fufu999

引用:

原帖由 wing383 於 17-10-2017 08:59 發表


G兄有道理，要講到比人凶而要屈服相信無人比你更權威

我都認為W最笨實係無證無據之下就話人打爛乜乜乜又要人賠仲要唔係即場處理好，即場唔報價唔再check槍又唔報警，又仲要咁天真相信host/樓主等人既"口頭承諾 ...

老老實實，我而家最後悔既，就係當時接受左場主話之後再計數，初時場主態度唔係咁惡劣，而我哋都冇諗過件事會咁及展，而冇逼佢即時check槍，我諗我哋今次事件既教訓就係每次打game前都會要求場地check場以示清白。我哋成班新手，之前約戰已經為左打1.5定1.8嘈左幾日，差d打唔成。一半人短就，有個直頭一件tee加短褲，我哋打鬼火或者咩玻璃剛珠，佢第一個報警入廠啦。。。而家俾人老屈真係好唔順氣。

而家個場都間接承認左，客戶打爛場中障礙物係需要賠償，就算佢地沒有任何確實證據係客戶破壞。。。更加會係事後老屈客戶鬼火。Lee d 咁既場真係你打埋我果份

fufu999

引用:

原帖由 no-name 於 17-10-2017 10:05 發表

如果係怕麻煩讓步當跌少少錢，咁又有 D 奇怪。
樓主又好場主又好，都講左一個共通點，我視為客觀事實，就係當時樓主一行人當時係願意賠錢，而事後散左水樓主一行人卻反口不賠。
關鍵位就在於幾時講個價錢，樓主 ...

報價一定係我哋走哂後報的，host仲傾到電話冇電。
唯一講句我做錯左既就係應該企硬唔賠。
而且我哋真心覺得Lee d 等劏既車，零件會值得幾錢，本身成架車先幾千蚊。。。
當時我哋亦都覺得本身好少事，繼續打到4點。你話我哋身有屎仲會唔會成班人係度繼續打，仲要轉左去樹林果邊打，俾場主慢慢痴膠袋。。。

fufu999

引用:

原帖由 Dave 於 17-10-2017 10:13 發表


都係果句... 場主同你講既係兩回事。
話當時你地團有人已認頭負責又認左真係有d 「超左」既槍。而當時導師是ling，女人仔一名，
事後有團友粒聲唔出走左先，ling 先急call 場主番來問點算呀佢地開始執野走。
...

講左好多次，超左係講緊支1.8，因為我哋打1.5.
你要繼續老屈隨便你。
冇人粒聲唔出走。。。我哋有鬼火會留多幾個鐘
就算所謂早走左既朋友，都3：30先走

都係果句，你諗意就報警，我哋冇野唔驚你。
但你個場咁樣做生意，就一定做唔長

fufu999

引用:

原帖由 流浮山M4神 於 17-10-2017 01:57 發表
先禮後兵.小弟做CD ROM都有幾個月, 戰齡有1-2年, 非老手經驗不淺. 純分享個人意見.

先帶出前提及結論: 我平時也打開1.9力0.2膠珠, 響正常情況下真係無可能打得爆任何車既玻璃, 如果有板友唔認同既可以提出證據. 所 ...

Fb 出個post就當叫左人要錫住d車。。
下次Book場真係要場主提個客睇哂個公司網頁。。仲慘過去interview

fufu999

引用:

原帖由 Dave 於 17-10-2017 10:25 發表


3:30 走左.. 即係 2 點幾3 點「開始」執野啦... 睇黎師兄真係好攰

我哋個個有家室有私人野做，況且走果個都唔係有1.8J槍果位。。可能你係老手多裝備，你執野要執成個鐘，但係我哋要走十分鐘內都走得，個個輕裝上陣。。。
你而家只得番D陰謀論不停咁攻擊我哋，全部談不上證據，根本唯一事實就係個場要客賠一塊唔確定邊個損毀既玻璃。
你咁樣日日幫你/你朋友個場宣傳，我樂意奉陪，我就損失少少時間，你(朋友)個場就。。。

fufu999

引用:

原帖由 Dave 於 17-10-2017 12:43 發表





之前就「個個0.2g bb 1.8J樓下」
今日就「因為我哋打1.5」...
聽日...

