B20_hk

Quote: Mr Chan

救柴

在軍旅生涯中, 救人柴都發生過一次, 記得在Gd Coy做CSM時, 某日OC收到報告話有一個兩柴及一名散仔在50修理廠當更瞓覺比人”鋤,” OC話佢唔會審, 轉介CO, 點攪? 果個兩柴係好兵而且屬於醒目仔果隻, 問OC有冇計, 因為CO審就必定飛柴, 仲係打孖果隻, 點知連個OC都話幫佢唔倒, 後來我話: “亞Sir, 不如等我抓破塊面試吓啦.” 結果他交給我辦並且叮囑小心行事.

第二日, 攞埋個報告走去50修理廠搵個ASM, 我都算奸到冇人有果隻, 跟佢講: “潘中校現正決定把Gd Coy的編制轉為步兵隊, 因而所有NCOs都會提昇薪金, 如果告個兩柴, 他可能會改變主意而終止計劃, 會影響成個部隊的士氣, 咁啦, 唔告個兩柴, 罰佢當七更後夠期踢佢出軍隊啦, 點睇呀?” 個ASM話冇問題, 不過佢揸唔到主意, 要見個三粒, 後來齊齊見三粒, ASM沒反對下, 三粒亦同意, 結果將原本的報告撕毀, 重寫報告, 不提及兩柴, 個散仔一個人見CO判14日Detention.

事隔兩年, 退休後應邀到龍隊參加聖誕節晚會, 見到果個兩柴陞咗沙展而且正在掛紅帶當Orderly Officer更, 給人一個機會又何妨呢, 見到人有咁嘅仕途, 自己都覺得欣慰.

B20_hk

人誰無過
Posted in army history on Apr 24, 2008 at 2:24 PM


在首四年軍旅生涯中, 在下都算係屬於衰兵一族果隻, 入伍頭一個星期就學人偷雞, 當時做新兵首六個星期是留營的, 因為家裡搬屋便同埋一個同期偷鷄一個週末返去幫手搬家, 點知個Orderly Officer發覺d新仔食飯時每次都剩下兩份生菓, 於是來一個Role Call後才發覺有兩條新丁偷雞, 仲係兩日一夜果隻. 晚上一返到兵房即刻被鎖入更樓, 早上OC’s Order罰咗五元. 在56期第一隊做足四個月Right Marker, 隊上沙展駱錦全推薦我為Best Recruit, 點知比個CSM否決, 話我係雞兵. 這個經驗就係話偷雞都要跟大隊, 有衰就齊齊衰.

畢業後, 通過為期十個星期的駕駛訓練, 成為一個合資格軍部司機, 在這裡向大頭仔師傅古兆發致謝, 除咗基本駕駛技術外, 還私人醒嘅一些口訣及怪招: “車慢駄快, 一眼關七等,” 開車/轉波唔使離合器, 上斜開車唔使拉手掣等而令我畢生受用, 在此向他致敬.

學完車後調咗去憲兵隊做專業司機, 頭果四年期間, 犯過很多錯及做了許多傻事, 都唔知乜嘢係紀律, 一年起碼兩次OC’s Order, 每次都係Reprimand而不用罰錢, 點解會噤? 就係因為每次都能勇於認錯而不找任何藉口, 每次都不是相同的過錯, 正宗係妙麗乃嘢, 天天新款. 記得一次錯到非常離譜, 出正Order早上九時在槍會山近距靶場燒APWT, 點知果朝十點才到達, 穿著民裝仲帶埋個女友去, 個三粒嬲到咕咕聲叫我下午二時穿軍裝一個人再來, 後來過海返屋企再瞓過, 點知一瞓就瞓到唔見咗個太陽, 唔使講嘢, 早上又OC’s Order, Reprimand兼調返九龍塘總部. 過咗幾個月, 正在九龍塘讀緊ACE1, 遇見域多利個鬼佬憲兵三條半”神經刀,” 知道我臨近婚期並問我想唔想調返去幫佢手, 仲使問, 拿拿聲應承佢並且在教育部立即申請RTU. 調返老域後仲有半年夠期, 當時亦比埋大牌, 話比神經刀知我唔撈啦, 出去踩泥頭車仲好撈過做人王啦, 點知個三粒”辣椒仔”叫我唔好做任何決定, 等到最後時刻才作打算, 因為軍隊將會改革又大幅度加薪而我又有機會陞級. 到咗最後果個月真係陞埋兩柴而軍隊又大幅加薪, 點算? 撈唔撈好呢? 話比三粒知要考慮吓, 到咗最後個星期, 我決定繼續軍隊生涯.

