RCOOH

我想話Olight上半年已經出左1200流明既PL2，而且更細支囉......

就我識既實戰派美國鎗友，都對SF光度設計嚴重中國化，一味同人鬥光、三分鐘早洩"插"不絕口。室內戰鎗燈200流明以下已經夠用，光到飛起，再暗d既環境莫講話200，20都夠睇到人係邊，太光，閃到自己瞎乍。

RCOOH

TIR透鏡特色正是如此，中心光斑寬而聚，泛光弱，用最低流明數做出足夠睇得清野既照明度，亦避免泛光過大賣隊友。

不過streamlight發明左個好簡單有效既解決方式，就係搵粒唔透光既膠塞放鏡片正中截光，光杯外緣負責聚焦，中間負責泛光，擋住中間就將泛光大幅度減弱。

後來中國Olight同斑馬各自發明自己既lin頭鏡同雪花鏡，同樣可以做到增聚減泛。

一般人眼中既"好光"係指"光強"勁、candela，就如水既水壓，而流明、lumen係指光量，就如有幾多水。只要光強夠，100流明睇落光過1000流明唔出奇。

RCOOH

本來好想買支XH15，見佢稍稍過千唔算太貴，玩過咁多鎗燈都係SF最好用，但睇完AR15.com review話佢得就咁開閂，冇點放，即時軟哂。

跟手又買左支Inforce APL3，400流明一反光真係殘到眼都盲...

[ 本帖最後由 RCOOH 於 7-10-2017 12:01 編輯 ]

RCOOH

引用:

原帖由 sammc 於 26-10-2017 15:16 發表
如果用TIR透鏡照500米之外， 會唔會唔夠1000流明咁清晰？

透鏡係光學結構，1000流明係亮度，兩者冇關係架......

500米要清晰，你需要既係公里級廁所泵大炮筒或者今年面世既雷射電筒......電筒包裝標既射程係數學計算出黎既"單程"距離，流流地，或者用敏感既儀器計"單程"，而人眼睇到既野係來回"雙程"既光，加上人眼唔及儀器敏感，人眼睇到既電筒射程起碼切半啦.....