pbay

引用:

原帖由 zeta 於 15-6-2017 22:17 發表
新起當然頂呱呱
不過學似新幹線運行個幾十年之後會係咩樣呢

非常同意.
大陸野用黎玩, 用黎one off即飛 的確OK, 可惜耐用野完全唔得.
加上大陸保養人員心態問題, 好似大陸樓咁, 永遠一出新束束, 兩三年就殘晒, 然後成批鏟平再起過, GDP go go go.

高鐵出過大件事(上限死35人), 大陸電梯升降機直情吞左N個人.

依家香港地鐵都成日買大陸車大陸零件, 未到期就突發性壞, 維修成本同停駛社會成本, 其實大過用來路件好多.
早幾日打風前觀塘線又壞 (全線大陸車)

pbay

引用:

原帖由 48191 於 16-6-2017 12:14 發表
大公司出Vendor，價低者得。耐用完全不在考慮之列，用大陸嘢，係大勢。

大陸生產唔係問題, 大陸品牌先係問題.
唔知點解, 設計, 品質管理, 誠信, 硬係差少少.
最出事係報細損耗率, 報大使用年期. 仲成日有貨不對辦, 俾假cert既事, 防不勝防.

尤其聲稱耐用件都成日不定期爆鑊, 未夠期換就忽然自己玩完, operation cost唔知點計, 成日咁搞員工都會有意見,
一旦造成公眾損傷, 阻礙, 法律賠償風險都好難掌握.

尤其對大型公共運輸公司, 政府部門, 又唔係俾唔起, 何必平買貴用? 好無謂.

好多公司買大陸牌子領過野之後, 計返usage cost其實仲貴左. 都未計意外損失.
下次出vendor直情black list大陸品牌.

pbay

引用:

原帖由 Lolanto 於 16-6-2017 14:03 發表

大陸保養點解咁差？
1)無足夠人材，d人去晒起野，無人做維修
2)反正有新，何需保養舊，所以大陸d野起完就拆，無晒歷史
3)維修費比人貪左

對, 所以大陸人講環保, 真係得啖笑.
好多設計都係一鑊過, 唔會諗下俾人維修再用, 預你玩完之後成舊丟左去.

歐美日設計, 一定設計埋備件, 諗晒開口位, 方便日後清潔維修換件,
但大陸好多copy係求其用膠用焊痴死D件, 封死埋個開口位, 入面細位全部忽略.
外觀睇落一樣, 但用一兩年後唔work, 拆開想整, 睇到入面個樣真係吹到你啤一聲.
有D產品衰到成粒電焊死落個電路板到, 粒電玩完就成件報銷.
咁浪費物料法, 真係好折墮

[ 本帖最後由 pbay 於 16-6-2017 16:26 編輯 ]

pbay

引用:

原帖由 rho837 於 17-6-2017 13:10 發表
做生意經驗係誠實! 我翻工間公司有同內地合作做食品生產生意! 之前開方牛年代用大陸機器! 但用了兩年就因engineering hours大昂貴而好快地轉用歐洲及日本機械設備及管理系統!

大陸系統(九成"COPY CAT"即係"平買 ...

ching經驗, 小弟感同身受
大陸品牌, 成品質素參差到不行, 執手尾成本極大.
呢D已經唔係果別大陸品牌問題, 個別貪官省市問題, 而係成個國家行歪左路, 諗歪左.

自己國家出品唔達標, 就走去降低個標準夾硬過, 夾硬出,
可惜物理定律唔會俾佢過, 國際標準唔會俾佢過.....

唔明一個咁唔重視工業標準, 施工規則, 材料科學既國家,
日後工業大國呢條路點走落去.....

