先唔好理一件事係陋習還是文化，一處鄉村一處例，你要係中國搵食就要服從中式guanxi，岩玩就玩，唔岩就扯。CQB場講明咪打天花板，就話知你用長鎗手鎗定下面支鎗，理得你係John Wick定裝飯，都唔可以打，game場規則係咁就咁，唔妥就過主。
你唔比人過癮，人就要你冇癮，除非你比佢更重要、殺傷力更大。惡意揶喻醜化行為，外國唔會比中國少，半推半就咁係螢幕上比馬雲砌低叫污點，咁唔通美國人未得侵侵同意而醜化佢，叫做令侵侵人生更精彩？
英雄莫問出處，佢係馬雲定馬老二都同你我無關，佢副身家點黎都與你我無關，除非你有心做死佢，只知道佢一日仲係富豪，一日就係莊，只要件事唔犯法，何來有問題？莊閒不分，點撈？
講到黑錢乜乜乜，天下烏鴉一樣黑架乍，如果唔係，有咁多電騙可以得手？有咁多餵雞解密天堂文件可以爆？但講到底，人地一樣納稅，一個月納既稅多到普通人一世都搵唔到，咁都叫衰時有乜叫好呢？
[ 本帖最後由 RCOOH 於 15-11-2017 16:23 編輯 ]
