RCOOH

美國部份洲話就話禁自動武器，但係半變全既零件禁極都有，AR15鎗系可以換Bump fire stock，利用後座力同人手既拉力，令開鎗時支鎗以極快速度前後un，唔係食指扣雞而係雞撞食指，做出相當似全自動既射速。

另外全自動扳機組同下身都有辦法買到，下身甚至可以3D打印，用完一次即掉。

Glock17只要買個脫鎖裝置扣係slide尾，秒變Glock18......

7~8秒近100鎗引致幾百人死傷並唔出奇，由高向下射子彈減速相對慢，而且下面過萬人咁密，加上人人都係便裝，子彈射穿一個時隨時再穿多一個兩個，穿人後彈地都可以打穿腳板。5.56彈近程射入人體會翻滾粉碎造成強力單體殺傷，但距離拉遠就變直穿。

實彈需要一段距離自旋進入穩定，AK47 7.62 * 39彈係百米內既穿透力不及200米 (後果個數唔知有冇記錯)，現場距離絕對足夠步鎗彈到達最大穿透力。

再講，正如上面C Hing話，開鎗未必係殺人最多，人踩人先係。兩萬人你推我我推你，加上中彈既人瞓低卡跌人之餘又比人踩，年年麥加朝聖冇人開鎗啦掛，一部分人唔守秩序時咪一樣踩死N個？

[ 本帖最後由 RCOOH 於 3-10-2017 19:32 編輯 ]

RCOOH

引用:

原帖由 Epxaiual 於 3-10-2017 21:30 發表


光之巨人

然後使出十字死光掃向群眾......

RCOOH

引用:

原帖由 magichour 於 4-10-2017 00:33 發表


以前八九十年代, 省港奇兵為左食大茶飯, 香港不時發生持械行劫, 省港奇兵用的都是黑星甚至AK47.

當時警察只有點38, EU也只有雷明登, 火力及射程遠遠不及黑星/AK47. (有次械劫, 賊王拿著AK47站係馬路中心把風. ...

目前CTRU等單位開始大量裝備SIG516，總算係火力升級，而且比起MP5同M870，5.56步鎗彈係城市近戰有不容忽視既好處。

5.56步鎗彈近距離既二度穿透力係差於9mm，9mm又差於霰彈。

5.56屬於艇形彈、質輕而且重心偏後，近距離打中人、隔板牆或鐵皮果陣，5.56係高初速高轉速下既翻滾爆裂效果會令穿出既彈頭不成彈形且嚴重減速、偏航，而9mm穿透後變形相對小，穿出後仍有較好殺傷力，而鹿彈圓珠(尤其係環保鋼珠)穿透後幾乎冇變形，二次殺傷力最恐怖。呢D唔係我吹水，想睇詳細報告可以去AR15.com等國外真鎗論壇或者直接google FBI既彈道測試報告。(今次呢種2萬人迫到九彩果D另計，用弩都驚一箭兩件...)

如果香港警察較多裝備5.56，對企圖械劫既人會有相當大既阻嚇力，而萬一真係鎗戰時都可以減低好多無辜傷亡同破壞~

[ 本帖最後由 RCOOH 於 4-10-2017 01:04 編輯 ]