引用:
原帖由 jacko 於 16-10-2017 10:35 發表 
緊係問當事人啦
可能小弟真係講到1999。我由頭講一次：
事發於上星期六 W易發
一行十二人約戰，火力上限1.5J AEG
開Game前check槍，只有一支GnP原裝16吋
1.8J@0.2bb,其他全部合格。最後持有gnp的朋友同場地租左槍。
開Game前女職員驚告場中有裝修工人，小心唔好打中人。
除此之外，冇講過d新車要注意。。。
打左一朝，相安無事，突然出現的男職員，話場中有兩架車，車尾玻璃爛左，而佢同日朝早check過果兩架車所有車窗都正常。懷疑係我哋打爛，要求賠償云云，又話可能我哋槍支過左合法火力。
我哋即場圍內問下，冇人認打爛過果兩塊玻璃，而且小弟亦當場叫果個男職員，如有懷疑，歡迎check槍check彈。但男職員冇做，再話問下老細要點做，我哋以為事件告一段落繼續打，打到大約4點，收拾行裝就散場。
散場後收到男職員電話，要求賠償3000元作維修玻璃之用，否則報警，更開出時限，戰友商糧過後認為我哋冇理由需要負責，原因如下：
1.首先唔知道兩隻窗幾時爛，係咪我哋打爛都不能確定
2.場中障礙物如果你打game中途被誤中，應為場地提供者的合理預期。
3.場地職員由開game到佢哋話我哋打爛野之前，隻字不提車上玻璃完好，需要特別留意，更加冇事先聲明過如有損壞需要賠償。
最後，我哋決定唔再回覆場地職員，如果場主再有疑問，歡迎佢哋報警，至少還我和戰友一個公道。
成個故事，我知道的，我經歷的已完全報告，各師兄版友要信就信，唔信就下次去幫我試下掃埋其他車尾玻璃，小弟就此謝過各大大關注
