pbay

A股跌幅勁過道指幾倍,
似乎美國果邊預期影響不致太大, 同大陸有少少唔同.

pbay

引用:

原帖由 Dave 於 21-6-2018 11:14 發表


膠都廢事比...

兩個超級大國堅砌既話，兩邊都股市大跌+ 貨幣貶值 + 樓市崩潰 + 大量失業 + 工人上街 + 企業倒閉下刪一萬字，其他周邊國家就等發死人財。

有人真係以為間間企業袋住十幾萬憶係袋去打持久戰. ...

只要兩國宣佈進入戰爭狀態, 期內一切違約, 保險責任, 都唔洗賠
(講笑咁講 )

戲一場姐, 何需認真

pbay

引用:

原帖由 Dave 於 22-6-2018 09:47 發表


客觀黎講...一個咁大既國家...應該有佢地既經濟策略團隊既...唔洗同佢擔心...
人家成個團隊傾出黎既結果... 應該可靠過民間智慧。

只係有少少擔心舉國體制下,個個專家都只敢讚好, 睇住衝落山崖都無人敢出聲叫停.
好似乜鬼共享單車咁, 一窩蜂去衝無人敢阻止, 衝出個大頭佛.

pbay

引用:

原帖由 新手一隻 於 22-6-2018 12:44 發表

咪著，蝕錢都要爆共享單車係自由市場下，商家搶占有率的現象嚟。同中共政體、大陸政治氣氛無關。
用佢嚟比喻啲磚家似乎不甚恰當。

可能有少少觀念要搞清楚,
1. 共享單車本身就唔係完全自由市場, 因要大量霸佔公眾行人路同公眾泊位, 食環警方地政部門全面配合不執法 ,政府唔批一定成唔到事.
2. 響正常營運下, 共享單車邊際利潤不是十分高, 投資回本期長, 除非在政府資助, 只限少數營運商壟斷下, 長期營運才有可能成功,
若亂發牌引起割喉競爭, 結果一定會環保不成反而浪費大量資源. 這後果不難預計, 以大陸經濟學家學者專家之多, 當初夠膽提出預警的人卻近乎無, 這是十分奇怪的.
3. 有人計過全國單車墳場棄置量付在2017年就高達30萬噸, 足夠興建5艘航空母艦. 共享單車唔係單純商業項目, 係打住環保旗號既綠色經濟, 環保目標達唔成, 反造出大浪費, 本來可算大失敗. 但在央企要谷內需, 過剩鋼材要去庫存既背景下, 呢項政策出奇地符合國家需要, 反而是大成功. 這似乎解釋了為何大陸經濟學家專家不制止了, 這就是政治氣氛壓倒了學問和良心.
4. 按大陸共享單車情況看, 長期營運不是目標, 反而挪用按金, 甚至存心倒閉呃按金才是目標, 大陸70幾間共享單車倒閉剩10多間, 被捲走按金共計過百億. 被呃走既按金當中, 有無回佣落到發牌官員手中? 睇到政府亂批發牌既行徑, 不難引人聯想. 若屬實, 這就是政體問題了.
5. 現在共享單車在大陸經已完成任務, 官媒在大陸紛紛放出收隊訊號, 但另方面卻要在香港不斷催谷, 令官媒喉舌一時間變得精神分裂, 十分搞笑
------------
[共享單車] 熱潮急減退內地掀“爆煲潮”
2017-10-07  大公報
http://news.takungpao.com/paper/q/2017/1007/3500753.html

共享經濟香港應“拆牆鬆綁”走出去
2017-11-30  大公報
http://news.takungpao.com.hk/paper/q/2017/1130/3519885.html

[ 本帖最後由 pbay 於 22-6-2018 17:49 編輯 ]

pbay

引用:

原帖由 新手一隻 於 22-6-2018 21:39 發表

開餐廳開公司亦要牌，非判斷自由與否的標準。以之前共享單車群雄爭霸的情況嚟睇，實在唔見得大陸政府有限制任何資本進入共享單車市場。
師兄都識講大陸亂發牌，之前又唔規管，咁仲唔夠自由？

共享單車可 ...

