RCOOH

睇情況。

歐洲本土用鎗可以為左極緻精準度鎗管唔鍍鉻，而台灣高濕天氣唔鍍鉻即鏽。

撞針鋼材未必係次貨，機械野都有水土不服問題，之前香港消防買批瑞典消防車，唔適應香港濕熱天氣變殊殊車，設計初衷冇預到會外銷到天氣咁毒辣既地區就會出事。

當鎗械設計冇預算會走遍巨大氣候跨度，神鎗變"神左"鎗唔奇，就算美國EOT全息瞄具都有部份批次係擺車尾廂焗兩焗就走位......

呢批撞(板)針，惟有叫原廠換過種鋼材車過批黎換囉。

[ 本帖最後由 RCOOH 於 20-10-2017 15:43 編輯 ]

RCOOH

引用:

原帖由 walther 於 20-10-2017 15:46 發表

小弟冇呢方面既知識, 但真鐵, 尤其是係軍用, 應該可以適應任何環境架喎, 冇理由要擺係防潮箱入面好好保護佢架.
但名牌又真係唔一定保證好, 好似 Ｓ＆Ｂ　有枝鏡係專俾　field target 氣槍用, 極度唔掂, 冇咩人用, ...

PPQ全寫係警用快速防禦手鎗。

警鎗對於精準度同安全性要求高於惡劣環境操作能力，比起軍規嬌貴些少都可能。警鎗打miss或者鬧市走火，政府有排比傳媒、乃野者及其家屬同政棍煩，警察又煩寫report。警察既部署環境有限，焗限於本國甚至洲份部署，當地乜氣候就乜氣候，CTRU唔會R到上新疆凍冰冰，SDU唔會去中東熱辣辣突襲探你班。

係預算有限下警鎗要先滿足警務需要，唔需要用多筆去買支超過警用環境需要既超級鎗。

不過台灣啦wor，連國軍都亂咁教，拆鎗抹鎗亂咁黎，而且人死為大，傳媒作大，撞針生鏽既係一支兩支定成批？撞板針PPQ曾經封存係咩環境？是否完全係新鎗？係咪打過有腐蝕性底火既子彈？要chk。

[ 本帖最後由 RCOOH 於 20-10-2017 18:07 編輯 ]

RCOOH

引用:

原帖由 Ben_9413 於 21-10-2017 12:15 發表
做警槍, 尤其係除o左美佬o尼D槍枝泛濫國或特種部隊, 我覺得DAO

警鎗DAO，女警會DLLM。

DAO扣壓力太重，行咇多過練鎗既警察隨時讓子彈亂咁飛，女警更加未必駕馭到咁重既雞。之前香港換P250都有女警話指力不足好惡開。

DAO比起SA好既地方係遇到啞彈可以立即再扣一下，再打一針希望打得響，都唔得先Tap Rack Bang；擊鎚式SA的話就要人手拉一次鎚，但子彈若果突然發射你手指即刻殘廢，或者直接TRB；擊針式既話只有TRB。

視乎國情，警鎗都有唔同要求。如果要求上膛攜帶，一定要有手動保險，手指唔安份或者急起上黎，6磅定15磅雞根本冇分別，一樣澎一聲走火。如果係空鎗攜帶、用時上膛咁就用Glock都得。

如果係美國之類隨時會遭遇突襲，必須要上膛攜帶，即時還拖的話就另計啦，越少野阻住開鎗越好。