做咗兩柴後不能像以前那吊兒郎當之行為, 從此就學習紀律, 要增值自己, 因為要養妻活兒必須改造自己. 點解以前嘅衰兵一族都可以陞, 就係因為勇於認錯, 不找藉口, 全哥話齋, 聖人都有錯, 康兄話齋, 過而能改, 又唔係傷天害理, 犯少少過失又有何相干呢.

B20_hk

用人之道
Posted in army history on Apr 24, 2008 at 6:20 AM
在60年代因政策問題上出現咗好多貪贓枉法及不公平事件, 海軍為期三個月的”軍官侍從” 訓練後, 各學員都要”過水”比教官. 在第二艘艦服役時因唔滿意D伙食差捧埋碟飯去見船長, (碟中包括白飯, 花生炆豬頭肉及乾煎九棍魚), 點知比個船長趕走, 不久就調返添馬, 一個月內見”Commander”交kit回家, 原因係”Unsuitable, 更諷刺就係呢頭交完Kit海軍頒個婆羅洲功牌給我.

當時海軍華人”Chief Petty Officer”除咗在艦上管理華人”Cooks and Stewards”外, 還包埋所有華人和軍官之伙食, 此等生意是合法的, 叫做”Messman.” 你投訴伙食差等同打爤佢飯碗, 唔做死你才出奇, 點解海軍出糧比個Chief做埋承包商 “咩士文,” 噉都得? 皆因政策上的失誤. D咩士文往往比錢投隻航空母艦做.

70年代中, 香港LEPs大改革, 海軍淘汰艦上華人廚師及侍從, 能者調職到岸上工作, 其他人參加補錢裁員, 水雷炮則提高學歷與資格, 不合者可參加自願裁員計劃, 從此軍中就講Education, Qualifications and Recommendation了, 除咗符合以上條件, 最重要係有人睇起你, 話你”Capable”勝任你就有運行, 慶幸軍中沒有”Suitability”這回事, 一句”Unsuitable”不稱職就把你踢走噉就死得人多了.

軍中雖然訂立好陞級的準則, 先要有Ability, education and qualifications的支持,上級才衡量你陞級後的職位能否勝任, 然後才決定Recommendation, 等Record Office之CO作最後批准方可執行. 在整個過程中, 看來好似非常公正, 好有系統性, 但在Recommendation階段中, 每個上司都有不同的看法, 往往涉及私心, 關係, 社交及個人形象因而很多人都覺得有些不公平, 尤其Depot NCOs有很多都陞柴調隊, 唔嬲得噤多, 正所謂近官得力, 近廚得食, 個CO認識佢地, 必然多咗印象分. 我也覺得軍隊陞柴冇見Board這回事都有點不恰當.

記得80年代狗隊有個沙展陞咗三條半唔夠兩個月陞埋銅牌, 覺得非常不合理, 莫非水雷炮D三條半死晒, 於是某日在鯉魚門開完水牛會後見RSM魏要求見CO, 大老細話狗隊個銅牌位Record Office早就推薦我去做, 點知比個OC拒絕, 話我爤賭, CO話佢唔會忘記我, 下次啦, 下次啦!! 原來當時我在石崗體育館做CQMS期間, 工餘時經常到狗隊飯堂打怪獸機, 比鬼佬睇見當我爤賭, 真係吹佢唔漲. 這個就係涉及個人形象問題, 鬼叫你樣衰衰果隻, 成日打怪獸機.

我地D水雷炮兵陞官冇經軍校受訓, 陞柴又冇乜人事管理的專門訓練, 只係靠士官深造班及累積工作經驗, 能夠做到管理層我本人覺得抓緊十二個字去幹就天下無敵: “大公無私,” “勿枉勿縱,”及”問心無愧.” 現今社會, 社交活動是非常重要的一環, 尤其在大陸做生意, 打工一族還可以揸到正, 但如果做老細唔靣靣俱圓好容易一敗塗地. 人事管理及用人之道是一門深不可測的學問, 要經過一輪思考和摸索才能領悟到少許.

B20_hk

引用:

原帖由 ranger_hk 於 12-11-2009 23:15 發表
好正重有冇呀c兄??

一日一篇....

等你吔追吓...

B20_hk

飛柴
Posted in army history on Apr 24, 2008 at 6:22 AM
1984年夏天某日早上, Gd Coy有個一柴在槍會山兵房當完更回來見銅牌話有一個散仔當巡邏更時瞓覺, 話要告佢. 根據槍會山之固定訓令, 2000 hrs 後拉閘而不需要人守衛, 因此改為Double Prowler sentry. 原來事發當晚, 巡邏的散仔獨自行必, 柴仔見他久久未回, 於是派另外跟他拍更果個散仔去搜尋, 結果發現他在車隊巴士裡睡覺.