呢D係文化, 政治, 定係DNA問題, 我都唔識講.
反正講左總係有一堆人死都唔認有問題, 唔肯深切反省, 咁就只能坐看另一次意外出現, 然後不斷loop.

pbay

引用:

原帖由 sovietarmy2012 於 18-6-2017 19:48 發表
最後，韓國人走的是日本走的財閥控制工業發展之路，同時韓國人自己買番自己做的垃圾貨，他的工業才成長起來。講到呢様，香港人最無資格講本土撑工業，我們旳優秀工業被自己放棄了，只餘買空賣空財富轉移的股市炒樓，哀哉！

所以香港人真係要多撐返香港品牌, 尤其本地研發設計既產品(可能外地生產).
香港設計其實常有佳作, 品質也過得去. 香港仍有不錯氣槍品牌, 大家都知.
近年都見有香港品牌少少復興跡象, 老牌如紅A, 駱駝牌第二代接手後開始向潮流化發展,
本土設計火柴盒車仔, 鐘錶, 小電子產品等亦有佳作. 能支持就多支持一下吧

比較少人提係香港廠牌design既電器,
雖無日本牌子既花巧, 無歐洲牌子咁硬朗堅固,
但勝在設計者有自知之明, 走四平八穩的中價路線, 用料,表現其實物有所值.
而且設計者理解香港居住環境細, 特別做到線條簡單, 慳位, 但仍然功能齊全.

我屋企都用緊香港品牌抽油煙機, 焗爐, 熱水爐, 光波爐,
用左幾年暫時無鑊氣, 清潔容易, 損壞率亦比大陸牌低.

想香港產業有返起色, 唔好乜鬼都淘寶啦.

pbay

引用:

原帖由 Lolanto 於 19-6-2017 15:25 發表

弊在香港人成日講一套做一套
大家買薯片時，買珍珍定買卡樂B吖？
即食麵大家食合味道或出前一丁多過公仔麵，
玩具槍大家又幾何買CA

薯片真係無計, 卡樂B真係好食D
食麵以前我食統一福麵多 (可惜被日本仔收購左....依家難食左 )
失望之下留意多左本土蝦子麵, 全蛋麵, 發覺都好多正野,
有D係將湯濃縮入麵條裡面, 一放水滾起就有湯有麵, 唔洗味粉, 好鬼勁.

玩具槍來講, APS D散都幾有創意既, 質素OK啦.
RW近年又出氣又出BB, 質素幾好, 仲嘗試出槍(雖然行高檔路線),
Ares 電子波箱, 設計優良, 外國都賣唔少貨.
呢D新嘗試都有落心機的.
最傷心係KA.... 走左去台灣反而好似沉寂左....

pbay

引用:

原帖由 48191 於 19-6-2017 19:23 發表
RW好似係英國公司

老闆係香港人
http://hk.apple.nextmedia.com/su ... t/20131112/18503392

pbay

引用:

原帖由 ++朗++ 於 20-6-2017 10:14 發表

講開香港出品ge電器
我必須抱怨一下德國寶
佢的確係打平價路線
但係無論價錢同質素都比唔想國產
試過攪拌機刀片滲油
試過風扇用幾個月就壞
而家見到個名都怕啦

想支持本土
都要有料先支持到嫁

德國寶風扇未用過唔評論了
不過大陸牌子風扇我老豆買過一部用左半年就壞, 後尾手羅返代理整完再用無耐竟然出煙跳制, 以後唔敢再買   
風扇全日及半夜都長開, 半夜出事分分鐘火燒屋 ,以後只敢買日本牌子.
屋企仲用過大陸微波爐, 用唔夠一年D輕觸制就失靈, 內膽開始生秀, 轉盤卡下卡下....醫返都晒藥費

一般攪拌機設計摩打同刀片不是直接連接, 摩打機油走入杯內機會好微.
可能係金屬轉動parts出廠時的保護油, 用前可能要清洗一下.

pbay

引用:

原帖由 Lolanto 於 20-6-2017 14:01 發表

風扇都係KDK好，我做野果到有13把KDK風扇，08年安裝 至今都仲轉得暢順，但其餘港產就一年換一次，國產都差唔多。
而最近屋企換風扇，換左個港產Lionmart，第二日已經壞左，要囉返部舊國產美的繼續吹。

KDK真係堅, 屋企一把掛牆扇用左十幾年, 無壞過.
佢D鐵葉風扇, 又涼又靜.
但好似話上一兩年賣左盤俾樂聲

pbay

引用:

