等如同人地做決定??
叫人分手就個個識講, 點樣叫人去維繫先係最難,
寧叫人打仔莫叫人分妻, 我唔會一開口就叫做自己去諗, 點樣衰都好, 未出手打交既, 點都解決得到!!
即然感情係人地 ...

非也非也..

提出方法等如同人解決問題??就等如同人地做決定??
提出方法當然可以.. 只不過係怕如果你講既方法太主觀(跟據我既睇法你係認為佢地好應該復合)
會影響左個女仔既睇法
如果你講既野,個女仔完全照做,你係咪幫佢手做左個決定?

叫人分手就個個識講, 點樣叫人去維繫先係最難,
其實睇清楚.. 回覆你個post既人.. 大部份都唔係話支持佢地分手= ="
我自己都梗係希望佢地復合開開心心啦
問題係.. 分手定繼續,結果係點你我都唔知
如果你一開始就叫個女仔去繼續,你就完全將其他既可能全部消除

如果我有一個朋友,無論佢係男定女有感情問題,我既做法大概係:
1.舒緩佢既情緒(惱好傷心好絕望好..嘗試將佢既心情平復)
2.慢慢同佢傾關於佢地兩個人既事,嘗試用唔同方向去睇每一點
3.我會叫佢番屋企諗清楚,再佢同另一半傾下.. 最緊要既係叫佢傾個陣一定要心平氣和,keep住自己情緒

當個女仔決定好分手/復合既時候.. 你再要唔同既意見,你先再俾佢
例如復合,佢點樣可以令佢男友開心(你係男仔可能會俾佢清楚)
如果分手,你又覺得點樣可以令到佢地和平分手?


p.s: 我同女友都發生左好多問題.. 我地好愛對方,但係問題有好多..
分手定繼續.. 我自己都未決定到.. 不過無論結果係點, 自己做決定既
心安理得,唔會怨天尤人

monopolyshiu

引用:

原帖由 Anonymous 於 31-5-2009 00:30 發表

分析就一早做晒啦, 而係唔知應該點樣去實行啫, 可能大家都有誤會
不過老實講, 邊個黎呻我都係會咁講, 睇下仲有無得救, 無得救再慢慢諗分手都未遲, 呢個世界無絶對, 話唔定聽日有人會送花道歉呢

佢地自己傾過未??知道對方要求既係咩??
如果未傾既..當面傾最緊要..

monopolyshiu

引用:

原帖由 Anonymous 於 31-5-2009 00:45 發表

我大致上都同師兄做法差唔多
好多時, 黎到我面前講唔夠五句就喊
你比張紙巾佢, 拍下佢膊頭show你既support(當然睇人啦)
由佢舒發自己既情緒, 已前幫到當時人好多

sorry師兄誤會左

哈,唔緊要.. 係我表達得唔好o者..

p.s 兩位師兄都anonymous.. 頭先睇post睇到我頭暈

monopolyshiu

引用:

原帖由 Anonymous 於 31-5-2009 01:03 發表

我認同當面傾係解釋所有問題既方法,
但係我地推晒所有野唔講, 唔好理條女啦...
點樣先可以令一個淡淡地既人變得熱情番少少呢???

個女仔有無同男友傾過.. 知唔知道個男仔想要o的咩?

如果知道個男仔係因為乜野而變得冷淡既
件事就好辦好多..
所以我先認為,佢地兩個傾下係非常重要

如果個女仔傾過而又得唔到答案既..
最多只可以做o的好general既野,唔可以對症下藥,試下有無效

[ 本帖最後由 monopolyshiu 於 31-5-2009 01:27 編輯 ]

monopolyshiu

引用:

原帖由 Anonymous 於 31-5-2009 00:56 發表

你......多謝你意見....
不過, 淨番我想問既問題得一個....如果個女仔己經決定要分手, 跟住搵人呻, 你估我仲會出post 問一個我解決唔到既問題?

啊.. 唔好意思

我以為個女仔o岩o岩同你呻..
仲未決定到點做

monopolyshiu

引用:

原帖由 Anonymous 於 31-5-2009 01:44 發表

呢個大家誤會啫....唔好意思師兄, 希望你唔會介意我既語氣...


聽君一席話, 茅塞頓開!!
題外話, 如果個男仔冷淡既原因係因為係個女仔度得唔到安全感呢??但係個女仔又唔可以解決到呢個問題呢??
再者, 包 ...

唔會介意啦.. 知你想為個朋友解難o者

hmm.. 安全感..
女仔成日都同其他男仔一齊玩得好埋?
男仔覺得自己配唔起個女仔?

解決唔到??

對於一個問題我會咁做
1.嘗試解決
如果解決唔到,
2.將問題帶來既傷害減到最低,將問題minimize,達到一個雙方都覺得舒服既平衡
如果仲係非常不滿
3.嘗試迥避尼個問題,係未來盡量唔好遇上
不過尼樣唔係成日得,而且好多時有後遺症

如果以上既都無辦法.. 我會認為問題無法解決
最少係 係尼一刻,以我既能力同處境無法解決
唯有將問題放埋一邊, 睇下幾時可以解決