1.戰術腰帶掛住彈匣D袋要另外買?
有會更舒服，要平可以去「根摩」到執，中價位可以去「射手」、「Ｍ知」，高價位就要自尋門路
2.護目鏡面罩邊隻牌子較好?
護目鏡個人會有幾貴買幾貴，但原則上3M都夠做
Bolle、ESS呢D其實都出名，亦都夠用
千奇唔好用鐵絲鏡，唔係可能會碎彈入眼
面罩冇所謂，主要係防止ＢＢ彈入口，只要合法火力戴口罩打都冇問題
怕痛就買個硬式，一百蚊左右
3.手套用邊款較好?
只要唔係勞工手套都可接受
小弟用過十幾蚊一對解放軍傘兵手套，亦都有用飛虎隊羊皮手套，其實體感真係唔算太大
但手套一定要有
4.BB彈用0.2就得?
如果對打遠冇需求0.2即可
好講求遠距離準繩度可以用重彈，個人用開0.25
5.仲有咩裝備需要?提一提小弟
皮帶一條，護膝必須，個頭可以戴頭盔或者帽
買個大袋做彈匣回收袋，會方便好多
組隊打可以同fd買套對講機，鴨記是但執一對就得
打室外加件vest同水袋包，主要係提自己記得帶水
6.單拖可以點樣搵到場玩?
以前會落街埸或者上三軍撞手神
依家就難處理
