RCOOH

mRNA疫苗屬於標靶藥一種，針對原始毒株保護率係特別高。

如果用係天花之類高穩定性既病毒，個"靶點"唔會變，咁就非常有用，但而家新冠突變到九九八十一彩，疫苗靶點冇左的話，打完既保護率會暴跌。

BTW，打左點都好過冇打，至少mRNA疫苗係高防原始毒豬，就算佢對N501Y變體有效率得番1/6都好，香港流行既主流都仲係圓柿焗豬。

利申，科興*2，到聽晚就14日，當然有排捱，未死得。

[ 本帖最後由 RCOOH 於 8-5-2021 21:46 編輯 ]

RCOOH

同埋都係果句，唔好咁容易受人影響，理智看待每一件事，唔係話聽完地鐵阿閃吹兩聲啤啤就縮，或者政府要"谷針"就衝去打。

防疫永遠比起打針重要。正如打game最好既就係唔比人發現，支鎗tune幾好射幾快幾遠幾準都係次要。按照自己工作或者生活既情況判斷係咪容易中蕉，如果係，打針有多重保障，否則可以用加強防疫代替。

如果你選擇去馬，暫時接種兩款疫苗後，總共需要呈報不良反應個案係佔0.16%，0.16%，而且第一針隊落你隻手之前可以confirm 3次疫苗數據，網上、實體同口頭，有任何疑慮可以即刻反侮，唔犯法。最重要係誠實對待自己既健康狀況同疾病史，唔好為有得打針而乜都唔理，如果連自己既基本責任，比足3次審視機會都坤己坤人，打完唔好OK就姓賴，並唔係一個負責任既表現。

[ 本帖最後由 RCOOH 於 9-5-2021 18:17 編輯 ]

RCOOH

引用:

原帖由 Dave 於 12-5-2021 17:55 發表
在下的建議是，要不隨便督一隻世衛批了的，
如果真是要看資料，盡量看詳細一點，不要看太多懶人包，傳說包。

很簡單「有效率」，不同廠已經不同收集數據方法，也不同的計算法，基本上A 的90% 不等同B 的90% ，
...

目前香港疫苗只有二選一，其實都冇乜好講。

我係睇左大量科普節目同技術文章後先決定打邊隻，但好老實講，百度會比GOOGLE對人更有幫助，冇過份地踩或者捧某個技術或品牌，相對中立。

臨床報告其實所有品牌都非常欠缺，全部都係有條件緊急使用，基本上就係行得累，有個電線轆可以坐都要坐住先。

一款藥、一支疫苗如果跟足程序，係要做大量既臨床測試，招募大量不同年齡層同健康狀況既受試者，正常試、單盲、雙盲等等，跟住幾年既藥後跟進，睇下有冇後遺症、復發率、存活率。而家何來有幾年比你試？一年幾個月連病毒都突變埋，隨時砍掉重練，課金落海，何來有準確數據？

[ 本帖最後由 RCOOH 於 12-5-2021 21:46 編輯 ]