支鎗健健康康，百佳惠康咪冇事，一有問題，倒如舊電唔生性、電線震鬆他埋左、插頭老化爛絕緣、卡齒仲繼續扣或者摩打短路，冇fuse守尾門就出梗事，唔敢講一定會爆電，但燒件走唔甩。
照道理個允許電流量係：次級電路(支鎗)條fuse < 次級電路本身 < 電源條fuse(或者係保護線路) < 電源本身，原裝鎗試好哂先賣，性能多數保守，基本上都唔會搞錯基本野，但改鎗換件，唔係個個都識電，零件亦唔一定有確實既指標，好似咦何b網站零件個spec裡面乜L都冇，幾有經驗都驚乃野。
有fuse的話乃野仲有得救，落條20A fuse，話知你用舊咩電咩電閘咩電線搞錯乜野買錯乜野，過20A就boom，boom完就換，就係咁簡單。
如果唔落fuse，除非你好清楚每個零件既耐電能力同食電胃口，計好佢boom既次序唔會傷到舊電，唔會火燒連環船，否則一出事輕則炸崩鎗，重則炸崩頭，無謂。
當然，fuse唔係萬能，落錯就仲衰。fuse容許電流只該比正常運作電流高一d，例如件野正常食3A，最多用條5A，求乜其用左13A佢真係著火都未斷到電.....電鎗都一樣，預太鬆就著火都唔識斷，預太緊就少少機件問題都跳.....
[ 本帖最後由 RCOOH 於 10-11-2017 00:57 編輯 ]
