derp

樓主: 留意可能有既安全問題, 雖然就咁燒槍無野, 但係有D 地方CHECK ID CHECK 得好求其. 我有次係同我老婆去, 咁我地兩個又只係過下手癮, 就兩個人玩一個PACKAGE. 個場主只係登記左我老婆資料(佢唔知我係佢邊個, 只係見到一男一女), 無登記我. 理論上如果我造成任何意外, 隨時我自己走左去佢無從得知我係邊個. 我之前搵曼谷燒槍資料時見到網傳有個男人就係走左去咁樣既靶場, 俾人打中頭受傷. 涉事者逃去無蹤. (https://forum.thaivisa.com/topic ... ge-is-it-a-rip-off/). 當然, 我無從確認係真實與否. 另外, 有D 靶場係同軍/警有關係, 甚或根本似乎係軍警自己開黎賺外快, 你俾左錢會帶你去軍/警用靶場, 到底你係咪"合法"使用佢地D 槍械有可能係好灰色既地帶 -- 似乎係佢地唔可以賣彈藥俾外國人, 所以一定要經靶場俾槍彈你用. 雖然現實來說, 你係遊客, 有錢賺應該就唔會令你有麻煩既. 另外就係由於佢係"借"用軍警靶場, 有時佢地做緊訓練, 可能你係得個等字. 最好都係去之前打個電話俾佢先. 最後就係似乎都幾多靶場唔會採用有間隔, 而只係隔離有個RO. 理論上個持槍者亦可以好容易槍咀指左去第二度, RO 係叫唔切的. 如果係澳洲, 個靶場係將支槍鎖係個間隔度, 你支槍唔可以拎到出去. 呢樣野亦都令我有少少擔心, 始終同你一齊去既其他人可能係對槍0 知識, 個度D 人係唔會BRIEF 你槍支基本安全意識.

[ 本帖最後由 derp 於 27-2-2019 16:04 編輯 ]

derp

引用:

原帖由 ++朗++ 於 28-2-2019 11:26 發表
多謝ching們提點
都有考慮過安全ge問題
所以都想搵啲質素好少少ge靶場
唔好講到走火誤傷咁嚴重先
簡單指導使用者使用槍械已經見到有問題
剛剛網上見到有段少年去泰國燒槍片
槍都捉唔實
唔甩較算好彩
但 ...

All in all 係開心既, 同埋我地可能俾香港教壞左, 所以覺得去到邊度D 野都好平 -- 其實只係香港貴. 點都好去泰國成個經驗係好開心既. 無錯個靶場場地D 人個安全意識真係有待改進, 但係佢地個服務態度一般都係好過香港相類似既野. 而且講真香港玩同樣既野, 一係你入執法機關啦, 如果唔係除非你本身識人同埋有返幾十個可以使下啦, 如果唔係都唔使諗. 我去左泰國成個幾星期, 未見過任何人會俾面色我睇, 西口西面個D. 可能都係俾香港教壞左啦.

又講開題外話, (膠MODE) 泰國D 靶場, 個安全意識叫好架啦. 有次同老婆去墾丁, 老婆見到街邊D 呀嬸開個射擊攤位射波波, 拎支拖喉 GBB M9, 老婆射射下, 個呀嬸無啦啦係佢前面烏低頭行過. 我呆左. (完) 泰國無呢D 野.

[ 本帖最後由 derp 於 1-3-2019 11:45 編輯 ]