係珍品既呢，不過真係好鬼貴，而且話就話以色列製造，造工慘過淘你個寶既平貨，d配件直頭唔fit。
唔使戴大耳牛，兩粒野搞掂，唔使比個鎗托係咁刮落耳機度，嘈到爆。用一粒3A比電，但用完一定要熄機，如果唔係好快放乾。
降25dB，85dB以上就起動。不過開左之後四周圍既聲誇張到似食雞，風聲、腳步聲或者冷氣壓縮機既聲會超響，人地細聲咬耳仔都聽到，係街開機感覺就同打緊8號波冇分別。
打GBB的話，機械聲變得好靚，原裝VFC個聲好似用左鋼煲咁過癮，但開起鎗黎個音量同聲同打藍球類似。
比起Earmor既玩具好好多，玩具耳機直頭搞到個人有d空間感錯亂，好似lag機咁聲畫不同步。
據報美軍開始用，香港既速龍都比人影到有用，不過佢地係LEM版，唔係3.5插頭係無線電插頭，而且由無線電比電，再加機身既3A做後備。民版就得3.5頭，惟一靠3A比電，冇電之後就係一對海綿耳塞。
可以聽歌聽電話，音質仲幾好。
