RCOOH

洲際彈道導彈最大問題係CEP(圓概率誤差)，就算係民兵三型，CEP都有兩百米，意即有50%機會跌入以目標為中心點，半徑200米圈內，所以ICBM以MIRV進行落雨式轟炸，並使用核彈頭彌補低命中率。

早期ICBM CEP可以斷10公里計，等於瞄九龍中新界甚至上左深圳歡樂遊，再離罩既都有，冷戰期間有導彈神miss飛左去第二個國家(睇過呢段歷史事件，但搵唔番出處)。

火箭人既導彈好多問題，真係全負載飛行唔自爆都怕miss到離天萬丈遠，落海就算數，最多一排唔食魚姐，真係一個唔該揼中任何一個國家就.....

RCOOH

同意，北韓最恐怖既唔係核彈而係肉彈。

除非一早已經準備好夠power既傀儡政府補位，否則金家突然倒台北韓必定變成各派系權鬥甚至內戰，然後幾百萬難民衝過38線、衝過鴨綠江，南韓經濟會重創，中國都有排煩。

隨便斬首既結果，伊拉克、敘利亞、利比亞有辦你睇，由中東小康之國變成廢墟，連帶幾百萬難民令全世界雞犬不寧。