derp

引用:

原帖由 48191 於 10-6-2021 07:39 發表
Marui啲手拉雞，乜款都有。
當年小學時買枝Centimeter Master已經叫有米。

以前MARUI D 小冊子，列晒佢有D 乜槍，個印刷幾靚。手拉個度佢好似有分高級版同普通版。CENTIMETER MASTER 我有玩過，係成支灰色膠，又好似無HOP UP，但係佢打得穿白紙，個夾又有少少重量。小朋友黎講已經覺得佢巧棒棒，但係個陣都已經覺得係92F 造功靚D。最神奇係佢用真鐵滑架鎖黎做安全掣，樣無乜失真之餘又可以扮到開住滑架自HIGH，係小數可以咁玩既槍之一。其他例如白朗寧就算拉滑架，個滑架無做真鐵拋殻口，所以有少少奇怪。呢D槍無記錯個陣旺角千里達都有賣，一支咁既手拉都要150，160. 後來大約 97 年到，屋企見到民建聯搞個D 唔知乜大陸考察團幾舊水玩7 日，當時去到都有D 手拉槍可以賣。重記得好似30 蚊RMB已經有支MP5 手拉。火力係可以打穿紙皮箱，但係真係一個膠殻倒個模出黎，唔好期望乜HOP UP。佢係連個托，真。一體槍身。同埋拆開見到就係一條一味得個硬字既彈弓。再後來儲錢買支MARUI 手拉M16A1，拎上手就見到手工差幾遠。佢本小冊子賣個手拉M16 都要整個人成身美佬80 年代裝扮，對小朋友黎講係一大（對槍既）幻想之源哦。


另外，正如樓上同埋有其他師兄所講，如果係要開心，其實同其他野一樣，求物質、求高科技、以及氣槍上既求高火力，似乎都不如小朋友個陣拎橡筋槍、手拉槍、甚至橡筋，公平火力，又唔太講所謂幾多真實戰術可以用落去咁開心。

[ 本帖最後由 derp 於 10-6-2021 19:59 編輯 ]