餐廳開響私人地方當然屬自由市場, 如果個餐廳開響公園, 行人路呢啲公共空間, 就唔係自由市場咁簡單,
你試下響行人路伸請搞露天茶座, 又城規, 又地政, 又消防, 又食環, 幾廿樣牌, 唔批機會甚高.
平時市民佔用公共空間行為, 如擺小販, 整單車, 食環差佬一定大力打壓,
偏偏共享單車佔用行人路, 公用泊位放私人單車賺錢, 食環差佬消防地政全部無say no,
可見根本唔係自由市場, 係規劃經濟黎.

民主社會有時為左大眾或環境需要, 有時都會搞下規劃經濟,
成唔成功有議會有輿論, 有獨立學者審視檢討, 出大事之前會叫停 (e.g.共享單車響歐洲推行早過大陸幾年, 未見有如大陸般亂像)

而專制社會搞規劃經濟, 成功果陣有可能比民主社會更成功, 因為民間阻力少,
但出事時會好大鑊, 唔衰到貼地都唔收, 亦都因民間阻力少.

pbay

引用:

原帖由 新手一隻 於 3-7-2018 19:23 發表

以師兄標準，街邊擺攤政府唔理都叫計畫經濟，唔叫自由市場。
這計畫經濟標準夠新穎，不討論了。

閣下有所不知，政府開放公共空間容許市民營利，的確可以係一項有意為之既管治政策.

香港二戰後大量難民湧回香港，仲有不少戰爭死者遺屬等，政府一時難以供應大量工作崗位或社會福利,
於是明令各部門放任小販擺街, 作為恩恤政策.
此政策持續多年，隨小販管理制度化, 市政局現代化,及社會福利全面推行，才慢慢被取代.

印度都有類似小販政策作為扶貧，透過NGO及地區組織鼓勵失業者轉型做小販,
俾佢地正正當當自力更新, 好過偷呃拐騙.

歐洲台灣等唔少國家有露天市場政策，俾新移民窮人年輕人做買賣，同時又成旅遊項目,
新加坡日本等對市容特別著緊既國家，都劃出公共空間容許特色路邊食肆經營，以作為文化傳承及旅遊焦點。

響公共空間既商業活動，其實好多時係政府刻意放水先生存到。
如果政府向佢地收足地租管理費手續費，成本會急增，好多呢d小生意就無盈利可言。
要政府讓利讓地，執法者鬆手開晒綠燈下先至有盈利既生意，自然好難講係純自由市場.

[ 本帖最後由 pbay 於 4-7-2018 17:18 編輯 ]

pbay

話口未完, 又執一間    阿里爸爸上年先注資900 萬美元, 一年唔夠就燒晒 ?
-------------

Gobee.bike無錢賺宣布結業！用戶一個月內可申退訂金
2018-07-10

共享單車爭議多，首間開發本地市場的港產公司Gobee.Bike今(10日)突然宣布，將於下周三(17日)結束本港業務，起家短短15個月，不敵業務競爭，最終壽終正寢。Gobee.Bike指，業務未能錄得盈利，龐大的單車維修開支令營運困難，有此決定並不容易，對結束業務感歉意。

現有用戶可在一星期內繼續使用單車，限期以7月17日為止。此後，所有單車將由系統上鎖，單車將無法使用，用户按金可於一個月內申請全數退款。

Gobee.bike行政總裁 Raphael Cohen 今向用戶發出通郵及於Facebook專頁，宣布相關死訊，並公布退款安排。他指，無法繼續為香港市民服務，以及帶來不便，表達最深的歉意。他續稱，希望在過去Gobee.bike運作的一段短短的時間內，「曾為你的生活加添一點色彩，在此特地感謝每一位曾經支持、陪伴過我們的用戶！」，不少網民留言表示不捨，亦有人投訴無法登入系統作退款。

Gobee.Bike去年4月於本港成立，來自巴黎的創辦人兼行政總裁 Raphael Cohen曾指，當初曾與運房局、運輸署、投資推廣署、地政總署多個部門角力，始能成功推出其服務，其後多間共享單車公司加入戰團，Gobee.Bike租金每半小時5元，收費冠絕全行，截至今年4月，共錄得本港60萬下載量。

事實上，Gobee.Bike經營困難早有跡可尋，推出初期，已有單車被發現棄於城門河，其後更接連被揭發系統現保安漏洞，以及收費故障，單車損毀遺失更是不絕；去年底，Gobee.Bike曾進軍法國市場，其後經歷多宗盜竊和破壞行為，最終今年宣布終止在法國的單車服務。他受訪時曾表示失望，但直言不會輕易放棄「親生仔」。