derp

引用:

原帖由 Lontar 於 22-2-2018 22:42 發表
好鍾意SAS造型, 之前買咗個大陸Gas Mask(有風扇嗰個)廢到嘔
而家又睇中呢個: https://item.taobao.com/item.htm ... amp;_u=t2dmg8j26111
個Look似而家csgo SAS 嗰個 gas mask
https: ...

我用S10 經驗:
唔知你有無留意例如之前SAS SURVIVAL SECRETS D 片講CQB, 支MP5 係一定有電筒. 原因好簡單, 除非你夾硬UT 個頭落去, 如果唔係你唔可能AIM DOWN SIGHT, 用過同期產物長壽香, L85 + SUSAT, 個結果都係一樣. 因此個電筒係用黎話你聽你支槍指左去邊, 然後用訓練搭救. 個GAS MASK 令到你塊面厚左, 咁一定唔可以貼到支槍. 有D 人就會用高MOUNT, 不過因為你個鼻位又會高左 (特別係如果你有濾光片), 個感覺就好似你對眼係你塊面好入既地方, 基本上你要打則先望到個紅點鏡, 同佢原本單點瞄準加快速度係背道而馳. 當然你亦可以用MP5K 呢類, 可以將支槍推前既東東, 當然個玩法又唔係一般長槍以肩頂槍托方式瞄準, 穩定性又變成另一個問題.

另外就係打GAME 時既考慮. 如果你係習慣同人講野, 除非你個MASK 有咪 (PA SYSTEM 出過), 如果唔係你老練咁叫都無人理你. 因為無人會聽到你UP 乜. 而如果你玩對講機, 除非你用佢隻專用咪, 如果唔係D 大路東西, BOWMAN, MSA 個類全部用唔到, 要用喉咪.

AVON D FILTER 你要知道佢感覺係咪好難呼吸, 你試下戴個N95 行下 (AVON 個FILTER 厚過N95 BTW, N95 係防飛沬防塵, AVON FILTER 係防CS GAS 或者係NBC) 就會明白. 再想像下要戴佢黎跑. 你打完一場都應該已經係成面汗. 美國海軍陸戰隊有個訓練係戴個M50 + NBC SUIT 全副裝備, 都只係跑一里 -- 根據我一位同事所講, "人生中最辛苦既一里" -- 當然有D 兵會自己選擇練多D, 不過標準就係咁.

最後就係, 亦因為你塊面厚左, 所以其他D 掛頭周邊用品, 頭盔, 夜視鏡之類, 都會使用困難.

[ 本帖最後由 derp 於 23-2-2018 13:11 編輯 ]

derp

另外留意: 有關防毒面具既法例係源自進出口條例(第60章)及其規例 (戰略物資) (第60G). 為抵禦“ 經修改作戰爭用途 ” 的生物劑、 “ 經修改作戰爭用途 ” 的放射性物料、化學戰 (CW) 劑任何一種既防毒面具. (附表1 ML7(f)), 但不包括兩用物品清單1A004 註釋內既職業健康或安全設備, 其設計或功能，限於防禦住宅安全或民間工業,包括 (我無列晒所有出黎):藥劑、醫療、獸醫、環境、廢物處理.

當然, 如果俾人沒收左, 寫信既時候我諗你要搵到野去講自己係點樣用呢個GAS MASK 符合以上要求都幾頭痕.同埋留意既係你寫信俾海關你有機會自己作左招認而不自知. 因此除非你有法律意見, 如果唔係都係學另一位師兄咁講, 俾幾舊水豪左佢算.

另一點值得留意既係CAP60同CAP60G 管既係出入口, 而非管有. 因此如果你係香港買到, 其實呢條法例就已經無關.

[ 本帖最後由 derp 於 23-2-2018 13:54 編輯 ]

derp

打GAME 的話, 真品防毒面具會有少少心理作用. 你用過先會明白. 當對家見到你個GAS MASK 會有少少心理壓力. 不過要強調既係呢個壓力真係少少咁大把. 人地睇唔到你個樣, 只係見到個無樣既面具, 第一次見會有D 驚驚地. 然後就會開始唔明你做乜要戴個面具咁焗. 真實OPERATION NIMROD 就話人地係只有一次機會見到, 但係你打GAME 係一日見你幾廿次. 見慣見熟, 又唔係NIMROD 個D 無燈又火燭既情況, 呢個"心理因素"就會開始無用.

除左之前講個D 壞處 -- 呼吸相對困難, 視野減低, 出唔到聲, 同埋唔可以直接瞄準之外, 另外就係實際配套上. 如果你想玩BLACK KIT, 套COVERALL 有兩種唔同做法. 一種係件COVERALL 有頂帽, 另一種係個頭套另外配. 點都好, 你玩COVERALL D 料比較厚, 玩起黎好容易不自覺變成鐵甲人, 就會有好多誤會 (邊個邊個不死呢D) 出現. 而如果你係想求其D, 唔用BLACK KIT 而用普通頭套係用唔到既. 因為S10 -- 其實任何防毒面具 -- 都係要密密實實咁封住你塊面, 如果你用D 普通頭套 -- 亦即係你擺上黎張COD 既相個LOOK -- 有空氣唔經FILTER 入到去你塊面, 你個鏡就會起霧.

最後既結論就係, 除非你係非常非常喜歡玩80 / 90 年代SAS CRW LOOK (呢個LOOK 平平地買仿品價錢都夠你玩真品, 個防毒面具你求其要個S10而唔用SF10 個D, 應該已經係最平個件野), 又或者你真係好想訓練自己心肺功能, 如果唔係個GAS MASK 既實戰價值係差不多等如0.

[ 本帖最後由 derp 於 27-2-2018 00:47 編輯 ]

derp

呢D 唔係叫勁, 係叫敗家.

唯一一次實際用過個GAS MASK 係有次屋企開左滅蝨煙霧彈要幾個鐘先可以返去. 但係個日打GAME早左, 所以入去個陣保險戴住個MASK. 最後無事

同埋個FILTER 有時限的說.

derp

每個人唔同啦。我明你個做法即係唔開托，然後將支槍推到最前，靠槍帶頂住黎控制支槍既做法嘛。係可以。我覺得個難處在始終因為你唔係頂住個托，會影響到你支槍、眼、同目標係咪同一條線。而且一定要用返hk 自己條帶，用例如ms3 呢D彈性帶會好煩。常見問題係支槍推左出去，但係唔係完全推直、或者係推直左，但係對眼同佢唔係平衡。最後就係雖然mp5 得（亦都真心唔係好明，s10 個位完全fit mp5, 反而slr 同l85 都唔舒服），但係呢個技巧用其他長D既槍，m4 個類，個托都依然會頂到塊面，而用短D既，例如mac11, 又sight alignment 要少少時間。所以我就寧可用電筒打, 更接近如果無mask 個陣個射擊方法，唔使又再做多個項目。同埋用肩抵都可以靠一靠前準星話到你聽大約指咗去邊既

[ 本帖最後由 derp 於 1-3-2018 18:53 編輯 ]