RCOOH

鎢絲燈係高溫系統，但LED過80度已經開始光衰，一般大牌子都揀55度左右降輸出。LED需要係散熱好，但drop in燈頭好死唔死靠負極同個子宮頸 「叫做掂到下」筒身傳到熱，長開成個燈頭連粒電都慶過辣雞，冇得唔死。

我自己係係個燈頭既子宮頸位包幾層鋁膠紙，光杯斜面都包一包加強將熱力帶走，包到子宮頸要用d力先塞得入筒身，實際測試支筒散熱好左好多，筒身會熱，而咁就係最好既結果，令全支筒溫度平均而唔係熱力谷死係個杯度散唔出，夾硬蒸熟電路板。

CIMG1108_zps400b2487.jpg (38.54 KB)

12-4-2019 20:29

[ 本帖最後由 RCOOH 於 12-4-2019 20:29 編輯 ]

RCOOH

仲XML2-T6？out哂啦。

XPG2-S3/S4係500-600流明左右既中功率範圍表現已經超過哂d古董。

至於光斑，以XP系XM系而言鏡面同橘皮杯都唔應該有明顯缺陷，SF係2018年都有能力做出XML黑心呢d簡直係畸跡，你話係最新既XHP就話姐，除左XHP35外十個牌子八個黑心。XP、XM用咩杯純粹係取決於你既用途，照近用橘遠射用鏡。

不斷燒膽，我都需要重申係drop in燈頭既先天缺陷，散熱嚴重有問題，熱力焗住係一組二三十克既燈頭度，開一陣筒身唔熱但燈頭拆出黎可以辣到手指起水泡，做番好d傳熱，燈頭開完都係微熱，有成支筒連電池百幾兩百克既金屬分擔熱力，又有差唔多成隻手咁大既面積散熱，想壞都難。

[ 本帖最後由 RCOOH 於 13-4-2019 09:58 編輯 ]

RCOOH

引用:

原帖由 sammc 於 13-4-2019 19:35 發表
RCOOH師兄，想問一問？
有咩燈膽好介紹， 我需唔需要留意埋個底板？

老老實實，drop in設計唔行得太高流明，就算用我辦法改，始終子宮頸同筒身之間條gap唔落得散熱膏，唔係撞幾下或者扭鬆燈頭即刻一筒都係，而唔落膏單靠鋁膠紙攝，傳熱好左但始終係唔均勻，過千流明果d安全起見唔好搞了。

如果係141兄想要果d 500流明上下，基本上XPG2、XML、XML2、XPL都做到，乜野T6、V5、S3果D係封裝型號，可以視為同一型號結構上既改進，光效好D或者恆D或者射遠D，買數字大D既梗冇死。

XML2同XPG2家族個人覺得係經典，最平均既高低配，比較實際，日常生活用得著，XPL既賣點係高光遠射，高光性能又偏偏虧虧地，用係根本就射唔遠既26.5筒仔又係除褲放屁。

至於底板，算吧啦，就算大牌子都係來來去去果批萬能key，紫銅鈹銅？中國d狂熱份子開既廠仔會有，大牌子請save d。不過流明工廠果d個設計合理d，光色光杯LED種檔位電壓都可以揀，料方面都比較有信心唔會過雞，起碼唔係流野工廠......

[ 本帖最後由 RCOOH 於 13-4-2019 21:04 編輯 ]