引用:
原帖由 nathan852 於 11-5-2019 14:21 發表 
日用品美國本身有一定廠家生產開 只係遠在太平洋彼岸既我地少接觸
而且自美國早前大減企業稅 加上部分州分對投資設廠有額外稅務優惠 成本已同中國拉近一段距離 未必多 但開始有足夠吸引力 亦吸引一定數目既廠商回 ...
本地生產點都一定有幾間，的確唔一定係零
但問題係你話美國政府機構限制甚至禁用中國製貨品，普羅大眾同其他私人機構食唔食American Product First呢一套又係另一回事
最直白例子，氣槍玩「打得上得場」級數既野都係大陸製既CYMA/JG/其他海外代理既變名，真槍又有Norinco出既產品
話個產品真係好正貴少少都尚會有人買，質素唔係差太多既情況下消費者都會揀平既產品，無計人係咁
(例，JG同TM VSR，鬼佬都唔會因TM個工差少而比多兩倍錢買TM VSR，零件PDI強無敵但咪又係買楓葉AA平野.....雖然楓葉AA係台仔)
補貼資助本地生產減少成本都仲係有限
如果美國製造真係減少到咁多成本，本應就已經大部分野都回流美國啦，但美佬企業又要平全部outsource比亞洲各國做生產(當然有其他原因例如逃稅，但成本始終係重要原因)
而家要再開生產線大量重啟已經大規模海外設廠既產品，設計生產線同試製用既時間再加上要請人去睇條線，產品識飛咁勁又好都係要搞幾年
果時侵侵落左台比另一個人上，又或者侵侵突然取消關稅，果啲趁呢次想回流美國既企業成本鬥唔過又係要蝕本仆直(或最起碼利益受損)......
再況且1/20有鬼用，日用品需求都唔止呢個數，咪又要係依靠其他國家彌補個空洞
再者真係逼中國埋位加快轉型到高產能行業，於美國而言如果大陸唔成功尚可，一成功美國就變成要同大陸鬥佢地既重要產業(創意，電子etc)死得仲快
引用:
原帖由 nathan852 於 11-5-2019 14:31 發表
「況且唔係得美國醒，其餘三大豆王一樣可以進口平價美國豆比自己食，貴dd既本土豆出口比中國」
正中美國下懷 出口去邊 ...
如果呢個係美國政府本來既計劃，咁樣證明左佢地呢三十年送機會比中國既經驗中咩都冇學到
短時間大陸買豆係貴左，個利潤又係其他國家賺到
人地學到你既豆點種到後加大產量減少生產成本滿足海外同內需，質素差距唔大價錢又無特別優勢，大陸食開左人地既豆仲會唔會同你直接買豆？
[
本帖最後由 天翔翼 於 11-5-2019 16:38 編輯 ]