根據故事之來龍去脈, 果個柴仔好明顯玩緊”朋黨”明屈個老散, 如果告佢Sect 29 of the Army Act 1955, 個銅牌點同成個Coy的士兵交代, 當更瞓覺, 理應受罰, 後來銅牌話罰佢當三更啦, 點知個柴仔話: “亞sir, 你唔告佢即係唔支持我地NCO啫.” 銅牌話: “冇一個亞sir會唔支持NCO的, 但你其身不正, 身為NCO I/C Relief並冇派遣兩人一起行必, 若然要告, 必須連柴仔都要告埋, 你自己考慮吓啦.”

結果個柴仔都話要告, 兩張AF B252見CO , 柴仔告Disobeying Standing Orders判飛柴調隊, 散仔告當更瞓覺判14日Detention.

當時個銅牌真係想唔出其他方法去解決這件個案, 攪到要人飛柴影響仕途亦非他所願, 果個銅牌正是在下, 軍旅生涯中, 飛人柴個案只得此宗, 所以印象尤其深刻, 究竟做得對或錯, 有否其他方法處理, 請各位前輩多多賜教, 賜教.





[ 本帖最後由 B20_hk 於 13-11-2009 22:44 編輯 ]

B20_hk

引用:

原帖由 MS 於 13-11-2009 22:45 發表

果条鬍鬚佬在西環宝x園做保安,扮晒野佢唔係水雷炮...佢係海軍陸戰隊喎?

嘩...豪宅...
乜咁多人喜愛扮兵

B20_hk

引用:

原帖由 MS 於 13-11-2009 22:58 發表

相中人大難財,同英軍第一槍......黑仔馮

MS你又寫吓自傳...

B20_hk

引用:

原帖由 MS 於 14-11-2009 05:09 發表

ms狗口長不出象牙

一早知....但我哋唔介意

B20_hk

.因

引用:

原帖由 MS 於 14-11-2009 18:09 發表

嘩!洗會洗咁坦白

因為你都唔介意....哈

B20_hk

CO HQ Sp Tps - Lt Col
Posted in army history on Apr 24, 2008 at 2:18 PM


啹喀兵一族是世上善戰的部隊, 不但軍紀嚴厲, 服從性強而又精通森林戰術. 在英軍擔當重要角色超過一個世紀. 1967年香港暴動期間, 一次駐港啹喀兵在北角一幢大廈天台執行空降突襲行動, 因而檢獲大批武器, 土製炸彈及反英大字報. 行動中, 軍警更聯合拘捕百餘滋事份子. 當時此行動的執行主管為一名啹喀來福槍兵團之軍官Lalbahadur Pun, 他是英國籍尼泊爾人, 在英國參軍.

1982年我被派到九龍塘兵房之衛兵連擔任CSM, 潘先生當時已經貴為Lt Col, 任職HQ Sp Tps司令官, 更是CO Gd Coy. 他不單對軍紀嚴格, 且對部隊之要求極高, 所以將部隊編制從營房守衛轉變為步兵部隊. 期間透過他和啹喀軍團之密切關係, 很多啹喀兵派來Gd Coy擔任導師及示範隊伍, 訓練包括有VCP, Cordon & Search, Anti Riot Squad, Radio Trg, Tactics, LDA 以及種種式式打仔隊部所需求都有. 所有NCO都被派到海外參加演習, 尤其婆羅乃之森林戰術, 軍官都被派往英國通過Platoon Commander Course. 經過一連串的全力以赴, Gd Coy終於成功轉為Dragon Coy, 一支優秀的步兵部隊, 所有NCOs 出Band 2糧, 銅牌出Band 3, 跟Depot Instructors 睇齊.

潘中校不單止對dragon Coy 一片苦心, 對下屬亦非常關懷, 記得一次帶埋一大盒生果跟隨他乘坐直昇機到大嶼山視察演習, 降落前看到綠色的山頭變成一堆堆黃土, 原來D下屬正在挖戰壕, 汗流浹背, 兩位亞Sir到訪慰勞, 休息一陣, 食個生果都零舍心甜.

潘中校對HKMSC所出之貢獻都值得我們敬佩, 在英軍退休後加入皇家婆羅乃兵團任訓練官. 現時都應該正式退休, 希望他生活愉快. Lt Col Lalbahadur Pun是一個我永遠懷念的Remarkable Person.

B20_hk

引用:

原帖由 B20_hk 於 13-11-2009 22:38 發表
飛柴
Posted in army history on Apr 24, 2008 at 6:22 AM
1984年夏天某日早上, Gd Coy有個一柴在槍會山兵房當完更回來見銅牌話有一個散仔當巡邏更時瞓覺, 話要告佢. 根據槍會山之固定訓令, 2000 hrs 後拉閘 ...

detention滯留;延遲

是否坐軍監?