我諗你中文閱讀水平真係有待提升所有槍都1.8樓下，同我哋打1.5有咩衝突？我哋的確有一支1.7x 的槍在check槍後禁用，咁我講全部1.8樓下，係咪簡單又準確呢？
繼續屈，come on

fufu999

引用:

原帖由 type38 於 17-10-2017 12:52 發表
註冊日期 lol  開ac轉移視線？

樓主有冇打爆人野？有就有 冇就冇 話之你撼頭撞爆
事實上人地塊玻璃真係爆左，
咁多人在場 點解Host只係交你名？ 爆得高調過人？

我就算渣車hi花人地架車，都實道歉兼賠償
...

Host冇交我名，我係其中一個，係場主話玻璃爛左後，同佢講check槍既人，場主仲即時問係咪我打爛。
你問下場主，佢應該有印象我係邊個，我唔係host或者所謂的當時人。

你咁有責任感，你平時打game打中d樹呀，木頭，打花左有冇次次都同場主道歉？
你打過挨過D鐵筒可能移左位，有冇通知場主？

fufu999

引用:

原帖由 Dave 於 17-10-2017 13:19 發表


咁其實 1.8 樓下同 馬記原裝力 都冇衝突的，其實師兄洗唔洗改口「我地全都0.7J 原裝馬記力」

你連Logic都錯埋。。。
兩支槍 一支1.7 一支0.7
你可以話全部1.8樓下
但唔可以話全部0.8樓下

真唔明定假唔明。。。
幫朋友係好，但唔好賠上自己的聲譽吧

fufu999

引用:

原帖由 gtoray 於 17-10-2017 13:49 發表
老實講，依家咁睇，場地真係無真憑實據證明到爆玻璃係由事主一團人做成，有既只係環境證明，主觀因素
但我個人認為事主一團人就係整爆玻璃既黑手，我唔係法官，呢度亦唔係法庭，純個人感覺

成班人打game，打打下中途場地話有野爛左，之後冇人認，我自己初初更加連架車有冇玻璃都唔清楚，因為我都冇乜行過果邊。。。。
老實講，我本人覺得的確有可能係我哋既人整爛，但我認為你放得係場中既障礙物，事先又唔提及唔可以打，就算係我哋整爛都唔可能要求我哋賠償。場主懷疑我哋鬼火，當下已回覆可以隨便check槍。但場主又唔去做。相信冇一個game友打緊時咁care在場裝置會否因bb彈槍擊而損壞吧。

當然，當時host選擇想息事寧人，我都專重host決定，但走後報出嚟的價的確不能接受。所以先做成而家既爭執。

fufu999

引用:

原帖由 gtoray 於 17-10-2017 14:19 發表


Check 咩槍哎，根本唔係用汽槍射擊整爛
連你自己都覺得有可能係團中有人做成啦
合理既情況下有損毀好正常，但呢個情況係超出合理範圍啦

擺得響game場應要預期有損壞，但刻意用不正常手段去破壞又一件事
場 ...

咁如何界定損毀既合理範圍呢？
如果我哋真係玩到專登破壞，點會只係兩塊我哋都唔確定開game前有冇的尾玻璃呢？

fufu999

引用:

原帖由 no-name 於 17-10-2017 14:50 發表
其實無謂製造白色恐怖，小弟打左十年 indoor outdoor 收費場都未聽過 "唔覺意" 射爆野要賠錢，有 D 煽情人仕更唔好再吹 D 咩射死條草要賠錢之說。要咁玩法 W28 第一日玩左，唔會再花錢去搞好個場先做臭自己個名，真係 ...

