RCOOH

任何物件落係唔安全既人手上都會出問題，話知你係Glock定Clock (鐘)。

手指安份、帶住個腦用鎗何來走火？以前做外賣果陣識得個印巴護衛員，佢見住有同事清鎗時走火，原因？就係退哂彈管裡面既子彈後，求其拉一下，望都唔望仲有冇子彈飛出黎就當空膛，一落鎚就走火。

自動手鎗都係，退匣後求其拉一下就當空膛......

大佬丫，士奶要大力拉到底，子彈撞到頂殼片先會飛出黎，拉到4/5佢都係唔會飛出黎。更加唔好講抽殼勾會磨蝕，"善良的子彈"底邊抽得多都會蝕。拉完士奶冇野飛出黎就好醒水，目視檢查鎗膛仲有冇子彈，之後大大力拉多兩下，仲唔出就可以搵鎗房啦......

RCOOH

當然，鎗套確實會導致真 - 走火既問題，黑鷹CQC鎗套係外國被評為最危險鎗套，解鎖位岩岩就係扳機位，出鎗時一緊張，手指順勢出力扣入去就AD。

簡單既硬殼鎗套其實效果最好，皮套如果手勢唔好夾硬隊，肯定會變形兼可能勾中扳機，鹿頭牌硬殼套既先下壓再抽鎗防搶結構已經足夠，一般人想搶警鎗都唔會諗到咁多，除非行家。

CTRU遠睇好似都係用鹿頭牌......



BTW，真角落如果cock左鎗扳機都會翹起，同GBB一樣，扳機突同唔突都睇唔到分唔到的話，應該去驗腦......

[ 本帖最後由 RCOOH 於 23-2-2017 23:59 編輯 ]

RCOOH

引用:

原帖由 zeta 於 24-2-2017 00:06 發表

講得出呢句就知你未用過CQC, 人云亦云
CQC解鎖位一直都係FRAME, 手指唔會入trigger ring
真係咁危險, USMC會用?

冇掂過鎗N年啦，一時記錯左或者表達引起誤會，唔好意思。

不過意外發生率高到連美國部份靶場同鎗會都禁用亦係事實，非常食手勢，如果用手指面壓，抓力夠係唔會有問題，如果用手指尖篤就容易跣手扣到雞。

手鎗對於一般警員係使用頻率最高既主武器，對於目前軍隊只係自衛武器甚至軍官佩鎗，而且軍警訓練密度同要求差太遠，美軍係營內走火可以被重罰甚至燉冬菇，香港警察鎗房走火、唔見左子彈只要唔係太離譜都冇必要停職，更何況一般警員絕大部份時間都唔需要用鎗，行咇多過乜，少練唔多唔少就會生疏。

密集訓練可以彌補問題，一次錯做一百次，一百次都仲錯就做一千次，但訓練不足或者緊張起黎就唔記得訓練內容 (呢度講既係真係開大片果種緊張，唔係打game果d) 既人永遠佔大多數，大眾化既野一定要簡單直接，越少地方會出事就越好。

USMC覺得一件野好用冇出意外，唔等於件野冇暗病，亦唔等於適合任何人使用。

[ 本帖最後由 RCOOH 於 24-2-2017 01:53 編輯 ]

RCOOH

食字

[ 本帖最後由 RCOOH 於 24-2-2017 01:51 編輯 ]

RCOOH

角落其實有個可大可小既問題，如果唔捉實支鎗開火，會卡彈卡到傻。

(後續)
(慘過謄文......)

[ 本帖最後由 RCOOH 於 24-2-2017 02:09 編輯 ]

RCOOH

Glock下身太輕，如果唔用力捉實，開鎗時士奶固然會向後衝，下身同時會以比正常高既速度一齊向後衝，士奶係咁既情況下變成未行到盡，未行到盡則彈殼撞唔到頂殼片 (ejector)，或者撞擊力不足以將空彈殼以足夠既速度打出去，士奶返轉頭時就夾中飛緊出去既空彈殼，甚至成個空彈殼推番番去卡鎗。

金屬下身，例如1911或者226基本上點舞都唔會有事，就係因為下身夠重......

可以youtube下limp wrist glock

[ 本帖最後由 RCOOH 於 24-2-2017 02:10 編輯 ]

RCOOH

並非僅僅因為膠下身既。

角落好輕，下身得套士奶導軌同扳機組，加多隻匣，而士奶都係金屬框膠殼，士奶輕，條覆進彈弓就要用重磅d以免傷鎗，記得角落17、19標配係17磅，全金身9mm標配14到15磅 (226係15磅)。同時，唔同彈藥，即使係9仔都有火藥量同膛壓既分別，角落如果用低壓彈，推士奶都唔夠力唔夠快，加上鬆手由得下身一齊退，就好大機會出事。