事源於小弟自N年前細個打某online game，非常鍾意當中既M14 EBR，雖然過咗我諗成6年但熱情分毫不減
曾經有過一把CA既M14EBR,奈何搞彎咗無辣雞整返條線，又搵唔到彈弓匣(CA匣同雙豬一樣都係特規，用唔到馬記及其仿製品既匣)，而且鬆到PK，基於要用錢既理由放也
見到國狗有賣一把ASG出既M14 EBR，雖然有諗過應唔應該揀返CP值比較高既CYMA仿木M14或者換電比較方便，都係CYMA既M4托版M14EBR
不過到最後都係買返原型既M14EBR，盛惠2000內
點解唔買豬皮？無他，錢作怪。買到一隻豬皮已經買到兩把ASP，不如捨身成仁比大家睇下咩料
呢把槍真係來路不明，拜訪過谷歌大神只知道呢把槍係金弓做OEM，性能表現各說不一，都唔知信邊個
箱圖
雖然我諗都好明顯係邊個生產既，不過既然係OEM，理應包裝都係ASP......不過是但
箱內部
槍，320飛鏈匣，車仔電(應該係8.4V)，有獨立包裝既說明書，旁邊一粒係要獨立買既鏡mount，呢舊都要分開買真識做生意也
槍圖
大大隻「JG」印係到，唔計鏡軌基本上就係成把槍
唯一一個刻字，連springfield果啲都全部欠奉，甚至唔見有ASP，但上網搵資料話應該係有marking既，奇怪也
呢個CA稍為做得比較足，不過反正都係錦上添花，無傷大雅
細節
此為貼腮部分，可見係小細節上仲係做得不足，模線仲係系到無去除，所幸金屬身表現良好，無顏色不均等問題
護木，雖然仲係有細節問題，不過反正遠睇根本睇唔到，而且手感良好，無視也
呢把M14EBR同CA既一樣，都係基於Mod 0而製，因此CA定雙豬既EBR將電池放係護木呢個低能但無可奈何既問題係JG呢把身上都同樣出現
個設計既問題係由於護木空間唔大，塞個1100 mAh既7.4V電已經非常勉強，而且護木又用三粒顆絲鎖死，穩定係穩定但係要換電就真係大大鑊
CYMA係用M4托既空間迴避咗呢個問題，不過用M4托硬係就充滿違和感......
不過值得一提既係，雖然都係有條bar突出嚟上三粒螺線，但JG既比較粗同硬，就算粗暴少少都唔會彎，比起CA軟到不堪搞到上螺絲非常複雜，JG做得比較好
手柄，同護木一樣係磨沙，但CA係滑面
值得一讚既係由於設計問題，手柄非常穩定唔會左右轉，CA只係用個頭扭住算數結果非常非常鬆
假Bolt，Hopup調整同CYMA以及馬記一樣都係系彈匣前面既一個轉輪到，因此BOLT除拉下high下之外基本上無任何用途
聲音清脆，暫時相當穩固，唔會話好似CYMA咁啲人咁講撞一撞就成條斷
但唔同CYMA(好似係)咁，JG要拉到底先至會自己鎖住，而且解Bolt唔係靠後拉而係禁個制彈返落去，算係美中不足既地方
唔知係CA畫蛇添足定JG蓄意為之(雖然基本上肯定係後者)，呢把既半/全自動無A字做記認，只能靠自己記住(上係半，下係全)
M14其中一個設計問題係個半/全自動要靠上面既杆用右手去扭，而唔能夠好似M4等拇指撥一撥收工
細節上同樣見到有不足之處
性感既尾托，最鍾意就係EBR獨特既可伸展尾托
同其他Mod 0一樣都係禁住底下既制，令頂住個托骨既金屬片被壓低，從而調整槍托長度
不過同可以好輕鬆咁拉出拉入既CA相比，JG版既EBR金屬片壓既時候唔夠低，要拉/推非常麻煩
可調腮板，暫時無問題，拉起定縮返都簡單
之後再做射擊測試，因為系統共用馬記M14，相信比馬記M14用既匣應該可以無問題直上，聽日再試
不過要唔要拆咗佢嚟睇......M14EBR既問題係本體用一堆螺絲鎖住，唔似原裝咁好簡單咁拆一拆trigger guard就可以成枝解體，搞一次頭都暈，等有時間先再搞
[
本帖最後由 天翔翼 於 6-3-2018 18:33 編輯 ]