點解會兩架車車尾爆先覺得係故意。。如果成架車爛哂會唔會更加覺得故意？定係只有一塊爛先係覺得故意。。。
根本你冇證據，首先都唔可以確定係我哋整爛，更而夾硬話我哋惡意，究竟係咪公正？
Host當日exectly點同場主講我唔係好清楚，但當日連場主都係話之後再傾， 如果數目唔係好大就息事寧人。。。否則我哋唔會繼續打,一定據理力爭。
你講到打消防系統就根本係Common sense 而且果d水龍頭點做cover呀大佬，咁都打爆就真係人的問題

fufu999

其實到而家來來去去都係冇理據質疑
1.槍支過火
2.唔係身有屎點解想息事寧人
3.有人故意破壞

小弟一次過再回應，之後望各位花生客高抬貴手
除非場主上黎回應，否則小弟都暫時唔再回覆

1.所有槍支開場前都有檢查，只有一支1.8及其餘十零支1.5以下AEG. 堅持唔信我冇辦法
2.當時host希望儘快解決事件，小弟都同意息事寧人唔係一個好既做法，將來一定銘記於心。如有同類情況，一定會停戰同場主拆掂先繼續。
3.而家講到爛兩塊就擺明故意，咁我反問究竟要爛一塊，定係全部爛哂先算唔係故意呢？如果係需要保護或者要賠既物件，場地可以列明打爛左要賠幾錢(大把cqb場有寫明)，唔應該一早唔講，打爛左之後先叫人賠吧？

最後多謝收看，亦祝各戰友之後係28打game平平安安。亦祝願28的車輛日後完好無缺
後會有期

fufu999

引用:

原帖由 Dave 於 18-10-2017 01:37 發表


G 兄...而家表面證供根本就係發現(懷疑)有人破壞，又有人認左頭，但事後反口唔算數，姑勿論認頭者係唔係真係有射，認左就係認左，反口就係人格問題。
又早走又唔認數再失聯，成件事唔係好難理解姐...
至於甚麼 ...

見你識場主就破戒覆你一次。

由頭到尾我哋都冇認過係我哋整爛兩塊玻璃。
而當場我地只係同場主講過“等你報價之後再傾”
場主一相情願認為開任何價錢我哋都會接受未免太天真

既然場主冇任何證據證實我哋打爛玻璃，我哋之後收到報價唔認為要賠償又有咩問題呢？我承認我哋當時太怕事做錯決定，但都唔好屈我哋承認我哋係整爛玻璃的原凶。

不過你都唔會信我講既野，又浪費左自己青春。

只此一次，唔會再覆。
叫你個好朋友場主上黎對質吧，我已經有當時對話的exect wording. 就睇下你哋想點屈我

fufu999

引用:

原帖由 屈濕 於 26-11-2017 02:40 發表
我地冇賠到，最後場亦冇追究，我地完全check過哂槍先俾落場，我地冇突擊檢查，雖然採取互相信任態度，不過有懷疑都會出聲，check槍冇問題，期間又冇人投訴

同埋都係個句，D野擺得係場中間，人地又唔係故意玩野打爆 ...

都話左過幾個月自有分曉. 而家都冇幾個月
btw,領左獎未? 有現金5000 wor
仲有dave兄訓身橕你呢...

fufu999

引用:

原帖由 Dave 於 28-11-2017 15:25 發表


樓主當時比人指到縮埋，可能岩岩凸番個頭出黎睇野唔太清楚，雙眼未適應自然光，點錯相，對閣下深表同情

哈,冇哂point就得番人身攻擊... lee度你主場又唔會有版主禁你言,咁既小圈子forum真係明白哂點解香港愈來愈少人打wargame...
講起又想問下dave大大陣間會唔會過去去試下正常人叭落車度係唔會整爛車既玻璃? 小弟拭目以待