ironjing

點解唔自己動手整呢？如果只是維修，GBB換下Oring，油封，飛机......等，AEG就換下拍頭，天梯，齒輪，電閘，摩打或者斷了電線駁返....等，上網好多片教你，照拆照裝基本都可以成功，為何要貼錢買難受？當然如果要改造升級就要多一點技術啦，但亦不是太空科技，多玩幾次就算失手就當交一點學費，也能在維修期間明白了學懂了一點東西，想想自己修理好那種成功感，也是在打game以外另一種享受。

ironjing

昂貴的維修保養費用，也是阻礙了一部分人玩的興趣和投入度（當然有些師兄經濟能力很強，成萬銀一支槍都會問"點解咁平架"）但唔係大多數尤其是年青的，可能投身社會不久經濟能力未有很強的基礎，壞得幾次，次次幾百（有可能支槍都係買幾百元），如果有幾支仲頭痕，經濟上會造成一定壓力，可惜沒有地方可供大家分享交流維修經驗和技術，以前wargame gear的老闆有一條頻道，講解了很多槍型的維修和要注意的事項，可惜現在沒了，講廣東話始終比較親切易明點，可惜可惜。

ironjing

網上資源固然豐富啦，但如果有一個本地的頻道肯定會更好，大家可以交換下資訊，例如邊間店買邊類零件比較平，有冇店做緊特價，某類套件適合改，訂淘寶嘢邊間比較合裝，或者有問題提出來大家可以即時參詳一下，由於全部係本地玩家，資訊會比較貼地，在交流的過程中亦可以提高大家的投入度。

ironjing

成功的時候興唔興奮，有冇學到嘢？失敗時候有冇檢討，又有冇學到嘢？

ironjing

其實當打game係一種興趣，自己動手可玩得更加投入，我對機械有一定認識，所以什麼都拿來玩一餐，改波箱啤令，自焊mosfet，改推彈咀雙Oring，二手零件砌一支打得的槍出來，吉利服都自己買料車，，，等，算是在打game以外另一種享受。

ironjing

所以有一個本地谷或頻道會比較好，可以即時溝通，係呢你影一影個波箱發上來睇睇咩事，睇下有冇師兄幫到你。

ironjing

用這種小工具定位小弟十多二十年前已經使用，而且是自製完全免費，材料是別人做完冷氣工程的冷氣槽外殼鐵皮，垃圾站執費用全免，執一片可以做幾百套，然後用鐵皮剪和用鉗仔屈好，當然外觀冇咁靚仔啦，亦有其他師兄用粗鐵線做，各師各法，至於彈弓翹起引致天梯和汽缸離槽的問題，我一般是在波箱殼近氣缸位置的天梯坑鑽兩個1mm的孔（自己波箱唔介意亦不影響結構），然後用幼鐵線勒實彈弓（尤其是大力的彈弓），合起波箱之後剪單邊拉走，加上兩件定位夾，真係單手都合到波箱（吹大小小）