B20_hk

引用:

原帖由 MS 於 15-11-2009 00:15 發表

条胡鬍佬係HKMSC兵.......ms教出來......扮海軍陸戰隊,哈世界真細小,揾ms姊夫叫ms買個RM盾牌.....重賤到唔俾錢!搞到上法庭

吓...自己係兵，重要扮兵
又賤到唔俾錢...咁好笑...

B20_hk

憲兵之父
Posted in army history on Apr 24, 2008 at 6:14 AM
憲兵之父 – Ex WO2 Lin Hung Yee BEM

連洪儀 Lin Hung Yee在1961年九月入伍為37期學兵, Pln Sgt駱錦全, Pln Cpl魏漢光, 當時訓練營真係賓虛噉嘅場面, 有五隊新兵, 雅麗姍郡主到訪觀看200人軍操. 因連君在受訓期間經常午睡, 瞓到成條死魚一樣, 叫都唔醒果隻加埋身材肥胖, 所以被D同期改咗個花名叫做大鹹魚.

畢業後經憲兵四大巨頭(DAPM, OC, 2IC & RSM)到訓練營挑選並派往皇家憲兵隊開始他的憲兵生涯. 62年英國仍然行服兵役制, 所以憲兵隊有如人滿之患, 水雷炮兵只係做吓雜務General Duties.

63年連君被調到SIB, 因他父親是老差骨"山東佬”之關係, 被派到灣仔警署雜差房學習查案, 指模, 影相等, 為期六個月之Identification Bureau Course並跟Chief Inspector HUNT 及Cpl歐陽坤學習. 其後又到DTW學埋駕駛. 在威菲路兵房的SIB一做就做到1966年.

1967年因方便拍拖, 他和女友都是住在軍器廠街警察宿舍, 所以申請掉往域多利兵房之憲兵分局任DAPM司機. 不久就陞兩柴掉到深水埗兵房的憲兵總部. 點知當時兩柴只係多八毫一日又唔方便拍拖, 所以申請見老細飛柴調返域多利還被老細幽咗一默: “我勸你十二點前著埋兩柴軍裝影相留念, 十二點後你就永遠都係一條白布仔.”

調返域多利後仍然做返DAPM司機, 69年陞回兩柴, 72年10月被派到英國受訓, 為期四個月的Basic Provost Course, 當時連洪儀是第二位參加者, 第一位是60年代的陳楚生. 受訓期間陞埋三柴, 學員中得佢一個住Sgts’ Mess.

返港後一直在憲兵隊當Orderly Sergeant更, 1978年被派往英國參加Senior Promotion Course班, 1980年陞三條半, 1982年陞銅牌, 1983年退休, 其後加入滙豐銀行做保安主任, 一做就做咗二十年.

入滙豐後軍隊有信到授勛BEM, 如果到英國, 滙豐只可攞冇薪假期, 軍隊不可能給機票, 唯有在港督府領取, 當時APM派座駕接載穿着民裝的大鹹魚到港督府參加授勛儀式.

大鹹魚的憲兵生涯看來好似平步青雲, 扶搖直上, 其實他跟大部份水雷炮兵一樣, 亦有辛酸史, Senior Cadre因身材肥胖被大聖爺追住殺並要佢減肥, 憲兵沙展期間因BFT唔合格, 被APM Lt Col Dean 召見: “唔好以為沙展可以啖啖定有錢剩, BFT再唔合格就有得飛, 冇得升.” 嚇倒大鹹魚日日到寶雲道秘密練武, 從220磅減至160磅, 也經常從華富邨跑到添馬上班, 最有辦法之人對住BFT都冇晒計. 連君對住D鬼佬講洋文就天下無敵, 揸起枝筆就重過鐵筆, Yeah! Yeah! Yeah! 就在憲兵隊從散仔Yeah到銅牌, 在任期間卻能代表香港憲兵隊參加全球英國憲兵大會而晉見英女皇, 退休後又追封BEM, 推薦勛銜來之不易, 要有四位前任CO贊同Provost Marshal才批准. 我相信連洪儀在憲兵隊的表現軍中都無人能及, 憲兵之父實至名歸也.

B20_hk

B20_hk

引用:

原帖由 MS 於 19-11-2009 22:54 發表
哈哈,大佬銘你死喇,有人告你盜板喎 唔關ms事

政府擬修例把所有以電子媒介侵權行為列為刑事，令網民擔心容易誤墮法網，政府昨日解釋說，日後網民若未經授權把有版權短片網站的連結，放到網上，便有可能負上刑責；若只將版權作品的一小部份放上網藉以引起公眾討論，則並不違法。

MS兄....若Mr.Chan不喜歡,我可delete