引用:
原帖由 48191 於 8-11-2018 15:44 發表 
當然有新鮮事，敢問乜嘢係「聯合國軍」？
另外，原來國土誰屬係唔知點答咁好笑？
定係嗰度同耶路撒冷一樣，「只歸上帝管理」？
成日開口埋口「自古以來乜乜乜」，一遇到俄羅斯就可以詐唔知？
既然數字兄求知若渴，小弟雖然唔係法律系出身亦唔係研究國際法史，亦只好利用自己知道的知識嘗試答你
唐努烏梁海自1860年起一直有被沙俄殖民進入，而當時大清國並冇國藉概念，甚至疆域概念都冇。當時唐努烏梁海係漠北地區，屬蒙古公王所管
昕法制上而言，蒙古臣服大清，但係蒙古點管自己的地，大清其實係唔會理的，因為蒙古亦冇要求大清加以干管
因此如果硬要討論，沙俄可以以「無主之地」作概念去定性唐努烏梁海，從而得之，因為蒙古冇一個疆域圖比到大家，當地亦冇正式官員（因為真要論正式官員，都係要一個大清官員，蒙古官都唔算）
呢個係先天問題，當然其實當時大家都冇討論
北洋年間，徐公樹錚率北洋袍澤至蒙，但其後中原混戰，北洋南下，當地無駐軍又無官員，未有建立有效統治，因此唐努烏梁海到底係中國政府邊個部委管，冇人知
後來1931年國民黨發佈《蒙古盟部旗組織法》，正式定性唐努烏梁海屬蒙古所管
問題在於《中蘇友好同盟條約》入邊係承認外蒙獨立的，而根據地理位置，唐努烏梁海屬外蒙，係法理上唐努烏梁海已在中華民國承認下獨立
雖然有論者言圖瓦蘇維埃社會主義自治共和國早於外蒙獨立，但《中蘇友好同盟條約》似乎已確定其獨立身份
當然，可以從其後途徑去討論，例如可否用返「民族自決原則」去重新定義唐努烏梁海，但這涉及到唐努烏梁海內的民族比例
例如其假為蒙古人作主體，自然冇問題，但又有研究指其為突厥族作主體，而中國則沒有突厥族。而突厥族在歷史上可否視為蒙古之同源、在法理上可否同之討論，又係新一輪口水仗
總之，一句講曬，紙呢，「中華人民共和國」就冇簽過、地呢就仲傾緊
另外怕你唔識google，幫你搵埋又點話
「聯合國軍是韓戰爆發後支援大韓民國的多國聯合部隊，依據1950年7月7日通過的聯合國安理會84號決議，由美國、英國等16個國家的軍隊組成。瑞典、印度、丹麥、挪威、義大利等5個國家為聯合國軍提供醫療隊或醫療船。」－取自維基
講起聯合國軍係因為在編制上，聯合國軍司令部尚未取消，仍然存在，於是隨口一提。
據小弟自己了解，小弟並非國安部或國安委顧員，身家尚算清白但父母系均地主出身，非根正苗紅之輩，父祖叔伯無人任中央委員、人大委員或政協
整個家族到目前官最大應該就係小弟，曾任香港稅務局外判打字文員
但總之我就知道關於唐努烏梁海問題，冇簽過、仲傾緊，完
[
本帖最後由 LCH925 於 8-11-2018 16:44 編輯 ]
