RCOOH

美國就算肯賣M1比你又點？M1仍然用人手裝彈，120亳米M829穿甲彈重19公斤，A3型直標23公斤，要用人手將重如6歲細路女既炮彈塞入炮膛，以亞洲人體能係裝填手手軟之前打到幾多飛？或者射速會慢到咩地步？

美軍標準裝填手7秒完成單發取彈、裝填、閉膛嗌ready為合格，3到5秒為優秀，少於3秒為痴線佬，叫個地盤佬試下一次3包8k金象搬上架，每次上架後㩒鐘確定，全套動作每次限7秒？等佢做到5秒內後，再全程不斷干擾佢，推佢、小佢、大喇叭嘈佢再試？

105彈大概15kg左右，對亞洲人尚算冇問題，但120已經危險。

相反，自動裝彈機可以全程以5至6秒裝一飛既速度工作，就算坦克飛緊車都唔影響裝彈速度。