RCOOH

引用:

原帖由 pbay 於 18-4-2018 16:14 發表
不過唔少本地電訊商都使用中興設備,
e.g. PXXW...
唔知保養維修服務會唔會受影響呢   (無parts, 無後備機換)

HKT員工一名路過~

光纖大機係華為，電話大機都係，係得番d死唔斷氣VDSL係中興華為兩款共存，但陸續都轉成華為。

據我地經驗，中興modem直到今日都係垃L圾，華為就極少鑊氣，但大機既話中興就比華為好d穩定d。

不過，挑，冷戰期間美國既F14、SR71需要既大量鈦材都係經第三者由蘇聯入貨，有生意你慌人唔做咩？美國有咁統一口徑，NRA一早摺左，斷人衣食如殺人父母呀。

[ 本帖最後由 RCOOH 於 19-4-2018 13:13 編輯 ]

RCOOH

引用:

原帖由 rho837 於 20-4-2018 01:15 發表
其實美國抄起中興同華偉！ 一大班美國同以色列公司齊齊冇SO! 點解都要殺?

昨有毛主席不要褲子要核子，今有侵侵不要銀紙要面子。

係全球化經濟之下，貿易戰基本上就係九天十地菩薩搖頭怕怕霹靂金剛雷電掌，一掌打出，隔離都化為飛灰。美國打高級產品，供求雙方成條巨型產業鏈、無分國家都重傷，中國打基礎產品就殺敵一千自傷八百，路人甲乙丙丁輕傷。

中國一刀直接插落你老美基礎產業，中國可以國家規劃增產填窿，國家氣氛都令辦事更方便，美國在商言商唔到你干涉咁多，遇到選舉你唔討好票倉就玩L完，一拉鋸落去睇下邊個投降。

你搶路人個銀包打人手腳，人地直接隻揪踢你細佬，睇下邊個傷同手尾長？

[ 本帖最後由 RCOOH 於 20-4-2018 18:49 編輯 ]

RCOOH

睇過？

我撐中國。麒麟960打機仲有窒，970已經同835用起黎冇分別，年尾980既預告版已經跑出360000兔仔分，真係咪當人地國家級動員能力係流，辣著今時今日中國把火睇你美國可以笑幾耐？

同埋一到美國選舉季，睇下農業票倉同埋電子產業鏈中既美國受害者赦唔赦你？人地一發難你一樣跪係度！

[ 本帖最後由 RCOOH 於 20-4-2018 23:55 編輯 ]

RCOOH

中國就係唔比d大刺激佢就一直倚賴人。

懲越作戰左學右學既新指揮系統實戰證實混亂到飛起，於是用番文革之前既系統；

99台海飛彈危機，中國導彈比美國一熄GPS就變雞蛋，於是有北斗系統出世；

汶川地震，血肉長城係斷路斷通信既災區一棟都冇，國家拜託某團隊整無人偵察機，於是有左今日賣埠既DJI。

今日你封得中國晶片，小心他日中國晶片倒轉頭搶你灘。再講，侵侵或者管到美國自己，管到成個歐洲？管到韓國？最忠心既日本都要顧自己飯碗，咁得閒陪你顛？

侵侵小心自己後欄起火好過，得罪選民衰過得罪方丈，而家你仲間接燒埋盟友後欄，好話唔好聽，中興真係摺埋的話，用緊PCCW既人冇NOW TV睇冇網上就直接打去白宮，唔好打1000叫維修啦，thank you！

[ 本帖最後由 RCOOH 於 21-4-2018 00:31 編輯 ]