原帖由 olw0978 於 20-6-2017 18:38 發表

No no， KDK 被收歸松下電器已幾十年了，昔日所有 National 的電風扇其實全是 KDK 造的。即使今天的 Panasonic 電風扇也不例外，只不過即使完全相同型號的產品，用 P 牌就要賣貴啲，K 牌就平幾拾蚊。。。

原來係咁, 多謝告知
唔怪得早前買座地鐵葉風扇, 想搵KDK, D鋪頭sale個個都話KDK即係Panasonic, 收購左.

pbay

引用:

原帖由 Hamlet 於 25-6-2017 13:53 發表

可能係載客時速400起囉⋯⋯以前CRH380系列都行過，不過係實驗時速咁話

載客時速400.... 極危險
時速樽頸位已經唔再係列車結構同極速, 而係鐵軌同鐵輪既鋼鐵質素....
D軸同輪仲可以進口, 鐵軌點進口 ?
關乎品質管理, 均質標準, 耐用度, 日常軌道管理, 維修.... 大陸弱項也, 好令人擔心呢

pbay

引用:

原帖由 48191 於 27-6-2017 07:53 發表
幸好沒有在文革中被毀，算是造化。

禮失求諸野.
保存古中國技術同文化方面, 日本做得好好多, 真係要感恩.

pbay

引用:

原帖由 ++朗++ 於 4-7-2017 11:19 發表

比車撞
一般都唔會停車
因為好多時睇到已經停唔切
同埋停車ge話
車長要寫report
停到車通常係因為老遠已經見到
或者撞到機件有問題、有人投訴等

以前好多人會行路
但係電氣化之後車快咗好多
行人 ...

配套問題, 亦反映人性問題,
高速鐵路車速太快, 一定要封閉式管理以免闖入,
沿路封圍網, 立警告牌, 所有平交道, 行人過路處都要起橋避開.

但大陸規劃係話知你, 一條高速鐵路插入去切開人地個鎮,
不過無錢俾人地起返行人橋, 行車橋, 叫人點生活 ?  
文明國家起呢D大建設要用好耐時間, 因為要沿線逐個鎮去傾賠償, 諗改道, 盡量減少當地人生活影響.
建設係為左俾人民幸福, 如果只有一部份人獲益, 其他大部份人受苦, 咁建設黎做乜 ?

所以點解大陸有錢人咁鍾意移民外國, 就係因為文明國家個政府當人民係人, 個社會先會真和諧, 住得人.

pbay

引用:

原帖由 rho837 於 4-7-2017 13:07 發表

大陸人要移民呢個TOPIC!

我都馬大個得個 " O " ! 講出來都冇人會信 .......

個幾月前有個大陸生意聯絡中介人 (Partner) 介绍個大陸老闆來講生意, 條友來到講唔夠兩句就開門見山説 ! 知我們老 ...

一個國家若果真正強大, 人民安樂幸福, 又點會咁多人諗計移民走....
講緊係連國家最高領導人都全家移民外國.... 清朝都未至於咁啦

pbay

引用:

原帖由 FBC1 於 5-7-2017 06:54 發表
中國幅源廣大要起高鐵或大型建設，若要每事以人為本，高鐵可能百年都起不完，只有快刀斬亂麻，以本港為例收地起高鐵，死得。世界任何國家發展過程中，總會有不公平亦無可能做到公平，只能以小我去完成大我。
中國好 ...

廉潔,制度和良好規劃, 才是一國之本吧.....
若果這些都可以慢慢來, 為何工程不可以慢慢來 ?

中國產能過盛, 大批水泥鋼鐵要消耗, 這些國企大得不能倒..... 於是急推高鐵項目去庫存.
為何產能過盛? 因為錯誤的盲目規劃....
為錯誤規劃得不到糾正? 因為無廉潔無制度....
源頭正是無廉潔無制度, 加快建設只是加速惡性循環.

豆腐渣工程或規劃錯誤, 可以影響一個國家百年前途.
好像三峽工程的盲目推行, 惡果現在陸續浮現了.
還有盲建核電的爛攤子, 又是一個百年難解的問題.